د هر ډول استوګنې کارت نوې کولو د غوښتنې لپاره تاسو دې اسنادو ته اړتیا لرئ:

• د استوګنې زوړ جواز
• د فرانسې جمهوریت اصولو ته د درناوي لپاره د ژمنې تړون
  
  تاسو باید په فرانسوي ژبه لیکل شوی د ژمنې تړون ولولئ ، چاپ کړئ ، بشپړ کړئ ، نیټه یې ولیکئ او لاسلیک یې کړئ . دا سند د فرانسې جمهوریت اصول بیانوي: شخصي ازادي، د بیان او وجدان آزادي، د ښځو او نارینه وو ترمنځ مساوات، انساني وقار، د جمهوریت شعار او سمبولونه، د فرانسې ځمکنۍ بشپړتیا، لایستي. د دې سند په لاسلیک کولو سره، تاسو په فرانسه کې د اوسیدو پرمهال د دې ارزښتونو درناوی ته ژمن یاست.
  
  مهرباني وکړئ په یاد ولرئ چې دا قرارداد د اوفي OFII (د مهاجرت او ادغام لپاره د فرانسې دفتر) د جمهوريت د ادغام تړون (CIR ) څخه توپیر لري. هرڅه د Refugees.info معلوماتي پاڼې " د CIR لاسلیک کول " کې تشریح شوي.

• د شپږو میاشتو څخه کمې مودې د پتې ثبوت (د پتې ثبوت، د استوګنې ثبوت، د کرایې رسید، د برق یا ګاز بل)

• برېښنايي عکسونه e-photos
  د Refugees.info معلوماتي پاڼه ولولئ: "د ای-عکس اخیستل او کارول"

اداره ممکن ستاسو د وضعیت پورې اړوند له تاسو څخه د نورو اسنادو غوښتنه وکړي، د مثال په توګه:

• که تاسو واده کړی وي او د هغه هیواد څخه یاست چې د څو ودونو اجازه ورکوي: د څو ودونو نه لرلو یا نه کولو ژمنتیا لیک ورکول (دا په دې معنی ده چې تاسو په فرانسه کې له یو څخه ډیرو کسانو سره واده نه دی کړی)
• که تاسو د اوفي OFII سره د جمهوريت د ادغام تړون (CIR) په روزنه کې برخه اخیستې وي: د جمهوریت د ادغام تړون CIR لاسلیک شوی سند سپارل
  
  د Refugees.info معلوماتي پاڼه " د جمهوريت د ادغام تړون (CIR) لاسلیک کول " ولولئ.

که تاسو د کډوالۍ حالت یا فرعي خوندیتوب لرئ ، نو تاسو باید د خپل استوګنې جواز د نوي کولو لپاره پدې ویب پاڼه کې غوښتنه وکړئ: https://administration-etrangers-en-france.interieur.gouv.fr

خپل ANEF (په فرانسه کې بهرنيان) حساب ته ننوځئ، بیا د کور پاڼې په پورتنۍ ښیې کونج کې په خپل نوم کلیک وکړئ، او " زما حساب ته لاسرسی موندل " باندې کلیک وکړئ.
یا که تاسو هیڅکله په یاده پاڼه کې شخصي حساب نه وې جوړ کړئ، خپل حساب جوړ کړئ.

د Refugees.info معلوماتي پاڼه ولولئ: "بهرنيان په فرانسه کې (ANEF) ويبپاڼه کې شخصي حساب جوړ کړئ"

1. یوځل چې تاسو په فرانسه کې د بهرنيانو په ویب پاڼه ((ANEF کې خپل حساب ته ننوځئ ، "زه د استوګنې جواز غوښتنه یا نوي کول" “Je demande ou renouvelle un titre de séjour” برخه باندې کلیک وکړئ.

2. تاسو باید فورمه ډکه کړئ او د لومړۍ ګام مطابق اسناد د پي ډي ایف بڼه کې PDF واستوئ.

د لوستلو لپاره: دRefugees.info پاڼه کې "د سند سکین کول" مالوماتي فایل هم ولولئ.

3. د آنلاین درخواست یا غوښتنې کولو وروسته، تاسو به په اتوماتيک ډول د بریښنالیک له لارې "د ثبت کیدو سند" ترلاسه کړئ کوم چې دا ثابتوي چې تاسو خپل فایل لیږلی دی. دا سند هیڅ نوع حقونو ته د لاس رسې حق نه ورکوي، دا یوازې یو ثبوت دی.

4. که ستاسو دوسیه بشپړه شي او په غوښتل شوي وخت کې واستول شي، نو بیا به تاسو د " جواز د جوړیدني تصدیق " (API) ترلاسه کړئ. دا د لنډمهاله استوګنې سند دی چې دا ثابتوي چې تاسو په منظم حالت کې په فرانسه کې د اوسیدو حق لرئ او تاسو کولی شئ کار وکړئ. دا سند (API) همدارنګه تاسې ته حق درکوي چې خپلو ټولنیزو حقونو ته لاس رسی پیدا کړئ، ولې تاسې ته د سفر کولو اجازه نه درکوي، دا سند د ریسپسي په بدل کې ورکول کیږي او د 6 میاشتو د نوي کیدونکي مودې لپاره اعتبار لري. سند د نوي کولو وړ دی، تر هغه چې پریفیکتور خپله پریکړه نه وي کړې.

5. کله چې پریفیکتور ستاسو غوښتنه تایید کړي، تاسو په پای کې د "مثبتې پریکړې سند" ترلاسه کړئ، دا سند تر هغه وخته پورې اعتبار لري ترڅو چې ستاسو داستوګنې نوی جواز ترلاسه کړئ. تاسو باید تل خپل د استوګنې زوړ جواز له ځان سره ولرئ (حتی که د هغې د پای نیټه تیره شوې وي) ترڅو خپل ټولنیز حقونه وساتئ او د شینګین سیمې دننه سفر وکړئ.
په دې سند کې مختلف سندونه تشریح شوي دي .

د دې معلومولو لپاره چې ستاسو غوښتنلیک څنګه پرمخ ځي، په فرانسه کې د بهرنیانو په ویب پاڼه کې خپل شخصي حساب ته ننوځئ ، د کور پاڼې په پورتنۍ ښي خوا کې په خپل نوم کلیک وکړئ، او "زما حساب ته لاسرسی" "Accéder à mon compte" غوره کړئ.

څلور مرحلې شتون لري:

• د غوښتنې سپارل : ستاسو غوښتنه ترلاسه شوې.
• څیړنه د پرمختګ په حال کې ده: پریفیکتور ستاسې د غوښتنې کتنه او ارزونه پیل کړې، پروسس یې په جریان کې دی.
• پریکړه وشوه : ستاسې غوښتنه پروسس او بشپړه شوې، پریکړه شوې ده.
• د اوسیدو اجازه یا تتخ دی سیجور جوړ شوی او چمتو دی : ستاسو نوی کارت جوړ شوی او کولای شئ ترلاسه یې کړئ.

د غوښتنلیکونو د پروسس او ارزونې وختونه په هر ولایت کې توپیر کوي.

کله چې ستاسو د استوګنې نوی جواز یا کارت چمتو شي:

• ولایت به تاسو ته یو پیغام (SMS یا بریښنالیک) واستوي.
• دا پیغام تشریح کوي چې ایا تاسو اړتیا لرئ چې د ستاسو اړوند پریفیکتور په ویبپاڼه کې د ملاقات وخت ونیسئ یا په یوه ځانګړې نیټه مستقیم هلته لاړ شئ.

1. د timbres.impots.gouv.fr ویب پاڼې یا د تمباکو پلورونکي څخه د 225 یورو مالیې ټاپه واخلئ.

2. د نوي استوګنې جواز ترلاسه کولو په ورځ، مهر او د تادیې ثبوت له ځانه سره راوړئ.

د Refugees.info د معلوماتو پاڼه ولولئ چې د مالیې ټاپه اخیستلو څرنګوالی تشریح کوي.

ستاسو د استوګنې جواز اعتبار لري:

• 10 کاله که تاسو د کډوالۍ حیثیت لرئ، دا د "استوګن" کارت دی
• که تاسو فرعي خوندیتوب یا بې تابعیته حیثیت لرئ، نو دا "څو کلن" کارت دی.

د استوګنې نوی جواز ستاسو د هویت سند دی.

د خپل شخصي معلوماتو د تازه کولو او د نوي کارت په اړه د خبر ورکول لپاره دا مهمه ده چې تاسو یې لاندې ادارو ته واستوئ:

• د کاف CAF ادارې ته که تاسو د فعال پیوستون عاید (ایغیسا RSA)، د فعالیت بونس، د کور مرستې، د کورنۍ امتیازات ترلاسه کوئ یا مو غوښتنه کړې وي...
• که تاسو د ټولنیز کور لپاره غوښتنه کړې وي، ستاسو ښاروالۍ یا ویب پاڼه
• ستاسو د روغتیا بیمې کارت تازه کولو لپاره روغتیا بیمه
• فرانس تخوی (پخوانی پول ایمپلوی) که تاسو ورسره ثتب یاست
• که تاسو دنده لرئ، ستاسو کار ورکوونکی یا صاحب د کار ته.

تاسو باید په آنلاین بڼه د بهرنیان په فرانسه (ANEF) ویبپاڼه کې اعلان وکړئ :

• که تاسو له له خپل اوسنې ځای څخه کډه وکړئ
• که تاسو خپل د استوګنې کارت ورک کړئ
• که ستاسو کارت مات شوی، خراب شوی، نه ویل کیږي
• که ستاسو د استوګنې جواز یا تتخ دی سیجور غلا شوی وي.

دا Réfugiés.info پاڼه تشریح کوي چې څنګه دا پروسه ترسره کړئ > "په فرانسه کې د بهرنیان په فرانسه (ANEF) ویبپاڼه کې د وضعیت بدلون اعلان کړئ" .

که تاسو تخنیکي ستونزه لرئ (بلاک شوي پاڼه، خطا پیغام، او نور)، تاسو کولی شئ د اتباعو د اړیکو مرکز (CCC) سره اړیکه ونیسئ:

• د تلیفون له لارې 0806001620 (وړیا شمیره)
• یا د تماس فورمې له لارې (د "اړیکې" تڼۍ د سکرین په ښکته کې کیڼ اړخ کې). تاسو باید خپله ستونزه په واضح ډول تشریح کړئ او د خطا پیغام سره سکرین شاټونه (سایټ، نیټه او وخت لیدل کیږي) واستوئ که تاسې یې لرئ.

که تاسو د پریفیکتور لخوا ځواب ترلاسه نه کړئ یا د کارت نوې کولو غوښتنه مو رد یا منفي ځواب ترلاس کړئ، نو تاسو کولی شئ د دې پریکړې پر وړاندې اعتراض او شکایت وکړئ ( شکایت په دې معنی چې تاسو له پریکړې سره موافق نه یاست).

د پریکړې پر وړاندې د اعتراض لپاره:

• تاسو باید د خپلې سیمې اداري محکمې سره اړیکه ونیسئ. ستاسو په څانګه کې د اداري محکمې د اړیکو توضیحاتو لپاره، دلته کلیک وکړئ.
• تاسو کولی شئ د یووکیل څخه مرسته وغواړئ. که تاسو ډیرې پیسې نلرئ، تاسو کولی شئ د قانوني مرستې غوښتنه وکړئ ترڅو ستاسو د قانوني لګښتونو ټول یا یوه برخه پوښښ کړي.
  د حقوقي مرستې په اړه د Réfugiés.info پاڼه ولولئ.
• تاسو کولی شئ د یوې اتحادیې څخه مرسته ترلاسه کړئ چې د بهرنیو خلکو سره مرسته کوي.
• تاسو کولی شئ د حقونو له مدافع سره اړیکه ونیسئ، یوه اداره چې د خلکو سره چې خپلو حقونو ته د لاسرسي په برخه کې ستونزې لري، مرسته کوي.