Paramètres d'affichage

Choisissez un thème pour personnaliser l'apparence du site.
مراحلاداريد سفرکولو جواز یا پاسپورټ غوښتنه کول

مهم معلومات

د.........لخوا وړاندیز شوي

په نښه شوي خلک

خلکقانوني اسناد لرونکي کډوال, د فرعي محافظت ګټه اخیستونکي کسان, بې وطنه کسان

قیمت

د 40€ او 45€ یوځل تر منځ

شرایط

د استوګنې جواز یا ریسپسي لرل

دا چېرته دی ؟

د سفرکولو جواز یا پاسپورټ غوښتنه کول

...میاشي کیږي چې نوي شوي il y a 2 mois

د بهرنیانو لپاره د سفر سند (TVE) یو سند دی چې د نړیوال محافظت ګټه اخیستونکو (کډوالو، د فرعي محافظت څخه ګټه اخیستونکو، بې تابعیته اشخاصو) لپاره ځانګړۍ شوی چې تاسو ته اجازه درکوي له فرانسې بهر سفر وکړئ.

د سفر اسناد څو ډولونه لري:

  • TVR : د کډوالو لپاره د سفر سند
  • TIV : د فرعي محافظت لپاره د هویت او سفر سند
  • VAT : د بې وطنه کسانو لپاره د سفر سند

د سفر سند تاسو ته اجازه درکوي چې د شینګین سیمې څخه بهر ډیری هیوادونو ته سفر وکړئ. د لیدل شوي هیواد پورې اړه لري، ممکن ویزې ته اړتیا وي.

مهمه یادونه: د سفر سند تاسو ته اجازه نه درکوي چې خپل هیواد ته بیرته لاړ شئ. که نه نو، تاسو د خپل حیثیت او د فرانسې لخوا ورکړل شوي خوندیتوب له لاسه ورکولو خطر لرئ.
> ولولئ: د Réfugiés.info معلوماتي پاڼه "ستاسو اصلي هیواد ته سفر کول"

تاسو کولی شئ یوازې د خپل سفر سند سره فرانسې ته راستانه شئ، که چیرې دا لاهم د اعتبار وړ وي (پرته له VAT څخه چې باید د لویانو لپاره د استوګنې جواز سره یو ځای وي).

د سفر سند د پریفیکتور لخوا صادریږي او د لاندې مودې لپاره اعتبار لري:

  • 4 کلن جواز، که تاسو د څو کلونو د استوګنې جواز کارت لرئ (4 کاله)
  • 5 کلن جواز، که تاسو د استوګنې کارت لرئ (10 کاله)
  • 1 کلن جواز، که چیرې د کډوال، فرعي محافظت شوي کس یا بې تابعیته کس ماشوم ته ورکړل شي.
یادونه: دا سپارښتنه کیږي چې ستاسو د راتلونکي سفرونو اټکل وکړئ او لږترلږه 3 میاشتې مخکې د اسنادو د ترلاسه کولو لپاره خپله غوښتنه وکړئ.

که تاسو په دې وروستیو کې کډه کړې وي یا خپله پته بدله کړې وي، نو تاسو باید د خپل سفر سند لپاره د غوښتنې کولو دمخه د ANEF پلیټفارم له لارې د خپل وضعیت بدلون خبر ورکړئ.
> ولولئ: د Réfugiés.info معلوماتي پاڼه "بهرنیان په فرانسه (ANEF) کې د وضعیت بدلون اعلانول"

څنګه یې وکړو ؟

تاسو لاندې اسنادو ته په بریښنایی نسخه کې اړتیا لرئ:

  • د استوګنې معتبر جواز
  • د پتې ثبوت (د تلیفون، انټرنیټ یا بریښنا بیلونه، د کرایې رسید) یا د استوګنې سند د هغه چا د هویت کارت سره چې تاسو ته یې د استوګنې ځای درکړی وي
  • د اوفپرا OFPRA یا سیندیا CNDA پریکړه لیک چې تاسو ته یې د کډوال یا د فرعي محافظت څخه ګټه اخیستونکي یا بې هیواد شخص وضعیت پریکړه پکي لیکل شوي وي
  • ۲ د هویت عکسونه د معیارونو سره مطابقت، د بریښنایی عکس کوډ سره
    > د Réfugiés.info پاڼه ولولئ : "د برېښنايي عکس اخیستل او کارول"
  • د مالیې ټاپه یا تمبر فسکال ( دوهمه مرحله وګورئ).


  • 2 د پیژندنې عکسونه چې
  • د زیږون سند بشپړه کاپي یا د کورنۍ د ثبت کتابچه
  • که چیرې پته د غوښتونکي پتې سره توپیر ولري: د کم عمر یا زیرسین ماشوم په نوم د 6 میاشتو څخه کمې مودي د پته ثبوت چمتوکول.

> د Réfugiés.info پاڼه ولولئ: "یو سند سکین کول"

د خپلې غوښتنې لپاره تاسو دې اسنادو ته اړتیا لرئ:

  • د استوګنې معتبر جواز
  • د شپږو میاشتو څخه کمې مودې څخه د پتې ثبوت (د تلیفون، انټرنیټ یا د بریښنا بیلونه، د کرایې رسید) یا د پوستي ادرس، دومیسلیاسون ثبوت ورکول
  • د پاسپورټ سایز عکس د معیارونو سره سم ، د بریښنایی عکس کوډ سره
    > د Réfugiés.info معلوماتي پاڼه ولولئ : "د ای-عکس اخیستل او کارول"
یادونه: د ټولو اړوند اسنادو معلومولو لپاره چې په خپله دوسیه کې یې باید ځای پرځای کړئ، دې پاڼې ته لاړ شئ او کلیک وکړئ:
- ستاسو وضعیت او "شخصي معلومات ښکاره کول"
- د سفر سند "غوښتل شوي اسناد" برخه کې مشخص کړئ چې غوښتنه د یو بالغ (بالایسن) کس یا زیرسن ماشوم لپاره ترسره کیږي.

که د سفر سند غوښتنه د یو زیرسن ماشوم لپاره کیږي، نو په هغه صورت کې نور اسناد غوښتل کیږي، د بیلګې په توګه:

  • د کوچني د مور او پلار سند
  • د والدینو د واک ثبوت (نکاح خط، یا د طلاق پریکره، یا د مور او پلار د واک په اړه د محکمې پریکړه، یا د جلا کیدو حکم، یا د محکمې د پریکړې کاپي چې د والدینو واک استازیتوب کوي، او داسې نور)
  • د هویت عکس چې د بریښنایی عکس کوډ معیارونو سره مطابقت ولري
  • د ماشوم په نوم د پتې ثبوت یا د شپږو میاشتو څخه کم عمر لرونکي استوګنځای اعلامیه
  • هر هغه سند یا عنصر چې دا ثابتوي چې کوچنی د OFPRA تر ساتنې لاندې ساتل شوی دی (که چیرې د تطبیق وړ وي)

> د Réfugiés.info معلوماتي پاڼه ولولئ: "یو سند سکین کول"

په هغه ورځ چې تاسو د خپل سفر سند له پریفیکتور څخه ترلاسه کوئ، تاسو باید دا ثابته کړئ چې تاسو د مالیې ټاپه یا تمبر فسکال اخیستی دی (د تمبر اخیستو د تادیې ثبوت سره):

  • 40 یورو که تاسو د فرعي محافظت څخه ګټه اخیستونکي یاست (4 کلن د استوګنې سند).
  • 45 یورو که تاسو د کډوال وضعیت لری (10 کلن د استوګنې سند)
  • 15 یورو که چیرې تاسو بهرنی یاست چې د کډوال وضعیت نه لرئ

تاسو کولی شئ دا په دې ویب پاڼه timbres.impots.gouv.fr یا د تنباکو پلورنځي کې واخلئ.

> د لوستلو لپاره: د Réfugiés.info معلوماتي پاڼه "د مالیې ټاپه واخلئ" وګورئ

د پوستي لیک، بریښنالیک یا مستقیم په پریفیکتور کې غوښتنې نور نه منل کیږي. تاسو باید د انیف Étrangers en France (ANEF) ویب پاڼه کې د سفر سند لپاره غوښتنه وکړئ یا نوی کړئ :

http://administration-etrangers-en-france.interieur.gouv.fr/

  • "زه د سفر سند غوښتنه کوم" باندې کلیک وکړئ
  • "د بهرنیانو لپاره د سفر سند چې له نړیوال محافظت څخه ګټه پورته کوي (TVE)" خانه په نښه کړئ او "زه دوام ورکوم" "Je continue" باندې کلیک وکړئ.
  • د "زما لپاره" "Moi-même" خانه په نښه کړئ او "زه دوام ورکوم" "Je continue" کلیک وکړئ.

بیا تاسو باید په فرانسه کې بهرنيان (ANEF) حساب ته ننوځئ.

که تاسو مخکې هیڅکله دا کار نه وې ترسره کړی، نو لومړۍ خپل حساب جوړ کړئ.
> د Réfugiés.info فایل وګورئ " په Étrangers en France (ANEF) کې شخصي حساب جوړول ".

د غوښتنې په پای کې، د غوښتنې سپارلو تایید خبر به د بریښنالیک له لارې تاسې ته واستول شي او ستاسو په شخصي حساب کې یې موندلای شئ.

په سایټ کې د غوښتنې کولو وروسته، تاسو کولی شئ په فرانسه کې بهرنیانو (ANEF) حساب سره وصل شئ ترڅو معلومه کړئ چې ستاسو فایل څنګه پرمختګ کوي.

تاسو به یو ایس ایم ایس sms او بریښنالیک ترلاسه کړئ کله چې ستاسو د سفر سند په پریفیکتور کې چمتو شي. تاسو باید د مالیې ټاپې یا تمبر فسکال سره راشي.

یادونه: د نوې غوښتنې کولو لپاره هیڅ اړتیا نشته که چیرې تاسو د خپلې لومړۍ غوښتنې ځواب نه وي ترلاسه کړی. د یو سند لپاره دوه ځله غوښتنه کول، ستاسو د دوسیې بندولو خطر لري.

او ورپسې څه وکړو؟

د بهرنیانو لپاره د سفر سند (TVE) تاسو ته اجازه درکوي چې له فرانسې بهر سفر وکړئ او هغه هیواد یا هیوادونه پکي په ګوته شوي کومو ته چې ستاسې سفر منع شوی دی.

یواخي د اپارتاید کسانو لپاره لازمي ده چې د سفر جواز (TVA) باید د استوګنې اجازې کارت سره یو ځای وي ترڅو تاسو ته اجازه درکړي چې فرانسې ته بیرته ستانه شئ.
مهمه یادونه: ځینو هیوادونو ته د تګ لپاره، دا اړینه ده چې د سفر سند ولرئ چې فرانسې ته د بیرته راستنیدو پلان شوي نیټې څخه څو میاشتې وروسته هم اعتبار ولري.
یادونه: د استوګنې د جواز لپاره د لومړي غوښتنلیک یو رسید او نقل تاسو ته د سفر کولو اجازه نه درکوي.

ستاسو د استوګنې د جواز د نوي کولو رسید تاسو ته اجازه درکوي چې سفر وکړئ، که چیرې دا د استوګنې زوړ جواز سره استفاده شي.

تاسو کولی شئ د نوي غوښتنې په کولو سره خپل د سفر سند نوی کړئ (دریم ګام).

تاسو به یو ایس ایم ایس sms او بریښنالیک ترلاسه کړئ کله چې ستاسو د سفر سند په پریفیکتور کې چمتو شي. تاسو باید د مالیې ټاپه یا تمبر فسکال (د نوي سفر جواز لپاره د ټاکل شویو پیسو رسید) او ستاسو د زاړه د تاریخ تیر شوي سفر سند سره پریفیکتور ته راشئ. (تاسو باید خپل زوړ د سفر جواز بیرته ورکړئ ترڅو نوی ترلاسه کړئ).

د 18 څخه کم عمر لرونکي ماشوم سره سفر کولو لپاره، تاسو باید په فرانسه کې د بهرنیانو (ANEF) ویب پاڼه کې د سفر سند (TIV) او د هویت سند لپاره غوښتنه وکړئ :

  • "زه د سفر سند غوښتنه کوم" باندې کلیک وکړئ
  • "د بهرنیانو لپاره د سفر سند چې له نړیوال محافظت څخه ګټه پورته کوي (TVE)" خانه په نښه کړئ او "زه دوام ورکوم" "Je continue" خانه باندې کلیک وکړئ
  • د "کوچنی ماشوم" خانه نښه یا کلیک کړئ، بیا ستاسو وضعیت او په "زه دوام ورکوم" "Je continue" خانه باندې کلیک وکړئ.

تاسو به یو ایس ایم ایس پیغام او بریښنالیک ترلاسه کړئ کله چې د ماشوم سفر سند په پریفیکتور کې چمتو شي. تاسو باید د مالیې ټاپه یا تمبر فسکال (د نوي سفر جواز لپاره د ټاکل شویو پیسو رسید) او د اړوند ماشوم سره یوځای راشئ.

یادونه: د هویت او سفر سند (TIV) د DCEM سره یوځای کیدو ته اړتیا نلري. د فرانسې څخه د وتلو او ننوتلو لپاره TIV کافي دی.
> ولولئ: د Réfugiés.info معلوماتي پاڼه: " د DCEM لپاره غوښتنه وکړئ "

که تاسو له یوځای څخه بل ځای ته کډه کوئ یا کور بدلوئ، تاسو اړتیا نلرئ چې د خپل سفر سند کې پته بدله کړئ.

مګر تاسو باید خپله پته په فرانسه کې د بهرنيانو (ANEF) حساب کې تازه او نوي کړئ.

بیا تاسو کولی شئ د نوي ادرس سره د سفر سند غوښتنه وکړئ.

> د Réfugiés.info پاڼه کې: " په فرانسه کې د بهرنیانو په اړه د وضعیت بدلون اعلان کړئ (ANEF) " معلوماتي فایل ولولئ

د پاڼې سر

21 مرسته کونکي فعالیت کوي

marianne georgesmarianne georgesاډمین
a mugniera mugnierاډمین
hugo stéphanhugo stéphanاډمین
houssam kokachhoussam kokachاډمین
olga b.olga b.د صفحي پورته برخه
sitora abdullaevasitora abdullaevaد صفحي پورته برخه
aman expertaman expertد صفحي پورته برخه
utilisateur_61623907utilisateur_61623907ایډیټر او کره کتونکی
nalothmannalothmanد صفحي پورته برخه
rohullah expertrohullah expertد صفحي پورته برخه
utilisateur_93887086utilisateur_93887086ایډیټر او کره کتونکی
alaa1988alaa1988د صفحي پورته برخه
noornoorد صفحي پورته برخه
taher-azimitaher-azimiد صفحي پورته برخه
kim.delaunaykim.delaunayد صفحي پورته برخه
niknameniknameد صفحي پورته برخه
marianneukrainemarianneukraineد صفحي پورته برخه
anastasiaanastasiaد صفحي پورته برخه
freymutefreymuteد صفحي پورته برخه
yarirommmyarirommmد صفحي پورته برخه
utilisateur_92556286utilisateur_92556286ایډیټر او کره کتونکی