مهم معلومات
د.........لخوا وړاندیز شوي
په نښه شوي خلک
دا چېرته دی ؟
یو بریښنایی (e-photo) عکس اخیستل او کارول
دا څه دي ؟
یو بریښنایي عکس (e-photo) (یا د ډیجیټل لاسلیک عکس) د ډیجیټل لاسلیک سره یو بريښنایي (پاسپورټ سایز) عکس دی (د پدې مانا ده چې په انټرنيټ یا کمپیوټر کې شتون او کارول کیږي).
فرانسوي ادارې دا خدمت د ډیری آنلاین اداري پروسیجرونو لپاره کاروي، لکه د ANTS ویب پاڼه (د خوندي اسنادو لپاره ملي اداره) او په فرانسه کې د بهرنیانو په ویب پاڼه کې. site Étrangers en France
څنګه یې وکړو ؟
بریښنایی عکس باید د یو مسلکي عکس اخیستونکي لخوا واخیستل شي یا د عکس اخیستني د ماشین په غرفه کې چې په رسمي ډول د ANTS (د خوندي اسنادو ملي اداره) لخوا تایید شوې وي.
تاسو په شاپینګ مالونو، ریل سټیشنونو، میټرو سټیشنونو کې د عکس اخیستني غرفې (photomatons) موندلی شئ… دا د هغو خلکو لپاره مناسب دي چې په نقل او حرکت کې ستونزې ولري او یا معلولیت ولري.
د بریښنایی عکس اخیستلو لپاره په رسمي اتومات عکس خونو یا غرفو، یوه نیلي لوګو شتون لري: "منظور شوي خدمتونه آنلاین ANTS".
تاسو ته نږدې د مسلکي عکس اخیستونکي یا عکس اخیستنې غرفې موندلو لپاره کولای شئ دلته کلیک وکړئ. تاسو کولی شئ خپله پته ولیکئ یا په ګرځنده تلیفون کې جغرافیه یا خپله د اوسیدني سیمه وکاروئ.
د مسلکي عکس اخیستونکي سره، قیمت د 8 او 15 یورو ترمنځ دی.
د یو ښه کیفیت بریښنایی عکس اخیستلو لپاره ځینې مقررات شتون لري چې لاندې ذکر شوي، ترڅو ستاسو عکس په اداره کې ومنل شي:
- مخ باید روښانه وي (د مخ په وړاندې ویښتان نه وي)، غوږونه ښکاره وي، زنه پورته وي، سترګې او مخ تل باید کیمرې ته مخامخ وي.
- نیغ او مستقیم کښینۍ، مخکی وګورئ او خپله چهره یا مخ طبیعي ونیسئ (د مسکا کولو، د سترګو تړلو یا د خولې خلاصولو څخه ډډه وکړئ).
- که تاسو عینکې لرئ، هغه باید ستاسو مخ ډیر پټ نه کړي: رنګ شوي شیشې او د لمر عینکې منع دي. تاسو اړتیا نلرئ د عکس اخیستنې په وخت خپلې عینکې په سترګو کړئ.
- هر ډول خولۍ، سکارف، د ویښتو لوازم منع دي.
- په یاد ولرئ، د عکس اخیستنې غرفه کې شته پرده ښه وتړئ ترڅو د عکس اخیستني لپاره ښه رڼا ولری.
د عکس اخیستو وروسته، دا اړینه ده چې په ټابلیټ یا ټچ سکرین کې د ځانګړي قلم سره لاسلیک وکړئ.
په پای کې به تاسو د 22 الفانومیریک حروفونو څخه جوړ کوډ چې حروف او شمیرې لرې، د عکسونو یو کارت یا ورقه چې ستاسو بریښنايي لاسلیک به هم ولري ترلاسه کړئ. تاسو د فورمو ډکولو او ادارې طرزالعملونو لپاره دې کوډ ته اړتیا لرئ.
تاسو کولی شئ، د بېلګي په توګه، خپل بریښنایی عکس په لاندې مواردو کې وکاروئ:
- د استوګنې اجازه یا تتخ دی سیجور،
> د لوستلو لپاره: د Refugees.info پاڼه کې: " خپل د استوګنې جواز ترلاسه کول" هم ولولئ.
- د موټر چلولو جواز تولید یا غوښتنه کول،
د لوستلو لپاره:د Refugees.info پاڼه کې "د موټر چلولو جواز غوښتنه کول" هم ولولئ.
د عادي پاسپورټ عکس سره به ستاسو د غوښتنلیک پروسې وخت به اوږد وي، پدې معنی چې د بریښنايي عکس سره پروسه کم وخت اخلي.
او ورپسې څه وکړو؟
که د عکس کوډ 48 ساعته وروسته هم فعال نه وي، تاسو کولی شئ ستونزه راپور کړئ:
- که تاسو خپل بریښنایی عکس د عکس اخیستني غرفه کې اخیستی وي نو دلته د اړیکو فورمه وکاروئ یا لاندې پتې ته بریښنالیک واستوئ: hotline@photomaton.fr.
- که تاسو خپل بریښنایی عکس د مسلکي عکس اخیستونکي سره اخیستی وي نو په هغه صورت کې
له هغه سره مستقیم د بریښنالیک یا تلیفون له لارې اړیکه ونیسئ.
د عکس اخیستونکي یا عکس اخیستني اتومات غرفي موندلو لپاره چیرې چې تاسو بریښنايي عکس اخیستی وي نو دلته کلیک وکړئ.
تاسو کولی شئ د خپلې دوسېې په اړه د هرې پوښتنې لپاره ANTS سره اړیکه ونیسئ:
- د تلیفون له لارې له دوشنبې څخه تر جمعې د سهار له 7:45 بجو څخه د ماښام تر 7 بجو پورې او شنبه د سهار له 8 بجو څخه د ماسپښین تر 5 بجو پورې:
> په فرانس میټروپولتین کې 3400 ته (د محلي تلیفون قیمت) سره زنګ ووهئ
> اوتر میر یا له بهر څخه په 0970830707 شمیره زنګ ووهئ.
یاد خدمت د کاڼو او د هغو کسانو لپاره چې په اوریدلو کې ستونزې لرې مناسب او مطابق شوي.
- د اړیکې فورمه دلته شتون لري.
- د ډیجیټل یا کمپیوتر خدماتو استقبال نقطه کې
تاسو سره ستاسو په ډیپارټمنټ کې د ډیجیټل استقبال نقطه کې مرسته کیدی شي، په پریفکتور یا فرعي پریفکتور کې، د پروسې آنلاین بشپړولو لپاره له تاسو سره د مرستې ترلاسه کولو هم خدمات شتون لري.
په فرانسه کې د بهرنیانو سایټ یا د خپل ANTS حساب سره وصل شئ او خپل شخصي ځای ته لاړ شئ ترڅو ومومئ:
- ستاسو فایل څنګه پرمخ ځي،
- که تاسو د اضافي معلوماتو لیږلو ته اړتیا لرئ،
- د ادارې پریکړه (منل شوی، رد شوی).
د لوستلو لپاره: د Réfugiés.infos پاڼه کې "په فرانسه کې د بهرنیانو په ویب پاڼه کې شخصي حساب جوړ کړئ" معلوماتي فایل هم ولولئ.
ایا تاسو دا معلوماتي فایل ګټوروموندل ؟
د مرسته کونکو څخه مننه وکړئ چې ستاسو لپاره یې معلومات لیکلي او ژباړلي!
اړوند موضوعات
11 مرسته کونکي فعالیت کوي