خپل تجارتي شرکت (اوتوانترپرونور) رامنیځته کول اوشخصي تجارت پیل کول

یو مستقل متشبث (auto-entrepreneur) او د شرکت خاوند هغه کس ته ویل کیږي څوک چې په یوازې ځان یو شرکت جوړ کړي د کوم له لارې چې سوداګریځ، صنایع او یا ازاد کاروبار په مخ وړي.

مهرباني وکړئ په یاد ولرئ چې د مستقل شرکت په لرلو او ازاد کارکولو سره تاسو اعظمی عاید تر لاسه کولاشئ:

په کال کې تاسو په حیث د یو کسبګر یا ازاد کارکونکي کولای شئ تر (70000) یورو پورې عاید ولرئ، د مثال په توګه (ژباړونکی، سامان رسانی، مشاورت او داسې نور)

> د کسبګرو فعالیتونو لیست ؛ د ازادو مسلکونو لیست

• د سوداګریزو فعالیتونو له لارې عاید په کال کې تر 000 170،000 یورو ممکن دی (د مثال په توګه: د توکو پیرل او پلور)

ښه پوهیدل: تاسو باید دخپل شرکت لپاره یو مشخص بانکي حساب جوړ کړئ.

د متشبث یا مستقل شرکت لرلو ګټي:

• دا خدمات د هرچا لپاره خلاص دي که هغه کارکوي، بیکاره وي او یا هم زده کونکی وي او داسې نور.
• د خپل " شخصي شرکت" د جوړولو لپاره مالي پانګوونې ته اړتیا نشته.
• د ټولنیز امنیت همکاریو حساب او تادیه خورا ساده ده
• که تاسو د یوې مودې لپاره پیسې ونه ګټئ ، تاسو مالیه او ټولنیزې مرستې نه ورکوئ
• ستاسو د مالي چارو محاسبه کول ساده ده
• تاسو کولی شئ د سوداګرۍ رامینځته کولو یا دوباره پیل له ادراې (ACRE) له مرستې ګټه واخلئ کوم چې ستاسو د فعالیت په پیل کې ستاسو ټولنیزې مرستې کموي. کله چې تاسو خپل شرکت خلاص کړئ نو تاسو نوموړې ادارې ته خپل درخواست ولیږې چې هغه ستاسو د مالي فیصده را کمه کړې، پدې توګه تاسو تر یو وخته پورې ډیره کمه مالیه ورکوئ.

زیانونه:

• د دې وضعیت لرونکي کسان ځینې مصؤونیتونه نه لري
• د فعالیت د درولو په حالت کې د بې کاري پیسي نه اخلي او نه کوم مالي مرسته ترلاسه کوي، ولو که هرڅه لامل وي، لکه ( ناروغۍ ، کاري حادثه، او داسي نور).
• ښه پوهیدل: د دې لپاره بیمه شتون لري، مګر تاسو باید د لازمي مالې واجباتو سربیره د بیمي تادیه هم وکړئ.