ሆፕ HOPE (Hébergement Orientation Parcours vers l'Emploi) ዝተባህለ መደብ መንበሪ ገዛ ኣብ ምርካብን፣ ናብ ሞያዊ ዓለም ኣብ ምጽምባርን ዝሰርሕ፣ ስደተኛታት ርእሶም ዝኽእሉሉን ስራሕ ክረኽቡሉ ዝሕግዝ መደብ እዩ።

እዚ መስርሕ እዚ እምበኣር ኣብ ክልተ ክፋላት ዝተኸፈሉ መደባት ዝሓቖፈ እዩ።

• ፐ ኦ አ ሰ ኤፍ ኤል አ (POEC FLE) ዝጽዋዕ ስልጠና: እዚ ስልጠና እምበኣር፣ ምድላው ኣብ ሞያዊ ዓለም ማለት ናይ ህንጻ ስራሓት እንጥቀመሎም ቋንቋታት ንምፍላጥን ኣገልግሎታቱን ኣብ ናይ ኢንዱስትሪ ወይ ፋብሪካ ሞያ ንምስልጣንን ብ ፐ ኦ አ ሰ ኤፍ ኤል አ ዝተባህለ መደብ ዝወሃብ ስልጠና፣ ማለት ኣርባዕተ ሚእቲ ሰዓት ናይ ስልጠና ግዜ ክህልዎ እንከሎ ካብዚኣተን እተን ሰለስተ ሚእቲ ዝኣኽላ ኣብ መሰልጠኒ ማእከል ዝካየዳ እየን።

- ቀንዲ ሸቶን ዕላማን ናይ እዚ ፐ ኦ አ ሰ ኤፍ ኤል አ POEC FLE ዝተባህለ መደብ ዝወሃብ ስልጠና ከኣ፣ አቶም ተምሃሮ ወይ ሰልጠንቲ ነቲ በቲ እተን ትካላት ዝደልያኦ መለክዒ ተዓቂኑ ዝቐረበ ናብቲ ዝለዓለ ሞያዊ ብቕዓት ንምጽምባር ዘኽእልን ዘዳሉን ስልጠና እዩ።

- ኣብ መዛዘሚ ናይ እዚ ናይ እዚ ፐ ኦ አ ሰ (POEC) ዝተዳለወ ስልጠና ድማ እቶም ተመሃሮ ኣብ ሞያዊ ዓለም ዝጠቕሞም ልዑል ብቕዓት ናይ ሞያ ቋንቋ ክእለትን ተመኩሮን ከምዘጥረዩ ዘመስክርን ዘረጋግጽን ምስክር ወረቐት ክወሃቦም ኣዳልዩሎም ኣሎ።

- ሞያዊ ስልጠና : ሞያዊ ውዕል ወይ ሰደፐ ኢ (CDPI ) ዝጽዋዕ ናይ ኣርባዕተ ሚእትን ሓምሳን (450) ሰዓታት ኣብ መሰልጠኒ ማእከል ዝካየድ ስልጠና ኣዳልዩ ኣሎ።

ብተወሳኺ ድማ ኣብዚ ውሽጢ እዚ መደብ ተሓቑፎም እንረኽቦም ኣገልግሎታት እዞም ዝስዕቡ እዮም፣

• ምስ ኣብ ምሕደራውን ማሕበራዊ ኣገልግሎታት ንዝርከቡ ሰራሕተኛታትን ኣብነት ከም ኣብ ናይ ጥዕናን ኣብ ናይ መጎዓዝያ ኣገልግሎታት ዝኣመሰሉ ምስ ዘለዉ ሰራሕተኛታት ንዘጋጥሙና ሽግራት ኣብ ምፍትሖም ሓገዝን ምስናይን ይህብ፣
• ምስ እቲ ኣብ ከባቢና ዝነብር ዘሎ ሕብረተሰብ ተወሃሂድናን ተጸምቢርናን ኢድን ጓንትን ኮይንና ብሓባር ምንባር ኣብ ዝብል ዕላማ ተመሪሕና እንነብረሉ ሂወት ንምእታዉ ዝሕግዝን ዘሳልይን መደብ እዩ። (" ብሓባር ምንባር " ...)