د ټولنیز کارمند سره د ملاقات وخت اخیستل

د ټولنیز خدماتو همکار (ASS) ، چې د ټولنیز کارمند په نوم هم یادیږي چې له هغو خلګو سره مرسته او همکاري کوي چې له مالي، ټولنیزو، روغتیايي او یا رواني ستونزو سره مخ یي.

دا ټولنیزکارمند کولی شي تاسو ته مشوره درکړي، د مرستې لپاره ستاسو په غوښتنو کې مرسته وکړي او اړونده خدماتو ته ستاسولارښوونه وکړي کوم چې کولی شي ستاسو اړتیاوې پوره کړي.

ښه پوهیدل: ټولنیز کارکوونکی کولی شي له تاسو سره په بیلا بیلو برخو کې مرسته وکړي لکه د کور په پیداکولو، مسلکي ادغام ، روغتیا، نقل او حرکت، د ماشوم خوندیتوب ، ستاسو د بودیجې په اداره کولو کې، دډیر پور لاندی راتللو حالت کې ، د خپلواکي او په ځان د اعتماد له لاسه ورکولو حالت کې ...

یو همکار کولی شي ، د مثال په توګه ، له تاسو سره د ټولنیز هستوګنې (logement social) یا ټولنیزې مالي مرستې (aide sociale) غوښتنه کولو او دوسیه جوړولو کې مرسته وکړي، لکه فعاله ټولنیزې مرستې (RSA) ته تقاضا کول، دنده موندل، روغتیایی خدماتو ته لاسرسی پیدا کول...

خپل ټولنیز همکار څنګه ومومئ؟

تاسو کولی شئ په لاندې ځایونو کې ټولنیز کارکونکي ومومئ:

• ستاسو د ښاروالۍ د ټولنیزو فعالیتونو په مرکز (CCAS) کې؛
• ستاسو د څانګې یا ساحوې شورا کې؛
• تاسو ته نږدې د کورنیو لپاره د مالې مرستې صندق (CAF) په مرکز کې؛
• همدارنګه په ځانګړو تاسیساتو کې هم مندلی شئ، لکه ستاسو د ټولنیز امنیت مرکز (CPAM) ، د پاملرنې تاسیسات، د ټولنیزو مرستو اداره CROUS، طبی او ټولنیز تاسیسات، اصلاحي تاسیسات ، ښوونځي ، د معلولینو ریاست څانګه ، سیمه ایز ماموریتونه ، اوداسي نور.

ښه پوهیدل: که تاسو نه پوهیږئ چې له کومې ادارې یا څانګې سره اړیکه ونیسئ، تاسو کولای شئ د خپل ښار د ښاروالۍ مرکز سره تلیفونې اړیکه ونیسئ ترڅو هغوی تاسو ته مناسبه مشوره او لارښونه وکړي.

د مثال په توګه ، CCAS او ډیپارټمنټ شورا تاسو ته د عمومي ملاتړ وړاندیز کوي، پداسې حال کې چې Caf به له تاسو سره ستاسو د کورنۍ پورې اړوند مسایلو او اجراآتو کې مرسته وکړي. د ټولنیز امنیت مرکز به له تاسو سره صحي خدماتو ته د لاسرسي او روغتیایي مرستې ترلاسه کولو کې مرسته او ملاتړ وکړي. پداسې حال کې چې ځایی ماموریتونه کولی شي د دندې په لټه کې له ځوانانو سره په کارمندنه کې مرسته او ملاتړ وکړي، او داسې نور.