تاسو کولی شئ دا آنلاین سمیلیټر وکاروئ ترڅو وګورئ چې ایا تاسو د فرمان له لارې د فرانسوي تابعیت لپاره غوښتنه کولی شئ.

د فرانسې تابعیت ته د لاسرسي شرایط ډیر دي:

1 / د ژبو لپاره د اروپایی حوالې مشترک چوکاټ (CEFRL) سره سم لږترلږه په فرانسوي ژبه کې په شفاهي او لیکلي توګه د B1 کچه لرل.

دلته د هغو اسنادو یادونه شوي چې په شفاهي او لیکلي توګه د B1 کچې لپاره د ثبوت په توګه منل کیږي:

• لږترلږه د B1 کچې سره د فرانسوي ژبې د پوهې ډیپلوما ( DELF B1، DALF C1 یا C2 …)
• د TCF (د فرانسوي پوهې ازموینه) یا TEF (د فرانسوي ارزونې ازموینه) سند ولرئ "ادغام، ریزیډنس او تابعیت" د 2 کلونو څخه کم لپاره د B1 کچه په شفاهي او لیکلي ډول صادر شوی.
  
  > د لوستلو لپاره: د Réfugiés.info پاڼه "د فرانسوي ژبې رسمي تصدیق ترلاسه کول" .
• د 3 مې درجې سره مساوي یا لوړ یو ډيپلوم یا مسلکي سر لیک چې په فرانسه کې ترلاسه شوی وي، د روزنې د کچې ملي نومول (CAP، BEP، BTS، او نور).
  
  مهرباني وکړئ په یاد ولرئ چې ټول مسلکي سرلیکونه او د مسلکي وړتیا سندونه د تابعیت ترلاسه کولو دوسې کې د فرانسوي کچې توجیه کولو لپاره نشې کارول کیدی. د دې لپاره چې معلومه کړئ چې ستاسو ډیپلوم یا مسلکي سرلیک پیژندل شوی او لږترلږه د 3 مې درجې سره مساوي دی، تاسو کولی شئ د فرانسې وړتیا (France Compétences) د لټون سیستم وکاروئ.

2/ دا توجیه کول چې تاسې کار کوئ.

تاسو باید د سم ژوند کولو لپاره باثباته او کافي عاید ولرئ (ستاسو د کورنۍ له غړو سره که دوی په فرانسه کې هم وي). خپل د کار قرارداد او د تادیاتو سلیپونه او همدارنګه د امکان په صورت کې د خپل کارمند یا د کار خاوند څخه یو سند ترلاسه کړئ (په شرکت کې ستاسو د کارې سابقې سره، ستاسو دنده، او نور) او له خپلې دوسې سره یو ځای کړئ.

3/ د استوګنې معتبر جواز ولرئ.

4/ په فرانسوي ټولنه کې خپل ادغام ثابت کړئ:

• د جمهوریت اصولو او اړینو ارزښتونو ته غاړه ایښودل یا درناوی کول،
• د فرانسوي تاریخ، کلتور او ټولنې په اړه پوهه او معلومات لرل.

تاسو کولی شئ دا آنلاین ارزوني سیستم وکاروئ ترڅو ومومئ چې د تابعیت د غوښتني له دوسي سره ستاسو د مسلکي او کورني وضعیت ته په کتو کوم اسناد باید چمتو کړئ.

ستاسو د اسنادو سربیره ، تاسو باید د 55 یوروټکټ هم چمتو کړئ.

>> دا معلوماتي فایل د ریفیوجي.انفو په پاڼه کې هم ولولئ: Refugees.info پاڼه "د مالیې ټاپه یا ټکټ واخلئ"

د 2023 کال د فبروري 6 مې نیټې راهیسې، تاسو نور نشي کولی خپل فایل د کاغذ په بڼه ولیږئ. د فرمان له مخې د فرانسوي تابعیت لپاره غوښتنلیک یوازې د NATALI پلیټ فارم کې آنلاین ترسره کیږي.

• په "زه پیل کوم" "Je commence" کلیک وکړئ او په فرانسه کې بهرنیان (Étrangers en France) ویب سایټ له لارې خپل اکونټ ته لاړ شئ.
• یا که تاسو هیڅکله په یاد ویب سایټ اکونټ یاحساب نه وې جوړ کړئ، نو خپل حساب جوړ کړئ. د Réfugiés.info فایل وګورئ "په Etrangers en France کې شخصي حساب جوړ کړئ".

مهرباني وکړئ په یاد ولرئ چې آنلاین پروسه د لاسرسي وړ ندي که:

• تاسو په لاندې څانګو کې ژوند کوئ: فرانسوي پولینیزي، ګیانا، سینټ-پیری-ایټ-میکلون، سینټ-مارټین-سینټ-برتیلمي، نیو کالیډونیا او والس-ایټ-فوټونا.
• تاسو اوس مهال د فرانسې په اردو کې بوخت یاست.

که تاسو په سایټ کې تخنیکي ستونزه لرئ (بنده شوې پاڼه، د خطا پیغام، او نور)، تاسو کولی شئ د اتباعو د اړیکو مرکز (CCC) سره اړیکه ونیسئ :

• د تلیفون له لارې 0806001620 (وړیا شمیره)
• یا د تماس فورمې له لارې (د "اړیکې" "Contact" تڼۍ د سکرین په ښکته کیڼ اړخ کې). تاسو باید خپله ستونزه په واضح ډول تشریح کړئ او د خطا پیغام سره سکرین شاټونه چې (سایټ، نیټه او وخت پکې لیدل کیږي) واستوئ که تاسو یې لرئ.

ستاسو دوسیه به مطالعه او وڅیړل شي او تاسو به د پریفیکتور د یو کارمند سره انفرادي مرکې ته وغوښتل شي .

هغه به دا ارزونه وکړي چې ایا تاسو د تابعیت ترلاسه کولوغوښتنلیک لپاره ټول شرایط پوره کړي.

اداره ستاسې دوسیه یا فایل ترلاسه کولو له نیټې څخه ورسته تاسې ته د ځواب ویلو لپاره اعظمي 18 میاشتې لري.

دا موده 12 میاشتو ته راټیټه کیږي که تاسو دا ثابته کړئ چې تاسو د خپل فایل د لیږلو نیټې په وخت په فرانسه کې لږترلږه 10 کاله اوسیدلي یاست.

تاسو یو لیک ترلاسه کوئ په کوم کې چې تاسو ته خبر درکول کیږي چې ستاسو د تابعیت غوښتنې دوسیه د دقانون مطابق ثبت شوه یعنې (په رسمي ژورنال کې د هغې له خپریدو وروسته).

د 6 میاشتو په تیریدو به تاسو د پریفکتور له خوا یوه رسمي دعوت نامه ترلاسه کړئ تر څو د تاسو په هغو مراسمو کې ګډون وکړئ چې د نویو تابعیت اخیستونکو یا فرانسوي اتباعو د هرکلې په موخه تنظیم کیږي. د تجنس یا تابعیت د فرمان یوه خلاصه (سند) او د فرانسې د ملکي وضعیت اسنادو یوه کاپي چې ستاسو له تابعیت سره تړاولري به تاسو ته درکړل شي.

یوځل چې تاسو فرانسوی یا تابعیت ترلاسه کړئ، تاسو کولی شئ د ملي هویت کارت او/یا پاسپورټ لپاره غوښتنه وکړئ.

دوه ممکنه د حل لارې که چیرې پریکړه ستاسو په حق کې نه وي او تاسو رد ځواب ترلاسه کړئ:

• ستاسو غوښتنه د منلو وړ نه ده = اړین قانوني شرایط نه دي پوره شوي.
• که چیرې د د دوسې د رد کیدو لاملونه ستاسو د شخصي وضعیت او شرایطو له تغییر اصلاح شي. تاسو کولی شئ یوه نوې غوښتنه ثبت کړئ
• ستاسو غوښتنه "نامناسب" ده = دا په دې معنی ده چې تر اوسه د فرانسوي تابعیت ترلاسه کول لاهم امکان نلري یا حتی ممکن ندې، حتی که قانوني شرایط مو هم پوره کړي وي.
• که ستاسو دوسیه "ځنډول شوې" وي (= په انتظار کې اچول شوي وي)، یو ضرب الاجل ټاکل کیږي، د بیلګې په توګه تاسو ته اجازه درکوي چې خپل مسلکي ادغام ته وده ورکړي. یوځل چې دا موده پوره شي نو تاسو کولی شئ یو نوی غوښتنلیک وسپارئ.

په دواړو حالتونو کې، تاسو د پریکړې وروسته 2 میاشتې وخت لرئ چې د طبیعي کولو یا تابعیت لپاره مسؤل وزیر ته اپیل یا خپل شکایت وکړئ. دا اپیل یا شکایت یو لازمي ګام دی چې باید ترسره یې کړئ مخکي له دې چې تاسو د استیناف رسمي غوښتنه وکړئ.

تاسو باید لاندې پتې ته خپله غوښتنه او دوسیه واستوئ:

د کورنیو چارو وزارت

په فرانسه کې د بهرنیانو لپاره عمومي ریاست

د استقبال څانګه، د بهرنیانو ملاتړ او تابعیت

د فرانسوي تابعیت ته د لاسرسي لپاره فرعي ریاست

12 rue Francis-le-Carval

44404 REZE CEDEX

که تاسو د 4 میاشتو په اوږدو کې د طبیعي کیدو لپاره مسؤل وزیر څخه ځواب ترلاسه نکړئ، دا پدې مانا ده چې ستاسو اپیل رد شوی .

بیا تاسو کولی شئ د نانټس اداري محکمې ته خپله د استیناف غوښتنه وکړئ. تاسو د استیناف غوښتنې لپاره د رد ځواب ترلاسه کیدو نیټې څخه 2 میاشتې وخت لرئ.