ስራሕ ንምርካብ ዘኽእል ደገፍ ንምርካብ፣

ኣቐድዲሙ ዝነበረ 3 роки тому

እንታዩ’ዩ ?

ሎ ፓሴያ (Le PACEA) ብሚስዮን ሎካል (Mission Locale) ዝተባህለን ኣብ ክሊ ዓሰርተ ሽዱሽተን ስጋብ ዕስራን ሓሙሽተን ዕድመ ንዘለዎም መንእሰያት ምስ ኩነታቶም ዝኸይድን ዝሰማምዖም ዓይነት ስራሕ ኣብ ምርካብን ዝሕግዝን ዘሳልን ትካል ኮይኑ፣

ከምኡ'ውን ነዞም ኣብዚ ዝተጠቕሰ ክሊ ዕድመ እዚ ንዝርከቡ መንእሰያት ናብ ሞያዊ ሂወት ኣትዮም ወይ ተጸምቢሮም ርእሶም ዝክእሉሉ መንገድን ኩነታትን ዘጣጥሕን ኣብዚ መስርሕ እዚ ንኽዕወቱ ዘሳሊን መደብ እዩ።

ንነፍሲ ወከፍ ኣብዚ መደብ እዚ ዝሳተፍ መንእሰይ ሚስዮን ሎካል ንነፍሲ ወከፍ ሰብ ስራሕ ኣብ ምርካብ ብውልቃዊ ዝኾነ ኣገባብን መዳይን ሓገዝን ምስናይን ይገብረሉን፣

ናይ ነፍሲ ወከፍ መንእሰይ ኩነታትን ድልየታትን ተራእዩን ተጸኒዑን ድማ ስጋብ ኣርባዕተ ሚእትን ቴስዓን ትሽዓተን ኢዩሮ ማለት ናይ ገንዘብ ሓገዝ ክሕገዝን ክወሃቦን ምዃኑ የፍልጥ (497€ እዚ ሓገዝ ክረክብ ዝግበኦ ወይ ዝምልከቶ መንእሰይ ግን ዝኾነ ይኹን ካልእ ሓገዝ ፈጺሙ ዘይወስድ ሰብ ክኸውን ይግበኦ)።

ንምንታይከ የዘገድስ?

ሓደ ናይ ሚስዮን ሎካል ኣባል ድማ ርእስኹም ኣብ ምኽኣልን ስራሕ ኣብ ምርካብን ከሳልየኩምን ክሕግዘኩምን እዩ።

ቁጠባዊ ኩነታትኩም ተጸኒዑ ድማ ገንዘባዊ ሓገዝ እትድገፉሉ መንገዲ ኣሎ እዩ።

ከመይ ንገብሮ?

ምስ ሓደ ኣማኻሪ ተራኺብኩም ንምዝታይ ቆጸራ ግበሩ።

በዚ ዝስዕብ ቁጽሪ ስልኪ 03.80.92.36.23 ብምድዋል እውን ናብታ ኣብ ከባቢኹም እትርከብን ኣዝያ ቀረባኹምን ዝኾነት ማእከል ናይ ሚስዮን ሎካል ወይ ቤት ጽሕፈት ቆጸራ ክትገብሩ ከምእትኽእሉ ክንሕብረኩም ባህ ይብለና።

በዚ እትርእይዎ ዘለኩም ስነ ካርታ ተሓጊዝኩም ማለት ብሓገዝ እቲ ቀይሕ ነቑጣ ወይ ነጥቢ ተመሪሕኩም፣ ድማ እታ ኣብ ከባቢኹም እትርከብን ኣዝያ እትቐርበኩምን ማእከል ናይ ሚስዮን ሎካል ብኣካል ብምኻድ ክትውከሱና ትኽእሉ ኢኹም።