د کاف اداره په اتوماتیک ډول د کورنۍ مالي امتیازات تاسو ته پیل کوي کله چې د دوهم ماشوم په اړه معلومات تر لاسه کړي.

که تاسو RSA تر لاسه کوئ:

ټول هغه څه چې تاسو یې باید وکړئ هغه داده چې په خپل غوښتنلیک کې د فعال پیوستون عاید ( RSA ) او ستاسو تر مسوولیت لاندې ماشومانو شمیرزکر کړئ.

که تاسو RSA ونه لرئ:

• که تاسو دمخه یو "ګټه اخیستونکي" یاست، پدې معنی چې تاسو له CAF سره راجسټر شوي یاست او غواړئ چې د خپلې کورنۍ جوړښت کې د بدلون راپور ورکړئ ، نو تاسو کولی شئ دا کار په کاف کې د خپل حساب له لارې په آنلاین توګه وکړئ او یا دلته په کلیک کولو سره دغه فرمه ډکه کړئ ( Cerfa n ° 11423 * 06) او د پوست له لارې ولیږئ.
• که تاسو لا تر اوسه "ګټه اخیستونکي" "allocataire" نه یاست، تاسو باید د خپل ماشوم د زیږون سند یا د خپلې کورنۍ د معلوماتو یا ریکارډ کتابچې یوه کاپي د پوستې له لارې کاف CAF ته ولېږئ، د وضعیت د بدلون فورمه چې دلته په کلیک کولو سره شتون لري (Cerfa n°11423 *06) بشپړه کړئ.

د دې لپاره چې تاسو ته نږدې د کاف CAF پته ومومئ چیرې چې تاسو اړتیا لرئ خپل اسناد واستوئ، تاسو کولی شئ دا آنلاین ویب پاڼه وکاروئ (خپل پوستي کوډ په ګوته کړئ).

د کورنۍ مالې امتیازات په میاشتنۍ توګه ورکول کیږي

د مثال په توګه، ستاسو د فبروري امتیازات یا مالي مرستې حقوق د مارچ په پیل کې تاسو ته تادیه کیږي.

د مالي امتیازاتو اندازه ستاسو له عایداتو سره تړلي

د مثال په توګه ، د 2021 کال لپاره ستاسو د حقونو ددوسي د ارزونې او امتیازاتو د اندازي د ټاکلو لپاره به ستاسو د 2019 کال عاید په پام کې ونیول شي. دغه عایدات باید ساتسو د مشحص حالت مطابق له ټاکلې حد څخه زیات نشي.

که د پناه غوښتنې عریضې په جریان کې تاسو د کورنۍ مالي امتیازاتوتقاضا کړې وې او خپله دوسیه مو له Caf سره تعقیب کړئ وي، نو تاسو به د دې مودې لپاره اضافي مالې مرسته ترلاسه کړی کله چې تاسو لومړی ځل د کاف مالي مرسته ترلاسه کوی.

که تاسو د پورته موضوع په اړه کومه پوښتنه لرئ نو له خپل ټولنیز کارمند سره په دې هکله خبرې او مشوره کول مه هیروئ.

عمومي مالي امتیازات ( هره میاشت تادیه کیږي):

• د ماشوم پاملرنې حقونه او مالي مرسته ( د ماشوم راتګ ، د ماشوم پاملرنې لګښتونه ، او نور اړوند لګښتونو لپاره )
• • د ماشوم د پاملرنې خدماتو مرسته
  • د کورنۍ سره اضافي مرسته
  • د ماشوم پاملرنې ازاد انتخاب بشپړول
  • د ماشوم پاملرنې ازاد انتخاب اختیاري ضمیمه
• نور مالي امتيازات او مرستي (د کور مصارف، د یو معلول یا ناروغ ماشوم، تنها اوسیدونکي مور او پلار...)
• • د کور لپاره مرسته (APL)
  • د معلولیت لرونکو ماشومانو د تعلیم لپاره مرسته (AEEH)
  • د کورنۍ د ملاتړ مرسته (ASF)
  • د مور او پلار ورځنی شتون تادیه (AJPP)
  • د ماشوم د زده کړې مرسته (PreParE)
• یوځلې مالي مرسته او کومک یا تادیه (یوځل ورکول کیږي):
• د نوي ماشوم د پیدا کیدو په وخت کې مرسته اویا د یو پردي ماشوم د ځان کولو په وخت کې مرسته
• د کور بدلولو په وخت کې مرسته ( د هغو کورنیو لپاره چې لږ تر لږه 3 ماشومان ولري )
• ښوونځي ته د شاملیدو په وخت کې مرسته