د تبدیلي لپاره ستاسو جواز باید لاندې شرایط پوره کړي:

• ستاسې جواز د اعتبار وړ وي

• د فرانسې سره د موټر چلولو جوازونود تبادلې دوه طرفه تعامل لرونکي هیواد لخوا صادر شوی وي.

• د هغه هیواد لخوا صادر شوی وي چې تاسو فرانسي ته له راتګ څخه مخکې په کې ژوند کاوه.
• په فرانسوي کې لیکل شوی وي او یا رسمي ژباړه ورسره مل وي.
• د ریفوجي.انفو لاندې معلوماتي فایل ولولي چې څرنګه رسمي ژباړه د خپلو اسنادو ترسره کړئ.
• > A lire : la fiche Réfugiés.info "Demander la traduction officielle d'un document"

تاسو باید د خپل جواز یا لیسنس د تبادلې پروسه له یو کال څخه کمې مودې څخه پیل کړئ، وروسته له دې چې تاسې د اسنادو دجوړیدنې د تمدید سند (API) ترلاسه کړئ، دا د استوګنې یو لنډمهاله سند دی، کله چې تاسې د استوګنې کارت یا کارت دی سیجور صادریدو ته انتظار یاست چې د کډوال یا د فرعي محافظت څخه ګټه اخیستونکي یا بې تابعیته شخص حالت پکې په ګوته شوی وي.

ستاسو د لایسنس یا موټر چلولو جواز د تبدیلولو لپاره تاسو اړتیا لری چې لاندې اسناد سکین کړئ او په انلاین بڼه یې ولیږئ:

• د موټرچلولو د لایسنس اصلي رنګینه فوتو کاپي (شا او مخ)

> دا ریفیوجي.انفو انټرنیټ پاڼه کې «یو سند سکین کول» په نامه معلوماتي فایل هم ولولئ: "Scanner un document"

• په فرانسوي ژبه کې د جواز رسمي ژباړه
• د هویت سند (ریسپسي یا د اوسیدنې د جواز سند (د اسنادو دجوړیدنې د تمدید سند (API) یا تتخ دی سیجور)
• د خپل د اوسیدنې د ځای ادرس ثبوت چې له 6 میاشتو څخه کمې مودې وي : منل شوي اسناد دلته وګورئ (documents acceptés ici)
• د خپلې عادي استوګنې ثبوت، که چیرته تاسو دهغه هیواد تابعیت ونلری، چې ستاسو لایسنس یې صادر کړئ، تاسو کولای شئ په اړونده هیواد کې د اوسیدني یو سند یا ثبوت وړاندې کړئ، لکه ( په اړونده هیواد کې ستاسو د کار قرارداد چیرته چې تاسو مخکې ژوند کول او تاسو پکې د موټر چلولو جواز ترلاسه کړئ )
• د 40 یورو مالي ټاپه یا تمبر فیسکال اخیستل

> د ریفوجي.انفو معلوماتي پاڼه وګورئ: د مالي ټاپه اخیستل : "Faire et utiliser une e-photo"

• ډیجیټل لاسلیک شوي عکسونه : دا عکس چیرته واخلئ؟

> دا ریفیوجي.انفو انټرنیټ پاڼه کې «ای فوتو اخیستل او کارول» په نامه معلوماتي فایل هم ولولئ: "Faire et utiliser une e-photo"

د موټر چلولو جواز تبادله یوازې د ANTS ویب پاڼې کې آنلاین ترسره کیږي.

• تاسو باید لومړی د ANTS ویب پاڼه کې حساب جوړ کړئ .
  

وروسته لدې چې ستاسو حساب جوړ شي، تاسو کولی شئ دې آنلاین خدماتو ته لاسرسی ومومئ کوم چې تاسو ته اجازه درکوي چې خپله غوښتنه ترسره کړئ.

د خپلې غوښتنې تعقیبولو لپاره، تاسو کولی شئ خپل حساب ته په ننوتلو سره د ANTS ویب پاڼې ته لاړ شئ.

تاسو کولی شئ د دې لینک په کلیک کولو سره د ډیری پوښتل شویو پوښتنو ځوابونه ومومئ.

تاسو کولی شئ د ANTS سره هم اړیکه ونیسئ:

• که تاسو په پاریس کې اوسیږئ: د دې فورمې له لارې.
• که تاسو د پاریس څخه بهر اوسیږئ: د پاڼې په پای کېد دې فورمې له لارې.
• د ټیلیفون له لارې په فرانسه کې د 3400 په فرانس میټروپولیټن کې (بې مالیې یا وړیا شمیره / دوشنبه تر جمعې د سهار له 7:45 څخه د ماښام تر 7 بجو او شنبه د سهار له 8 څخه د مازدیګر تر 5 بجو پورې)

که ستاسو دوسیه ومنل شي،تاسو ته به ستاسې د ANTS حساب له لارې او همدارنګه د ایس ام ایس (SMS) او بریښنالیک له لاري به له تاسو سره تماس ونیول شي.

له تاسو په وغوښتل شې چې څنګه خپل بهرنۍ جواز ولیږئ او خپل نوی جواز ترلاسه کړئ.

کله چې اداره ستاسو د جواز اصلي سند ترلاسه کړي، تاسو کولی شئ د ANTS ویب پاڼې څخه د خوندې تسلیمۍ سند (ADS) ډاونلوډ کړئ.

دا سند تاسو ته اجازه درکوي چې په فرانسه کې موټر وچلوی، کله چې تاسې د فرانسوي جواز ترلاسه کولو لپاره انتظار کوئ، دا یوازې ستاسې د بهرني جواز د پیژندنې مودې په وخت کې د اعتبار وړ ده.

که ستاسو دوسیه رد شي نو د استیناف یا د پریکړي په مقابل کې د شکایت کولو لارې چاري به په پریکړه کې ذکر شوې وي.

تاسو کولی شئ د موټر چلولو جواز ازموینه بیا ترسره کړئ. د بهرني موټر چلولو جواز لرونکي په توګه تاسو کولای شئ د "آزاد نوماند" په توګه ځان ثبت او راجستر کړئ او اړتیا نلرئ چې د موټر چلولو د زده کړې لپاره 20 ساعته عملي روزنه ترسره کړئ. ( دا پدې معنی ده چې تاس اړتیا نلرئ چې دموټر چلوني د زده کړي مرکز سره ځان ثبت کړئ).

نوټ: لاندې معلوماتي فایل د ریفیوجي.انفو صفحه کې ولولئ:

Passer le permis en candidat libre.

د حقوقي جزیاتو سره یوه بشپړه معلوماتي پاڼه د مرکز اپوئي سرچینو ( Centre Appui Ressources) (پخوانۍ ریلوریف Reloref) ویب پاڼه کې شتون لري.