تاسو کولی شئ د فرانس تخوی (France Travail) سره نوم لیکنه وکړئ که تاسې:

• د 16 کلونو څخه ډیر عمر لري
• د کار په لټه کې اوسئ؛
• په فرانسه کې پته ولرئ.
• د استوګنې جواز ولرئ چې تاسو ته د کار کولو او د کار غوښتونکي په توګه د راجستر کولو اجازه درکوي (ټول معلومات دلته دي ).

تاسو باید د لاندې حالتونو څخ یو ولری:

• په خپله خوښه نوم لیکنه
  که تاسو وزګار یاست او د دندې په لټه کې یاست، تاسو کولی شئ هر وخت نوم لیکنه وکړئ (یعنې تاسو د فرانس تخوی سره راجستر کول غوره کوئ).
• د کار له یوې مودې وروسته
  که تاسو خپله دنده له لاسه ورکړې وي، تاسو کولی شئ د خپلې وروستۍ کاري ورځې وروسته ورځ نوم لیکنه وکړئ.
• د خبرتیا دورې وروسته
  د خبرتیا موده هغې مودې ته وای چې د کار د قرارداد د پای ته رسیدو خبرتیا (له دندې ګوښه کول، استعفا، او نور) او د کار د قرارداد د پای نیټې ترمنځ.
  که تاسو د خبرتیا په دوره کې یاست، نو تاسو باید د راجستر کولو لپاره د خپل کار قرارداد پای ته رسیدو پورې انتظار وکړئ.

تاسو کولی شئ آنلاین نوم لیکنه ترسره کړئ، د کمپیوټر یا تلیفون په واسطه (یوازې که تاسو فرانسوي ښه لوستلی شئ، ځکه چې مینځپانګه ژباړل شوې نه ده).

د فرانس تخوی کور پاڼه کې ، په "نوم لیکنه/راجستر (د کار غوښتونکی)" "M'inscrire/ Me réinscrire (demandeur d’emploi)" باندې کلیک وکړئ.

• بیا په «زه پیل کوم» "Je commence" کلیک وکړئ.
• ځینې حالتونه داسې وي چې د فرانس تخوی France Travail په وېب‌سایټ کې د ثبت اجازه نه ورکوي. که تاسو له دې حالتونو څخه هېڅ یو پورې تړاو نه لرئ، نو په "لیست شوي شرایطو څخه هیڅ یو په ما پورې تړاو نه لري" کلیک وکړئ.
• په «تایید او ادامه» "Valider et continuer" کلیک وکړئ.
• بیا هغه انتخاب وټاکئ چې ستاسو له وضعیت سره مناسب وي:

"زه د لومړي ځل لپاره نوم لیکنه کوم یا زما وروستی نوم لیکنه له 6 کلونو څخه ډیر دمخه وه"
یا

"زه دمخه راجستر شوی یم او زما وروستی نوم لیکنه له 6 کلونو څخه لږ دمخه وه."

• که تاسو د تېرو شپږو کلونو په جریان کې ثبت شوي یاست، نو ستاسو د ثبت کیدو غوښتنه به د فرانس تخوی France Travail له خوا له مخکې موجودو معلوماتو سره یوځای ثبت شي.
• په پای کې، په "تایید" "Valider" کلیک وکړئ.

تاسو باید لاندې معلومات ورکړئ:

• خپل جنسیت
• خپل نوم او تخلص
• د زېږېدو نېټه او ځای
• خپل تابعیت
• ستاسو د بهرني نمبر (numéro étranger) او د استوګنې کارت د پای نېټه (که تاسو په فرانسه کې نه یاست زېږېدلي)

د بهرني نمبر هغه 10 عددي شمېره ده چې ستاسو د استوګنې کارت کې د لاسلیک پورته (شخصي نمبر) یا د کارت په ښي اړخ کې عمودي لیکل شوې وي.

• ستاسو د ټولنیز امنیت شمېره (Sécurité sociale) (که تاسو یې لا نه لرئ او غوښتنه مو کړې وي، دا په ټاکلي ځای کې وښایئ)
• ستاسو د کورنۍ وضعیت
• د هغو ماشومانو شمېر چې ستاسو تر سرپرستۍ لاندې دي او بیا په "تایید او ادامه ورکړئ" "Valider et continuer" کلیک کړئ.

خپل پته دننه کړئ او "تایید او دوام ورکړئ" کلیک وکړئ.

بیا، خپل بریښنالیک آدرس او د تلیفون شمیره دننه کړئ، او "تایید او دوام ورکړئ" کلیک وکړئ.

وروسته، وټاکئ چې څنګه غواړئ له فرانس تخوی France Travail سره اړیکه ونیسئ:

• "زه غواړم لیکونه یا پیِغامونه په خپل شخصي ځای کې په آنلاین توګه ترلاسه کړم؛ زه به نور دا د پوستې له لارې ترلاسه نه کړم" (یعنې خپل لیکونه به یوازې په انلاین حساب کې ترلاسه کوئ، او د هر نوي لیک لپاره به ایمیل خبرتیا درځي)

یا

• "زه غواړم خپل لیکونه د پوستې له لارې ترلاسه کړم."
  د "پوسټ له لارې" معنی دا ده چې لیکونه به د پوست له لارې ستاسو کور ته راځي.

په پای کې، په "تصدیق او دوام" کلیک وکړئ.

د نوم لیکنې د دوام لپاره، خپل "د نوم لیکنې دلیل" (Motif d'inscription) بشپړ کړئ.

د خپل شخصي وضعیت په اړه ټولو پوښتنو ته ځواب ووایاست او "تصدیق او دوام ورکړئ" "Valider et continuer" کلیک وکړئ.

دلته تاسو باید د خپل د فرانس تخوی (France Travail) حساب ته د ننوتلو لپاره کوډونه جوړ کړئ:

• یو "کارن نوم" (nom d'utilisateur) غوره کړئ (د مثال په توګه، ستاسو نوم).
• یو "پاسورډ" یا پټ رمز غوره کړئ (دا باید لږترلږه 8 حروف، یو حرف، یوه شمیره او سمبول ولري)

فرانس تخوی بیا تاسو ته ستاسو پیژندونکی (د 11 عددونو سره) درکوي ترڅو د دوی ټولو خدماتو (ویب پاڼه، غوښتنلیکونه...) ته لاسرسی ومومئ.

دا یو ځانګړی نمبر دی چې باید ډېر په احتیاط وساتل شي، لکه ستاسو پاسورډ.

دا تل هماغه پاتې کېږي، که تاسو ښار بدل کړئ هم، او هېڅکله نه بدلېږي.

تاسو به دا نمبر په ټولو لیکونو کې ومومئ چې له France Travail څخه ترلاسه کوئ، او باید تل یې وکاروئ کله چې له دې ادارې سره اړیکه نیسئ.

دا هماغه شان پاتې کیږي حتی که تاسو ښارونه بدل کړئ او هیڅکله نشي بدلیدلی.

تاسو به دا په ټولو هغو لیکونو کې ومومئ چې تاسو یې د فرانس تخوی څخه ترلاسه کوئ، او تاسو باید تل د فرانس تخوی سره د اړیکې نیولو پرمهال دا وکاروئ.

د نوم لیکنې د پروسې په پای کې، تاسو باید نورو پوښتنو ته ځواب ووایاست او د خپل بانکي معلومات ورکړئ (د بانکي حساب توضیحات، RIB) :

• مسلکي فعالیتونه
• شخصي پیښې (د ناروغۍ رخصتي، د زیږون رخصتي...)
• د بېکارۍ مرستې (allocations chômage) چې مو ترلاسه کړې وي...

بیا، تاسو باید ټول هغه معلومات وګورئ چې تاسو ډک کړي دي او بکس په نښه کړئ.

وروسته، ټول هغه معلومات چې مو داخل کړي دي بیا وګورئ او دا خانه وټاکئ: "ما خپل ټول حقونه او مکلفیتونه لوستلي او اعلام کړي دی"
"J’ai lu l’ensemble de mes droits et devoirs et déclare"

په پای کې، په "تایید او دوام" "Valider et continuer" کلیک وکړئ.

تاسو باید د فرانس تخوی France Travail له یوه سلاکار سره د ملاقات لپاره یوه اداره (agence)، نېټه او وخت وټاکئ.

دا ملاقات اجباري دی (8م پړاو وګورئ). تاسو به د بلنې لیک ترلاسه کړئ (یا ایمیل، ستاسو د انتخاب له مخې، 4م پړاو وګورئ).

پاملرنه، تاسو اوس کولی شئ خپله د نوم لیکنې پروسه بشپړه کړئ او "زما د نوم لیکنې غوښتنه تایید کړئ" "Valider ma demande d’inscription" باندې کلیک وکړئ.

د فرانس تخوی به به وروسته ستاسو غوښتنه وڅېړي. کله چې پرېکړه وشي، دا به ستاسو په شخصي حساب (espace personnel) کې هم موجوده وي.

که تاسو د ایمیل له لارې د پیغامونو ترلاسه کول نه وي منلي، نو پرېکړه به د پوست له لارې ستاسو کور ته واستول شي.

د نوم لیکنې او شخصي حساب جوړولو وروسته به تاسو د فرانس تخوی (France Travail) حساب کې خپل پروفایل او اسنادو ته لاسرسی ومومئ:

د خپل حساب سره د وصل کیدو لپاره:

• د فرانس تخوی ویب پاڼې ته لاړ شئ le site de France Travail
• په "پیوستون" "Connexion" کلیک وکړئ
• په "کانديد" "Candidat" کلیک وکړئ
• خپل کارن نوم (ستاسو د فرانس تخوی ایډنټفیان، 11 عددي شمېره) داخله کړئ.
  په "ادامه" "Poursuivre" کلیک وکړئ.
• خپل پاسورډ (هغه چې د ثبت پر مهال مو ټاکلی) داخل کړئ.
  په پای کې، په "وصل کیدل" "Se connecter" کلیک وکړئ.

وروسته به تاسو خپل د France Travail شخصي حساب (espace) ته لاسرسی ومومئ:

• "زما د کار لټون" "Ma recherche d'offres" برخه کې به تاسو په ځانګړې توګه ټول غوښتنلیکونه او همدارنګه ستاسو د روزنې کورس ومومئ که تاسو يې غوښتنه کړې وي.
• "زما اړیکي او اسناد" "Mes échanges et documents" په برخه کې به تاسو د خپل سلاکار اړیکې ومومئ، دا هغه ځای دی چې تاسو د خپل کارمندنې سلاکار د اړیکې نیولو اړوند معلومات مومئ. همدارنګه په همدې ځای کې تاسو کولی شئ یو سند فرانس تخوی France Travail ته ولیږئ.

ستاسو د نوم لیکنې په پای کې، تاسو د لومړي ملاقات نیټه ټاکئ.

دا اسناد له ځانه سره یوسئ:

• د لارښوونې د تمدید سند (رسید) یا د استوګنې جواز،
• د ټولنیز امنیت شمیره ( کارټ ویټال ) یا د PUMA/ CSS سند
• د کار ورکوونکي سند، د کار سند یا د معاش سلپونه،
• که تاسو وړ یاست نو د مالي مرستې ترلاسه کولو لپاره د بانکي حساب توضیحات (RIB).
• سي وي CV (کوریکولم ویتا).

ستاسو د لومړي ملاقات پر مهال، د France Travail سلاکار به له تاسو څخه ستاسو د هویت، تجربو او د کار د لټون په اړه پوښتنې وکړي. د دې معلوماتو پر بنسټ، هغه به ستاسو د تعهد قرارداد (Contrat d'engagement) جوړ کړي، یعنې ستاسو مسلکي پلان او هغه ګامونه چې تر راتلونکي ملاقات پورې باید ترسره شي. هغه به ستاسو د وضعیت سره مناسبې حل لارې هم وړاندې کړي.

دا ملاقات نه ازموینه ده، نه امتحان او نه هم د کار مرکه. سلاکار یوازې غواړي ستاسو کاري تجربه، اړتیاوې او مسلکي هدفونه ښه وپېژني.

د لوستلو لپاره:
د Réfugiés.info معلوماتي پاڼه: " د فرانس تخوی سره د دندې یا روزنې موندل " ولولئ

د ثبت نام یا راجستریشن وروسته تاسو باید هره میاشت د فرانس تخوی France Travail په انټرنیټ پاڼه کې خپل وضعیت "تازه" "s'actualiser" کول یا ثبت کول لازمي دي. دا تاسو ته اجازه درکوي چې خپل حقونه وساتئ او د فرانس تخوی خدماتو لخوا د وړاندیز شویو د کار وړاندیزونو ته لاسرسی ولرئ.

ستاسو د وضعیت تازه کول پدې معنی دي چې تاسو لاهم د دندې په لټه کې یاست یا د نوې دندې په اړه خبر ورکړئ که تاسو موندلې وي.

تاسو باید ټول معاش لرونکي او شخصې کار یا شرکت فعالیتونه اعلان کړئ (معلومات ورکړئ) چې تاسو د میاشتې په اوږدو کې درلودل، لکه ( لنډمهال تړون، دایمي تړون، انتریم، متشبث یا شخصي کار، او نور).

د معلوماتو تازه کول لازمي نه ده که تاسو:

• په ټولنیز ادغام (insertion sociale) پروګرام کې یاست او د فرانس تخوی څخه کومه مالي مرسته نه ترلاسه کوئ
  یا
• د خپل تعهد قرارداد (Contrat d’engagement) د لاسلیک په انتظار کې یاست او له فرانس تخوی څخه مالي مرسته نه ترلاسه کوئ

د معلوماتو تازه کول د لاندې لارو څخه ترسره کیدې شي:

• آنلاین د خپل شخصي حساب له لارې espace personnel،
• د "زما ځای" د تلیفون اپلیکیشن له لارې،
• د تلیفون له لارې په 3949 شیمره، هیڅ ژباړه امکان نلري (کله چې تاسې زنګ ووهئ نو ترجمان شتون نه لري)، یوازې که تاسو په فرانسوي ژبه ښي خبرې کولای شئ،
• یا په یوه اداره کې د مشاور په مرسته.

د فرانسې تخوی د نورو ادارو څخه معلوماتو ته لاسرسی لري، د بیلګې په توګه د مالي ټولولو اداره.

که تاسو مختلف معلومات اعلان کړئ یا تاسو غلطي کړې وي، تاسو باید دا فرانس تخوی ادارې ته هم راپور ورکړئ.

که فرانس تخوی تاسو ته ستاسو د وضعیت څخه ("زیاته تادیه") یا ډیرې پیسې لیږلي وي، هغه دا اختیار لري چې له تاسې څخه بیرته تادیه کولو یا پیسو بیرته ورکولوغوښتنه وکړي. مګر محتاط اوسئ، که تاسو د تېروتنې راپور نه ورکوئ، دا "درغلي" ده. تاسو ممکن مجازات شئ.

تاسو باید د فرانس تخوی سره د راجستر پاتې کیدو لپاره د استوګنې یو معتبر جواز یا سند ولرئ ( د اعتبار وړ سند).

1. د دې کار ترسره کولو لپاره، تاسو باید د خپل استوګنې جواز یا سند د پای نیټې څخه لږ تر لږه 3 میاشتې مخکې نوی کړئ. تاسو کولی شئ دا کار د بهرنیان په فرانسه (ANEF) ویب پاڼې یا په پریفیکتور کې ترسره کړئ ، ستاسو د وضعیت پورې اړه لري.
> ولولئ: د Refugees.info معلوماتي پاڼې لوستل مه هیروئ " د استوګنې جواز نوي کول "

2. هرڅومره ژر چې تاسو د لارښوونې د تمدید سند (API) یا رسید ترلاسه کړئ، تاسو باید دا د خپل کور ته نږدې د فرانس تخوی ادارې په استقبالیه کې وړاندې کړئ.

3. کله چې تاسو خپل د استوګنې وروستۍ اجازه ترلاسه کړئ، نو تاسو باید دا د فرانس تخوی ادارې ته وسپارئ.

ستاسو د مشاور سره ستاسو د لومړۍ ناستې وروسته، تاسو به په منظمه توګه د نورو غونډو لپاره د لیک یا بریښنالیک له لارې بلنه درکړل شي.

تاسو به وکولی شئ د خپلو غوښتنلیکونو او د کار مرکې په اړه وغږیږئ، د شرکتونو سره په اړیکه کې ستاسو ستونزې، د نوي مسلک زده کولو امکانات او داسې نور.

که چیرته تاسو نه شئ کولای دې ناستو او غونډو کې برخه واخلئ، نو هر څومره ژر چې کیږی باید خپل مشاور ته خبر ورکړئ ترڅو تاسو د خپل ملاقات نیټه بدله کړئ.

ستاسې د ژمنتیا تړون سره سم به د فرانس تخوی (France Travail) مشاور ممکن تاسو څخه وغواړي چې یوه روزنه وکړئ، د شرکتونو سره د لیدو لپاره په یوه غوڼده کې برخه واخلئ، تاسو ته د کار وړاندیزونه واستوي، او داسې نور. که تاسو لیوالتیا نه لرئ، تاسو باید ځواب ورکړئ او تشریح کړئ چې ولې علاقه نه لرئ.

د خپل کارن نوم موندلو لپاره، کله چې تاسو ننوتئ یا وصل شئ نو "ماخپل کارن نوم یا پاسورډ هیر کړی" "J’ai oublié mon nom d’utilisateur" کلیک وکړئ.

د خپل پاسورډ د بېرته موندلو لپاره، د ننوتلو پر مهال دا معلومات ولیکئ:

• هغه تخلص (د کورنۍ نوم) چې د ثبت پر وخت مو کارولی
• ستاسو د زېږېدو نېټه
• ستاسو د پوست کوډ (code postal)

بیا په «تعقیب» "Poursuivre" کلیک وکړئ.

تاسو به فرانس تخوی له سیسټم څخه حذف یا اخراج شئ (دا پدې معنی د چې تاسې به د فرانس تخوی له سیسټم څخه د کارونکي یا استفاده کونکي په توګه ډیلیټ یا حذف شئ) که:

• تاسو د میاشتې له 28مې نېټې تر د راتلونکې میاشتې تر 15 مې نېټې پورې خپل معلومات تازه نه کړئ (actualisation)
• تاسو د اعتبار وړ توجیه او دلیل څخه پرته کومي ټاکل شوې ناستې یا غونډې ته حاضر نه شی
• تاسو لازمي روزنې ته حاضر نه شئ
• تاسو د France Travail غوښتنو ته ځواب ورنه کړئ (لکه د تعهد قرارداد، د کار لټون اسناد…)
• تاسو د خپل روغتیا د وضعیت د ارزونې لپاره طبي معاینه رد کړئ
• تاسو ناسم معلومات ورکړي وي تر څو ثبت شئ یا ثبت پاتې شئ
• تاسو 2 مناسب کاري وړاندیزونه رد کړئ

تاسو به یو لیک ترلاسه کړئ چې پکې به د ایستلو (radiation) دلیل تشریح شوی وي.

تاسو کولی شئ د دې په اړه ځواب ورکړئ (د خپل ځان د دفاع لپاره)، د لیک له لارې یا له خپل سلاکار سره ملاقات ونیسئ.

د ایستلو موده د دلیل ( en fonction du motif) له مخې له 1 میاشتې تر 12 میاشتو پورې وي.

د بېکارۍ د مرستو (allocations chômage) په اړه:

• کېدای شي مرسته جزوي بنده شي: په دې حالت کې تاسو یوازې د مرستې یوه برخه ترلاسه کوئ. که تاسو بیا ثبت شئ (د ایستلو مودې وروسته)، بشپړه مرسته به تر خپلو حقوقو پورې بېرته پیل شي.
• کېدای شي مرسته په بشپړ ډول بنده شي: په دې حالت کې تاسو هېڅ مرسته نه ترلاسه کوئ. که تاسو بیا ثبت شئ، مرسته به بېرته پیل نه شي.

ستاسې راجستریشن یا ثبت نام په لاندې شرایطو کې ختمیږي، که:

• د استوګنې کارت یا ریسپسي چې تاسو فرانس تخوی ته لیږلي د اعتبار موده یې ختمه شوي او تاسو نوی کارت یا ریسپسي ادارې ته نه ده ورکړي.

تاسو د سره راجستر کیدو امکان لرئ :

• په انټرنیټ کې ستاسو په شخصي ځای کې؛
• د فرانس تخوی ادارې کې؛
• د تلیفون له لارې په 3949 شمیره. (ژباړه ممکنه نه ده، یوازې که تاسو فرانسوي خبرې کوئ).