تاسو سیغ CIR لاسلیک کوئ که چیرې :

• تاسو د اوفپرا OFPRA له لارې نړیوال خوندیتوب لرئ (کډوال، د فرعي خوندیتوب ګټه اخیستونکی یا بې تابعیته کس)
• تاسو د کورنۍ د بیا یوځای کیدو سره راغلي یاست او د کډوال، د فرعي محافظت ګټه اخیستونکي یا بې تابعیته کس د کورنۍ غړی یاست
• تاسو د شخصي او کورنۍ ژوند د استوګنې جواز لرئ
• تاسو د سوداګری، صنعت یا لاسي صنایعو په برخه کې د کار کولو لپاره د استوګنې جواز لرئ
• تاسو د استوګنې یا ریزډنت کارت لرئ
• تاسو د اوږدې مودې ویزه لرئ چې د کارکوونکو لپاره د استوګنې جواز په توګه کار کوي.

د CIR لخوا پوښل شوي حالتونو لیست دلته د "څوک باید د جمهوریت دادغام تړون لاسلیک کړي؟" برخه کلیک کولو سره کتلای شئ.

تاسو اړتیا نلرئ چې CIR لاسلیک کړئ که چیرې:

• تاسو په فرانسه کې پناه غوښتونکی یاست
• تاسو د لنډمهاله خوندیتوب ګټه اخیستونکي یاست
• تاسو د روغتیا دلایلو لپاره د شخصي او کورنۍ ژوند د استوګنې جواز لرئ
• تاسو د یو ټاکلي مودي کارګر، موسمي کارګر یا لنډمهاله کارګر په توګه د استوګنې جواز لرئ
• تاسو د ستاج کوونکي، زده کوونکي، د استعداد پاسپورټ، یا سیاح په توګه د استوګنې جواز لرئ
• تاسو په فرانسوي لیسه کې درې کاله زده کړې کړې دي
• تاسو په فرانسه کې د لوړو زده کړو یو کال بشپړ کړی وي (پوهنتون، IUT، ښوونځی)
• که تاسو د 16 او 18 کلونو ترمنځ یاست، تاسو کولی شئ د استوګنې کارت لپاره غوښتنه وکړئ
• تاسو د یو اروپايي هیواد وګړی یاست او په فرانسه کې له خپلې کورنۍ سره اوسېږې.

د هغو حالتونو لیست چې د CIR لخوا پوښل شوي ندي دلته کلیک کولو سره کتلای شئ

د فرانسې د مهاجرت او ادغام دفتر (OFII) تاسو ته د ANEF (په فرانسه کې بهرنيان) ویب پاڼې کې د لومړي استوګنې جواز له صادرولو وروسته د ملاقت وخت یا د بلنې وخت لیږي.

په بلنه کې لاندې مطالب شامل وي:

• د ملاقات نیټه، وخت او پته
• هغه اسناد چې باید له ځان سره یې یوسئ (اصلي او ستاسو د رسید یا د استوګنې جواز کاپي).

که تاسو د خپل استوګنې جواز له صادریدو څخه شاوخوا درې میاشتې وروسته بلنه ترلاسه نه کړی، تاسو کولی شئ په مستقیم ډول د خپلې سیمې د اوفي اداري سیمه ایز ریاست سره اړیکه ونیسئ.

د اوفي پته، د تلیفون شمیره او د پرانیستلو ساعتونه پدې پاڼه کې ومومئ.

مرکه او د فرانسوي ژبې ارزونه

د ملاقات په ورځ لاندې کارونه ترسره کیږي:

• د اوفي مسؤول سره مرکه ترڅو ستاسو د وضعیت په اړه معلومات ترلاسه کړي، ستاسو حقونه او مکلفیتونه تشریح کړي، د روزنې کورسونه (مدني او فرانسوي) وړاندې کړي، او ستاسو اړتیاو سره سم معلومات او مشورې درکړي.
• ستاسو د فرانسوي ژبې د کچې ارزونه ( لیکل شوي او ویل شوي)

که تاسو دمخه د A2 کچه (یا لوړه) لرئ، نو تاسو اړتیا نلرئ چې د فرانسوي ژبې روزنه وکړئ.

که تاسو د A2 کچه نلرئ، د اوفي مسؤول به تاسو ته د فرانسوي ژبې روزنه وړاندې کړي.

تاسو کولی شئ د اوفي لخوا پیشنهاد شوي فرانسوي روزنه رد کړئ (دا په دې معنی چې تاسو روزنه نه قبولوئ)، ولې ژمنه کوئ چې د یوې ټولنې، روزنیز مرکز سره د فرانسوي ژبې روزنه وکړئ ...

د CIR لاسلیک کول

د غونډې په پای کې، تاسو خپل د جمهوریت د ادغام تړون (CIR) لاسلیک کوئ.

تاسو دلته یو مثال موندلی شئ.

د CIR په لاسلیک کولو سره، تاسو تعهد کوی چې:

• د فرانسې ټولنې او جمهوریت ارزښتونو ته درناوی وکړئ
• په قرارداد کې لیکل شوي روزنې او کورسونو کې برخه واخلئ
• د خپلو حقونو ته د لاسرسي، روزنې یا کار موندلو لپاره د اوفي لخوا وړاندیز شوي ګامونه ترسره کړئ.
• د اوفي لخوا ټولو بلنو یا د ملاقات وختونو ته ځان حاضر کړئ
• خپلو ماشومانو ته داسې تعلیم ورکړئ چې د جمهوریت ارزښتونو ته درناوی ولري
• که ستاسو په وضعیت کې کوم بدلون راځي نو د اوفي اداري ته باید خبر ورکړئ، لکه (کډه کول، واده کول، د تلیفون نوې شمیره...)،

د لاسلیک کولو وروسته، اوفي به تاسو ته د مدني روزنې او فرانسوي ژبې روزنې پیل کولو لپاره معلومات درکړي (که تاسو منلي وي).

نیټو او پتو ته پام وکړئ: دا تل په ورته ځای کې نه وي.

تاسو باید د CIR د تایید او د څو کلونو د استوګنې جواز ترلاسه کولو لپاره په خپل قرارداد کې لیست شوي روزنیز کورسونه بشپړ کړئ.

اجباري مدني روزنه

د لاندې موضوعاتو سره څلور ورځي روزنه (ټول 24 ساعته):

• د فرانسې اصول او ارزښتونه: شعار (آزادي، مساوات، ورورولي)، سیکولریزم، د جمهوریت سمبولونه او شعارونه
• د فرانسې بنسټونه او سیاسي نظام: ډیموکراسي او د رایې ورکولو حق، د فرانسې جمهوریت سازمان
• په فرانسه کې د ژوند کولو حقونه، مکلفیتونه او دندې
• د فرانسې تاریخ، جغرافیه او کلتور
• په فرانسوي ټولنه کې ژوند: په فرانسه کې ژوند او کار کول، روغتیا، کار، کور، د والدینو ملاتړ، د ماشومانو پاملرنې اختیارونه، ښوونځی، د ماشومانو حقونه ...

د مدني ازموینې لپاره د ښه چمتووالي لپاره، دا مشوره ورکول کیږي چې مدني زده کړې په جدي توګه تعقیب او برخه پکې واخلئ.

د Refugees.info د معلوماتو پاڼې وګورئ " د استوګنې جواز ترلاسه کول "، " د استوګنې جواز نوي کول "، " د فرانسوي تابعیت لپاره غوښتنه کول ".

د فرانسوي ژبې روزنه (ستاسو د کچې سره سم)

موخې: په فرانسه کې د ژوند کولو لپاره په ځان بسیا کیدل، د کار، تعلیم، کلتور، کورنۍ، کور، ترانسپورت په اړه پوهیدل او اړیکه نیول ...

موده او تنظیم د فرانسوي ژبې کچې پورې اړه لري.

که په فرانسوي او مورنۍ ژبه کې ستاسو د لیکلو کچه ضعیفه وي، نو تاسو ته به د 600 ساعتونو لپاره د فرانسوي زده کړې پروګرام درکړل شي، چې په ټولګي کې په حضوري ډول ترسره کیږي، تاسو به په فرانسوي ژبه خبرې کول، لوستل او لیکل زده کړی.

هغه کسان چې لوړې کچې لري، د هغوی لپاره په خپلواک توګه د زده کړې لپاره د تلیفون اپلیکیشن (فریلو) له لارې روزنه پیشنهاد کیږي (په حضوري توګه ټولګي نشته). هدف د A2 کچې ته رسیدل دي، مګر اپلیکیشن کې تر B2 کچې پورې تمرینونه شامل دي.

که تاسو رسمي تصدیق یا ډیپلوم ته اړتیا لرئ، نو هرڅه د Refugees.info په دې معلوماتي پاڼه کې تشریح شوي دي.

د روزنې له پیل څخه شاوخوا 6 څخه تر 9 میاشتو پورې، اوفي ستاسو د وضعیت د بیاکتنې لپاره یوه ورستۍ مرکه تنظیموي :

• د اوفي استازی به تاسو ته په فرانسه کې ستاسو د میشت کیدو په اړه معلومات درکړي.
• هغه کولی شي تاسو د فرانس تخوی (پخوانی پولي امپلوا)،د یو ځایی ماموریت مرکز، د اجیر پروګرام ته لارښوونه وکړي، ترڅو د خپلې مسلکي پروژې په اړه خبرې وکړئ او تاسو سره د دندې په لټه کې مرسته وکړي.

دا ممکنه ده چې د قرارداد د تمدید غوښتنه تر یو کال پورې وشي :

• که تاسو یو معقول دلیل ولرئ (روغتیایي ستونزې، د ماشوم زیږون، کار...)
• او که ستاسو روزنه لا بشپړه شوې نه وي.

تاسو باید په قانوني توګه په فرانسه کې اوسېږئ (ریسپسي یا د استوګنې معتبر جواز ولرئ).

بیا تاسو یو نوی CIR لاسلیک کولای شئ، چې پکې د تمدید دلیل او موده مشخصه شوي وي.

د اوفي اداره دا اختیار لري چې ستاسو CIR تړون ختم کړي (لغوه کړي) که چیرې:

• تاسو د یوې اجباري روزنیزې غونډې ته حاضر نه شئ او تاسو یو معتبر دلیل نه وې وړاندې کړی.
• تاسو د CIR تړون کې ذکر شویو شرایطو ته درناوی نه وې کړئ (دریم ګام وګورئ).