مهم معلومات
د.........لخوا وړاندیز شوي
په نښه شوي خلک
قیمت
شرایط
دا چېرته دی ؟
د ایغیسا RSA غوښتنه کول
ایغیسا RSA (فعال پیوستون عاید) د دولت لخوا د هغو کسانو لپاره مالي مرسته ده چې بېکاره او کوم عاید نه لري او د بیکارۍ په مقابل کې مرسته نه ترلاسه کوي او یا هم کمې سرچینې او عاید لري.
د دې مالي مرستې ترلاسه کولو لپاره چې د کاف (CAF) (د کورنیو تخصیص صندق) لخوا ورکول کیږي، همدارنګه تاسو باید د 25 کالو څخه ډیر عمر ولرئ او په فرانسه کې پته ولرئ.
مقدار یې له یو کس څخه بل ته توپیر لري او له لاندې حالاتو سره تړلي:
- د کورنۍ وضعیت (مجرد، کورنۍ، او نور)،
- د ماشومانو شمیر،
- نور مالي مرستې ترلاسه کول (کورنۍ تخصص، د کور په کرایه کې د کاف لخوا مرسته)
- او عاید یا سرچینې لرل (تنخوا، تخصیص، او نور).
د مالي مرستو سربیره، RSA د ټولنیز او مسلکي ادغام د یو مسلکي کس لخوا ملاتړ هم شامل دی. ترلاسه کونکي د متقابلي ژمنې تړون لاسلیک کوي : دا پدې مانا ده چې د دې مالي مرستې په بدل کې، تاسو باید د کار لټون هم وکړئ.
څنګه یې وکړو ؟
د RSA غوښتنه کولو لپاره، تاسو باید:
- توجیه او ثابته کړئ چې ستاسو سرچینې ټیټې دي او د "معین مقدار" څخه زیاتې نه دي (هغه محدودیتونه چې تاسو د دې مرستې مستحق کوي)
- لږترلږه په کال کې 9 میاشتې په فرانسه کې ژوند کور او پته لرل (د پوستي ادرس پته یا دومیسلیسیاسون).
- نړیوال خوندیتوب لرل (د کډوالۍ حیثیت، بې تابعیته کس، یا د فرعي یا لنډمهاله خوندیتوب ګټه اخیستونکی)، یا د 10 کلن استوګنې جواز، یا د استوګنې جواز چې لږترلږه 5 کاله د کار کولو اجازه ولری،
- مخکې له مخکې د نورو شته مالي مرستو غوښتنه کړې ده، لکه د فرانس تخوی (پخوانۍ پولي امپلوی) څخه د بیکارۍ ګټې یا د تقاعد پیسي که تاسو د دې مستحق یاست،
- د 25 کالو څخه ډیر عمر ولرئ.
مګر دوه استثناوې شتون لري :
- که تاسو د 18 او 25 کلونو ترمنځ یاست، هیڅ ماشومان نه لرئ، او په تیرو 3 کلونو کې مو لږ تر لږه د 2 کلونو لپاره بشپړ وخت کار کړی وي،
- که تاسو د یو یا ډیرو ماشومانو سره یو یوازي مور یا پلار یاست یا که تاسو امیندواره او د نوي ماشوم راتګ ته په انتظار یاست.
د غوښتنې کولو دمخه تاسو باید معلومه کړئ چې تاسو د RSA ترلاسه کولو مستحق یاست، تاسو باید لومړی د CAF ویب پاڼه کې ازمایښتي فرمه ډکه کړئ (دلته کلیک وکړئ). مختلفو پوښتنو ته ځواب ووایی.
- که چیرې د کاف سمیلیټر یا ازمایښتي برخه دا په ګوته کړي چې تاسو د مرستې مستحق یاست، دا یو اټکل شوی مقدار په ګوته کوي. د دې مرستې د ترلاسه کولو په اړه ډاډ ترلاسه کولو لپاره، تاسو باید ځان د کاف CAF سره راجستر کړئ او په رسمي ډول د "ګټو غوښتنه" وسپارئ (درېیم ګام وګورئ).
- که سمیلیټر دا په ګوته کړي چې تاسو ایغیسا (RSA) د مرستې مستحق نه یاست، نو تاسو ته به پدې اړه وضاحت او مالومات درکړل شي.
- که تاسو د پوښتنو د ځوابونو په وخت کې تېروتنه کړې وي، نو تاسو کولی شئ بیا یې پیل او ترسره کړئ.
- ستاسو د کورنۍ جوړښت په فرانسه کې ستاسو وضعیت روښانه کوي: که تاسو واده کړی وي مګر ستاسو میرمن ستاسو سره ژوند نه کوي، تاسو باید "یوازې" یا مجرد خانه په نښه کړئ.
- تاسو باید په"هو" سره دې پوښتنې ته ځواب ورکړئ چې "تاسو د 5 کلونو څخه زیات په فرانسه کې اوسیږئ، د استوګنې د اجازې سره تاسو ته د کار کولو اجازه هم درکړل شوي".
د RSA غوښتنې لپاره د ټولو اړینو اسنادو لیست (په کورنۍ کې د هر فرد لپاره):
- د اوفپرا OFPRA د پریکړې سره یو لیک چې تاسو ته نړیوال خوندیتوب درکوي (د کډوال حالت، بې تابعیته شخص یا د فرعي محافظت څخه ګټه اخیستونکی) یا د سیندیا CNDA پریکړې سره لیک (تاسو کولی شئ خپل شخصي کیس یا قضیه په هغه سند کې پټ کړئ چې CAF ته یې لیږئ)
- د اوفپرا OFPRA څخه د زیږون سند یا د OFII څخه لنډمهاله کورنۍ سند (لاندې "ښه پوهیدل" وګورئ)
- د استوګنې کارت یا د استوګنې جواز لپاره د غوښتنلیک سپارلو سند یا ریسپسي
- ستاسو د ویټیل کارت (یا د روغتیايي حقونو سند)
- د اضافي بیمې (میچول) سند که چیرې تاسو یې لری
- ستاسو د اوسني حساب یا بانکي حساب RIB (د بانک هویت بیان).
- د شرکت د ثبت سند که تاسو غیر معاش لرونکي مسلکي فعالیت لرئ (ځان ګمارل شوی، سوداګر، کسبګر، آزاد مسلک، او نور)
- د تیرو 3 میاشتو لپاره ستاسو د کورنۍ د ټولوعایداتو ثبوت (د تادیاتو رسیدونه، د فرانس تخوی لخوا د ترلاسه شویو پیسو د تادیې سندونه، د روغتیا بیمې ګټې، معیوبیت ګتي یا د خوراکي مرستي، تقاعد اخیستو سند، او نور)
ستاسو د وضعیت سره سم غوښتل شوي اسناد چې باید ضمیمه شي:
- د اوفي OFII څخه د ADA (د پناه غوښتونکو لپاره مالي مرسته) د تادیې پای سند
- که تاسو امیندواره یاست: د ډاکټر لخوا د امیندوارۍ سند
- که تاسو طلاق شوي یاست: د طلاق پریکړه
- که تاسو واده کړی وي: د واده سند
- که تاسو جلا یاست : د جلا کیدو سند
- که تاسو ماشومان لرئ: د کورنۍ ریکارډ کتاب (د کورنۍ د ثبت کتابچه) او د زیږون سند
د دې سندونو ترلاسه کولو لپاره، تاسو کولی شئ د خپلې د وسیې مسؤل OFII ته بریښنالیک ولیکئ یا مستقیم د OFII دفتر ته لاړ شئ چې ستاسې کارونه په مخ وړي.
تاسو باید اوس وټاکئ چې ایا تاسو آنلاین غوښتنه کوئ (مرحله 3)، په اداره کې د ملاقات کولو له لارې (4 ګام) یا خپله غوښتنه د بریښنالیک له لارې لیږئ (5 ګام).
په اول قدم کې تاسو باید خپل ټول اړین اسناد په ډیجټل نسخه یا کمپیوټر کې د پي ډی ایف بڼه کې ولری.
> ولولئ: د Réfugiés.info پاڼه کې "د سند سکین کول" معلوماتي فایل ولولئ، ترڅو خپل اسناد په ډیجیټل نسخه ولرئ او په انلاین بڼه یې د انټرنیټ له لارې ولږلای شئ.
په دوهم قدم کې، که چیرې تاسو له مخکې نه د کاف سره ثبت او حساب ولری، نو خپل شخصي حساب سره وصل شئ، دلته په کلیک کولو سره.
که تاسو ثبت یا راجستر نه یاست، تاسو باید لومړی د خپل حساب جوړولو دمخه د انټرنیټ له لارې په آنلاین بڼه د خدماتو غوښتنه وکړئ.
> ولولئ: د Réfugiés.info پاڼه کې "ځان ثبتول او له CAF څخه د مرستې غوښتنه کول" معلوماتي فایل ولولئ
> ولولئ: د Réfugiés.info پاڼه کې "په فرانسه کې د یو سایټ سره نښلول" معلوماتي فایل ولولئ.
په لاندې برخو کلیک وکړئ:
- مرسته او پروسیجرونه
- زما د پروسیجرونو برخه
- زما پروسیجرونو ته لاسرسی
- د ګټو لپاره آنلاین غوښتنه
- مسلکي ژوند
- ایغیسا (RSA) د پیوستون فعال عاید
- غوښتنه کول.
پوښتنو ته ځواب ورکړئ، لکه څنګه چې د سمیولیشن یا ازمویښتي برخه کې مو ورکړې وې (لومړی ګام) او خپل اسناد واستوئ.
> د لوستلو لپاره: د Réfugiés.info پاڼه "د ټولنیز کارمند سره ملاقات وکړئ"
مهرباني وکړئ په یاد ولرئ: ایغیسا RSA به تاسو ته د هغه نیټې څخه درکړل شي له کومې نیټي څخه چې تاسو خپله دوسیه او غوښتنه سپارلی وي (حتی نیمګړی). که د ټولنیز کارکونکي سره تماس نیولو کې ځنډ اوږد وي، انتظار مه کوئ او په مستقیم ډول د CAF ادارې ته لاړ شئ (۴ ګام وګورئ).
که تاسو په آنلاین بڼه یا مو د پوست له لارې خپله دوسیه لیږلې وي،نو په مستقیم ډول 5 مې مرحلې ته لاړ شئ.
که تاسو غواړئ د CAF ادارې کې د یو مسؤول سره د RSA لپاره غوښتنې ترسره کولو لپاره وخت وټاکئ، لومړی شی دا دی چې سایټ ته لاړ شئ (دلته کلیک وکړئ) او خپل د پتې پوستي کوډ په پورتنۍ ښي خوا کې په "زما CAF" کې ولیکئ.
بیا تاسو کولی شئ د ملاقات وخت ونیسئ:
- په انټرنیټ کې: د پاڼې په پای کې "موږ سره اړیکه ونیسئ" کلیک وکړئ> "د ملاقات غوښتنه وکړئ"، بیا د ملاقات کولو لپاره ګامونه تعقیب کړئ.
- د تلیفون له لارې: 32 30 ته زنګ ووهئ (د عادي تلیفون لګښت).
- په مستقیم ډول په سایټ کې، ستاسو په څنګ کې د CAF ادارې کې، کوم چې تاسو د "استقامت ځای ومومئ" کلیک کولو سره موندلی شئ.
که تاسو په پاریس کې پته لرئ، تاسو کولی شئ په پاریس کې د مرستي او ادغام یو محل ته لاړ شئ. یو مسلکي شخص کولی شي تاسو سره د ملاقات کولو وروسته د RSA لپاره غوښتنې ترسره کولو کې مرسته وکړي.
- په انټرنیټ کې: دلته کلیک وکړئ ، بیا د خپلې څانګې مربوط مرکز په شمیره او بیا "د RSA غوښتنې لپاره آنلاین ملاقات ټاکل" باندې کلیک وکړئ او هغه نیټه ومومئ چې ستاسو لپاره مناسب وي.
- د تلیفون له لارې یا مستقیم په محل کې : د مرستي او ادغام لپاره د پاریس ځایونو د تماس او اړیکو توضیحات او مالومات دلته په کلیک کولو سره شتون لري.
د کاف اداره به تاسو ته مستقیم ستاسو د زما حساب برخه کې، زما د پروسیجرونو برخه کې یا ستاسو د ګرځنده تلیفون اپلیکیشن له لارې د کاف زما اکونټ (Caf-Mon Compte) کې ځواب ووایی.
- که تاسو آنلاین غوښتنه کړې وي، تاسو دمخه خپل حساب ته د ننوتلو توضیحات لرئ.
- که تاسو په کاف CAF ادارې کې غوښتنه کړې وي، نو تاسو به د ګټه اخیستونکي شمیره (6 عدد او یوه کلمه) او یو پټنوم یا پاسورډ ترلاسه کړئ ترڅو خپل شخصي حساب ته ننوځئ.
او ورپسې څه وکړو؟
په هرو دریو میاشتو کې، تاسو باید خپلې سرچینې CAF ته اعلان کړئ.
د معاش یا نورو عایداتو (د بې کارۍ ګټې، د ناروغۍ معاش، معلولیت یا تقاعد تقاعد، او نور) د ثبتولو اړتیا نشته . معلومات مستقیم CAF ته لیږل کیږي.
خو، تاسو باید هرڅه وګورئ او د خپل وضعیت سره سم په خپله اعلامیه کې لاندې معلومات بشپړې کړئ :
- که تاسو خپلواک کارکوونکی یا اوتوانترپورنور یاست، نو هره میاشت ترلاسه شوي ناخالص عاید باید اعلان کړئ
- د ماشومانو نفقه ورکولو اندازه
- له بهر څخه ترلاسه شوي عاید
- د منقوله پانګې څخه عاید (مالي پانګونې، د سپما حساب: لیوری A، او نور)
- نور عاید: د ملکیت کرایې، د جلا کیدو معاش، او داسې نورو څخه ترلاسه شوی کرایه.
دا CAF ته اجازه ورکوي چې د راتلونکو 3 میاشتو لپاره RSA محاسبه کړي.
> ولولئ: د Réfugiés.info حقیقت پاڼه "CAF ته درې میاشتنۍ اعلامیه بشپړه کړئ "
دا قرارداد د RSA ترلاسه کونکو حقونه او مکلفیتونه وړاندې کوي او همدارنګه د عامه بنسټونو هم.
عامه جوړښتونه یا بنسټونه لکه (د کار مندني مرکز فرانس تخوی چې پخوانی نوم یې پولي امپولوا Pôle emploi دی، ښار یا څانګه، کاف CAF) مکلف دي چې د مسلکي ټولنیز کارکونکي لخوا شخصي ملاتړ تنظیم کړي، ترڅو تاسو سره په لاندې برخو کې مرسته وکړي:
- ستاسومسلکي پروژه جوړه ول،
- یو کار پیدا کول یا خپل کاروبار یا شرکت رامینځته کول،
- د ماشوم پاملرنې لپاره د حل موندل،
- ستونزې حل کول او ستاسو پوښتنو ته په انفرادي ډول ځواب ویل.
ګټه اخیستونکي حق لري چې هره میاشت مالي مرستې ترلاسه کړي.
په مقابل کې تاسو باید لاندې کارونه ترسره کړئ:
- د کار یا روزنې په لټه کیدل (یوه سي وي CV جوړول، غوښتنې استول، او نور)
- تاسو د کارموندني مرکز فرانس تخوی France Travail ویب پاڼه کې خپل مالومات تازه کول،
- غونډو ته راتلل او ګډون کول
- په هرو دریو میاشتو کې خپلې سرچینې اعلانول.
- که ستاسو شخصي وضعیت کې تغییرات رامنځته شي (د مثال په توګه: یو نوی کس کور ته راشي، تاسو د خپل ځای یا کور څخه کډه شئ، یا تاسو جلا یا طلاق واخلئ)، تاسو باید CAF ته خبر ورکړئ.
- که ستاسو مسلکي وضعیت بدل شي (تاسو یا ستاسو میړه نوې دنده ترلاسه کول، د فعالیت پیل کول، د کار قرارداد پای ته رسیدل، ستاج پیل کول، او نور)، تاسو باید په دې اړه هم کاف ته راپور ورکړئ.
د دې کولو لپاره، د CAF په ویب پاڼه کې، "زما پروفایل" “Mon profil“ کې، په "بدلون اعلان کړئ" “Déclarer un changement“ کلیک وکړئ.
په وضعیت کې هر بدلون ستاسو د مالي مرستې نوي محاسبې لامل کیږي : که ستاسو معاش یا ستاسو کرایه تغییر وخوري، کاف CAF تاسو ته ډیرې یا لږې پیسې لیږي.
که CAF تاسو ته ستاسو د وضعیت برعکس ډیري پیسې واستوي (له قانوني حق څخه زیاتي پیسې ترلاسه کول)، کاف اختیار لري چې تاسو څخه د زیاتو پیسو د بیرته ورکولو غوښتنه وکړي. مګر محتاط اوسئ، که تاسود تېروتنې راپور نه ورکوئ، دا "درغلي" ده. تاسو ممکن مجازات شئ.
د ایغیسا RSA څخه ګټه اخیستونکي همدارنګه حق لري چې:
- دټولنیز کارمند څخه ملاتړ ترڅو د کور، ماشوم پالنې، کار یا روزنې ستونزو لپاره حل لارې ومومي.
- د روغتیا یونورسل خوندیتوب (PUMA) او بشپړونکي روغتیا پیوستون (CSS) د روغتیا لګښتونو بیرته ترلاسه کولو لپاره،
- په کم قیمت د تخفیف سره یا وړیا عامه ترانسپورت ته لاس رسی،
- د بریښنا چک ترلاسه کول چې تاسو سره ستاسو د بریښنا بیل تادیه کولو کې مرسته کوي
- د کور په کرایه کې مرسته ...
که ستاسو د RSA غوښتنلیک رد شوی وي، تاسو کولی شئ د وضاحت غوښتنه کولو لپاره د CAF سره اړیکه ونیسئ (د پوست، تلیفون، یا بریښنالیک له لارې) .
که ځواب ستاسو سره مناسب نه وي ، نو د خپلې سیمې د څانګې شورا رئیس ته یو لیک واستوئ .
تاسو د رد کیدو وروسته دوه میاشتې وخت لرئ چې د خپل غوښتنلیک بیاکتنې غوښتنه وکړئ .
په دې لیک کې، تاسو باید تشریح کړئ:
- خپل شخصي معلومات (لومړی نوم، تخلص، پته، د ګټه اخیستونکي شمیره، او نور)
- ولې تاسو د RSA له رد سره موافق نه یاست
- ولې تاسو د خپلې دوسیې بیاکتنې غوښتنه کوئ
تاسو باید هر هغه اسناد اضافه کړئ چې ستاسو د غوښتنلیک ملاتړ کې مرسته کولی شي، لکه:
- ستاسو د هویت سند او ستاسو د کورنۍ د خلکو یوه کاپي
- د RSA د رد لیک
- ستاسو د معاش سلیپونه
- ستاسو د سوداګرۍ اعلامیې
- ستاسو د مالیې خبرتیا ...
دا لیک د راجستر شوي پوست له لارې د رسید تصدیق سره واستوئ او د څانګې شورا ځواب ته انتظار وکړئ.
که تاسو د څانګې شورا له پریکړې سره موافق نه یاست، نو تاسو د حقونو د مدافع څخه د مرستې غوښتنه کولو امکان لرئ .
که چیرې د دې اقداماتو وروسته کومه حل لاره ونه موندل شي، تاسو کولی شئ اداري محکمې ته اپیل وکړئ.
23 مرسته کونکي فعالیت کوي
marianne georges
اډمین
claudia mاډمین
a mugnierاډمین
hugo stéphanاډمین
houssam kokachاډمین
olga b.د صفحي پورته برخهutilisateur_84344799ایډیټر او کره کتونکیalinalد صفحي پورته برخهutilisateur_61623907ایډیټر او کره کتونکی
nalothmanد صفحي پورته برخه
aman expertد صفحي پورته برخه
alhindi nourد صفحي پورته برخه
yassin nabelsiد صفحي پورته برخه
noorد صفحي پورته برخهutilisateur_72712685ایډیټر او کره کتونکی
rohullah expertد صفحي پورته برخهniknameد صفحي پورته برخه
marianneukraineد صفحي پورته برخه
anastasiaد صفحي پورته برخهareknazد صفحي پورته برخه
kim.delaunayد صفحي پورته برخه
relorefایډیټر او کره کتونکیutilisateur_93887086ایډیټر او کره کتونکی