Paramètres d'affichage

Choisissez un thème pour personnaliser l'apparence du site.

مهم معلومات

په نښه شوي خلک

خلکقانوني اسناد لرونکي کډوال, د فرعي محافظت ګټه اخیستونکي کسان, د لنډمهاله خوندیتوب ګټه اخیستونکي کسان, بې وطنه کسان, فرانسوي اتباع
ځانګړي خلکځوانان

قیمت

وړيا

دا چېرته دی ؟

د زده کړو لپاره د یو تعلیمي بورس غوښتنه کول

...میاشي کیږي چې نوي شوي il y a 4 mois

دا څه دي ؟

بورس یا سکالرشپ یوه مالي مرسته ده چې د شرایطو لاندې هغو زده کونکو ته ورکول کیږي چې د پوهنتون په کچه د خپلو زده کړو په تمویل کې ستونزې لري.

هغه کډوال زده کونکي چې د نړیوال یا لنډمهاله خوندیتوب څخه ګټه پورته کوي او د تعلیمي کال د سپتمبر په لومړۍ نیټه د 28 کلونو څخه کم عمر ولري، هغوې د کروس CROUS (د پوهنتونونو او زده کړو چارو سیمه ایز مرکزونه) لخوا اداره شوي بورسونو ته لاسرسی لري.

دوی پدې توګه د "بورس لرونکي" زده کونکي حیثیت لري .

یادونه: د ځانګړي کلنۍ مرستې (ASAA) پروګرام د زده کونکو یا کورنیو خانکړیو شرایطو سره سم د بورسونو ځای نیسي او دا له هغو زده کوونکو سره مرسته کوي چې عمرونه یې د 35 کلونو څخه کم وي.

بورسونه د ټولنیزو معیارونو (BCS) یا ځانګړي کلنۍ مرستې (ASAA) پراساس لاندې ګټې وړاندې کوي:

  • په میاشتنۍ ډول د بورس یا مالي مرسرتې ترلاسه کول
  • تاسو اړتیا نلرئ د پوهنتون د راجسټریشن فیسونه تادیه کړئ، او نه هم د زده کونکي او کیمپس ژوند کې سهم یا وڼده ورکړئ (CVEC)
  • تاسو د CROUS په استوګنځيو یا لیلیو کې چې د زده کوونکو لپاره ځانګړي شوي، د استوګنځي ترلاسه کولو لپاره لومړیتوب لرئ، ستاسې د دوسیې ټولنیز شاخص او د شته ځایونو پراساس
  • تاسې په پوهنتونونو کې د کروس CROUS ریسټورانټونو کې د یو وخت خواړو په مقابل کې یوازې یوه یورو (€ 1) تادیه کوئ.

د پوهنتون په استوګنځي کې د بورس یا استوګنې لپاره د هرې غوښتنې لپاره، تاسې باید هر کال د زده کونکي ټولنیزه دوسیه (DSE) بشپړ کړئ.

> د Réfugiés.info پاڼه کې دا معلوماتي فایل هم ولولئ: "د کراوس استوګنځي ترلاسه کول" .

مهمه یادونه: د سکالرشپ لرل تاسو ته ځانګړي حقونه درکوي، ولې تاسې باید د خپل سکالرشپ ترلاسه کولو په مقابل کې ځیني شرایط یا مکلفیتونو ترسره کړئ.
تاسو باید د روزنې ټولې دورې لپاره کورسونه تعقیب کړئ، د عملي کار (TP)، درسي کار (TD) لپاره حاضر اوسئ، ازموینه واخلئ، خپل کورنی کار وسپارئ، لازمي ستاجونه ترسره کړئ او داسې نور.

څنګه یې وکړو ؟

بورسونه د ټولنیزو معیارونو (BCS) او ځانګړي کلنۍ مرستې (ASAA) د یو شمیر ځانګړیو معیارونو پر اساس ورکول کیږي.

د پروسې پیل کولو دمخه، معلومه کړئ چې ایا تاسو د بورس یا مالي مرستو ترلاسه کولو حق لرئ.

د دې لپاره تاسې باید لاندې شرایط پوره کړئ:

  • د BCS لپاره د لومړي غوښتنلیک لپاره د تعلیمي کال د سپتمبر په لومړۍ نیټه د 28 کلونو څخه کم عمر لرل او د ASAA لپاره د 35 کلونو څخه کم عمر لرل. د عمر دا محدودیت د معلولیت لرونکو زده کونکو لپاره شرط نه دی. د 28 کلنۍ څخه تاسې اړتیا نلرئ خپلې زده کړې بندې کړئ ترڅو له دې څخه ګټه پورته کړئ.
  • د نړیوال یا لنډمهاله خوندیتوب څخه ګټه اخیستونکي کډوال؛
  • په یوه ابتدايي روزنه کې مو نوم لیکنه ترسره کړې وي، چې د بورسونو ترلاسه کولو لپاره مجازه وي یا د پوهنتون ډيپلوم کې چې د جلاوطونو زده کوونکو لپاره ځانګړې شوي DU "Passerelle - Étudiants en exile" ؛

> د Réfugiés.info پاڼه کې دا معلوماتي فایل هم ولولئ: "DU Passerelle روزنه ترسره کول"

  • په یوه لومړنۍ روزنه کې نوم لیکنه وکړئ چې زده کړې بشپړ وخت پکې ترسره کیږي او نه هغه روزنه چې د کار او زده کړې (الترنانس) په اساس وي.
  • د سرچینو او کورنیو مصارفو پورې اړه لري، د لوړو زده کړو بورسونو ترلاسه کولو لپاره په ملي پیمانه کې داخلیدل چې (هر کال په رسمي ژورنال کې خپریږي)
یادونه: تاسې کولی شئ آنلاین سمیلیټر (د بورس اخیستلو لپاره اټکل شوي معلومات تمرینول) هم کارولای شئ، ترڅو ومومئ چې ایا تاسو د خپل وضعیت په پام کې نیولو سره د بورس اخیستو مستحق یاست.
  • تاسې باید د خپلې استوګني یا قانوني اقامت اسناد او په فرانسه کې د کډوالۍ قانوني خوندیتوب ثابت کړئ (نړیوال یا لنډمهاله د قبولۍ اسناد لرل).
  • همدارنګه، د قانوني خوندیتوب یا قبولۍ اسنادو ثبوت سربیره، تاسې باید وړتیا ولرئ چې د استوګنې سند وړاندې کړئ (د استوګنې کارت یا کارت دی سیجور که تاسې یې مخکې له مخکې لرئ یا تمدید کیدونکی سند یا ریسپسي لرل: API)

که یاد شرایط پوره شي، تاسو کولی شئ د کروس CROUS ویبپاڼه کې د خپل بورس د پيسو اندازه معلومه کړئ.

دا سمیلیټر یا اټکل کوونکی تاسې ته اجازه درکوي چې معلومه کړئ چې ایا تاسو د خپلې کورنۍ او یا ټولنیز وضعیت مطابق او همدارنګه ستاسې د زده کړې او روزنې ټاکلی پرګرام د بورس اخیستلو حق درکوي او کنه.

کله چې تاسې خپله د زده کونکي ټولنیزه دوسیه (DSE) بشپړه کوئ، دا معلومات هم غوښتل کیږي.

هر زده کوونکی چې د لوړو زده کړو په یو بنسټ کې ابتدايي روزنه ترسره کول غواړي، باید د نوم لیکنې دمخه د زده کونکي او د کیمپس د ژوند کې د سهم تادیې سند (CVEC ) ترلاسه کړي.

یادونه: کډوال، هغه کسان چې د فرعي یا لنډمهاله خوندیتوب څخه ګټه پورته کوي باید CVEC تادیه نه کړي : دوی "استثنا" دي.
  • تاسې باید د دې پتې سره تماس ونیسئ او د "زما د معافیت غوښتنه کول" “Demander mon exonération” برخه باندې کلیک کولو سره د معافیت غوښتنه وکړئ. تاسو اړتیا لرئ چې د ملاتړکوونکو اسنادو په ضمیمه کولو سره خپل د کډوالۍ دریځ او وضعیت ثابت کړئ ترڅو د یاد سهم تادیه کولو څخه استثناء او معافیت ترلاسه کړئ.
  • په اعظمي توګه د یوې اونۍ دننه به تاسې پوهنتون ته د حاضریدو لپاره خپل سند ترلاسه کړئ.

غوښتنه باید د تعلیمي کال له پیل څخه دمخه د مارچ 30 او می 31 میاشتو ترمنځ وشي (د 2023/2024 نیټې). ناوخته غوښتنې د دسمبر تر 31 پورې منل کیږي او حتی د دې نیټې څخه هاخوا هم منل کیږي، ولې یوازې په وضعیت کې د استثنایی بدلونونو لپاره.

messervices.etudiant.gouv.fدې ویبپاڼې ته لاړ شئ او یو حساب جوړ کړئ

بیا، خپله د زده کونکي ټولنیزه دوسیه (DSE) بشپړ کړئ.

تاسو کولی شئ د خپلې خوښې په یو یا زیات اکاډیمک مرکزونو کې تر څلورو پورې روزني انتخاب کړئ.

د نوم لیکنې یا راجسټریشن وروسته د اعظمي 72 ساعتونو دننه، تاسې به د خپلې غوښتنې لنډیز سره بریښنالیک ترلاسه کړئ.

د دې مودې وروسته، تاسو کولی شئ اضافي ملاتړکوونکي اسناد د خپل آنلاین حساب له لارې د "زده کوونکي ټولنیزه دوسېې څارنه (DSE)" برخه کې وسپارئ، بیا "د سندونو سپارل" باندې کلیک وکړئ (په PDF، PNG یا JPG بڼه کې واستوئ).

د دوسیې د لومړنۍ ارزونې وروسته به تاسې لاندې ځواب ترلاسه کړئ:

  • یا د شرایطو سره د بورس ترلاسه کیدو خبرتیا. دا سند تاسو ته اجازه درکوي چې د پوهنتون د راجسټریشن فیسونه او همدارنګه CVEC تادیه نه کړئ.
  • یا د غوښتنې د رد کیدوخبرتیا
  • یا د بریښنالیک له لارې د اضافي اسنادو غوښتنه پرته له خبرتیا (نامکمله دوسیه).
یادونه: تاسو یوازې یو غوښتنلیک سپارولو ته اړتیا لرئ، حتی که تاسې مختلفو اکاډمیو کې د شاملیدو هیله کړې وي. ستاسې اړوند کروس CROUS اداره به ستاسې دوسیه هغه کورس CROUS ته د لیږد مسولیت په غاړه ولري، چیرته چې به تاسې خپل تعلیمي کال پیلوئ.

د دې لپاره چې خپله دوسیه په دقیق ډول تایید او بورس ترلاسه کړئ، تاسې باید خپل مشروط بورس خبرتیا خپلې اړونده ادارې یا بنسټ ته وسپارئ.

کروس CROUS په لوړو زده کړو کې ستاسې د نوم لیکنې دوسیه په مستقیم ډول له اړوند ادارې څخه ترلاس کوي. له همدې امله تاسو اړتیا نلرئ چې د تعلیمي کال په پیل کې خپل کروس CROUS ته په زده کړو کې شمولیت سند ورکړئ. ولې ممکن له تاسو څخه د پوهنتون څخه بهر ځینې نورې ادراې د یاد سند غوښتنه وکړي. د خپل د زده کړو ادارې څخه پدې اړه د پوښتنې کولو او معلوماتو ترلاسه کول مه هیروئ.

یوځل چې ستاسو نوم لیکنه یا راجسټریشن د کروس CROUS لخوا تایید شي، نو تاسې به بیا د بورس په اړه د بریښنالیک له لارې وروستی خبرتیا ترلاسه کړئ (د مالي مرستې او د هغې د مقدار په اړه مثبته یا منفي پریکړه).

یادونه: د خپلې دوسېې د پرمختګ تعقیبولو یا خپل اسناد ډاونلوډ کولو لپاره، خپل حساب ته لاړ شئ messervices.etudiant.gouv.fr ، د زده کونکي ټولنیزه دوسیه (DSE) د څارنې برخې یا د اړیکو فورمه وکاروئ ترڅو په دوسیه کې خپلې غوښتنې تغییر کړئ یا د هغې په اړه که کومې پوښتنې وي.

کله چې تاسې خپل DSE بشپړ کړئ، تاسو کولی شئ د کروس CROUS څخه د استوګنې لپاره هم غوښتنه وکړئ.

د دې لپاره تاسې باید د پروسې په جریان کې "د استوګنې غوښتنه" "demander un logement" خانه نښه کړئ.

په دوهمه مرحله کې (د می په میاشت کې، تاسو ته د ښودل شوي مهال ویش سره سم)، تاسې اړتیا لرئ چې د خپل استوګنځي غوښتنه په messervices.etudiant.gouv.fr ویبپاڼه کې د خپل حساب له لارې بشپړ او مشخص کړئ یا یې مستقیم دrechercheunlogement.lescrous.fr ویبپاڼې له لارې ترسره کړئ.

تاسو د پوهنتون د څو استوګنځایونو ترمنځ انتخاب کولای شئ، خو دا ستاسې د زده کړې د ځای موقعیت پورې اړه لري.

د کروس CROUS کورونو تخصیص بیا په 2 مرحلو کې ترسره کیږي:

  • لومړی "اصلي مرحله"، د 4 اونیو موده کې چې د بورسونو اخیستونکو لومړیتوب په پام کې نیول کیږي او په عمومي توګه د جون په میاشت کې ترسره کیږي؛
  • بیا د "تکمیلي مرحله"، د جولای په میاشت کې پیل کیږي، د ټولو زده کونکو لپاره پرانستل کیږي او د ټولنیزو معیارونو پراساس د بورس ترلاس کوونکو زده کونکو ته لومړیتوب ورکول کیږي.

تاسو به د بریښنالیک له لارې ځواب ترلاسه کړئ (احتمالا خپل "جنک ایمیلونه" وګورئ) او که ځواب مثبت وي،نو د SMS له لارې هم خبر در کول کیږي.

که تاسو ته د استوګنې ځای تخصیص شوی وي، تاسو 48 ساعته لرئ چې خپل انتخاب تایید کړئ، د 100 یورو د بکینګ فیس په ورکولو سره. دوی به ستاسو د لومړي کرایې څخه کم شي.

> د لوستلو لپاره: د Réfugiés.info پاڼه کې د دا معلوماتي فایل هم وګورئ: "د کروس استوګنځي ترلاسه کول" .

یادونه: د کروس د استوګنې ځایونو څخه پرته د استوګنې د لټون لپاره نورې حل لارې هم شتون لري: په ځانګړې توګه د https://www.lokaviz.fr/ ویبپاڼه چې تاسې ته ددې امکان درکوي چې د استوګنو خصوصي مالکینو سره په مستقیم ډول اړیکه ونیسئ.

او ورپسې څه وکړو؟

د بورسونو، کور او یا CVEC په اړه د هرې پوښتنې لپاره، د کروس CROUS ملي پلیټفارم سره په 0972596569 اړیکه ونیسئ .

د هیواد په کچه بیړنۍ تلیفون شمیره 0806000278 د هغو زده کونکو لپاره ده چې د جدي مالي ستونزو سره مخ وي.

کډوال زده کونکي کولای شي د یو ځانګړي یا وقف شوي د کروس CROUS مشاور له لارې ملاتړ او مرسته ترلاسه کړي.

تاسې همدارنګه کولی شئ تاسې ته نږدې اتحادیې څخه د مرستې غوښتنه وکړئ یا یونیر- یونیورستي ریفیوجي UniR - Universités Réfugiés.es یا د جلاوطن زده کونکو اتحادیې (UEE) سره اړیکه ونیسئ .

یادونه: د زده کونکو لخوا پوښتل شوي ټولي مهمي پوښتنې دلته د عمومي ځوابونو سره موندلای شئ.

ددې لپاره چې بورس یا سکالرشپ په دوامداره توګه ترلاسه کړئ، تاسې باید په خپلو زده کړو کې د پرمختګ شرایطو ته درناوی وکړئ، ټولګي یا زده کړې په منظم ډول تعقیبول او حاضري ورکول، او په ازموینو کې برخه اخیستل.

که یوه ورځ تاسو د ازموینې څخه غیر حاضر شئ، تاسو باید خپل د زده کړې ځای ته د خپلې غیر حاضرۍ ثبوت وړاندې کړئ.

یادونه: هغه زده کوونکي چې په منظم ډول خپلې زده کړې نه تعقیبوي، ددې امکان شته چې د کروس Crous ادراې لخوا دهغوی د بورس پیسي وځنډول شي، او یا هم له هغوې څخه وغوښتل شي چې ترلاسه شوې پیسي بیرته ورکړي.

ځانګړي مرستې د ټولنیزو معیارونو پراساس د بورس سره یوځای ترلاسه کیدی شي، ولې دا ستاسې وضعیت او شرایطو پورې اړه لري :

  • بیړنۍ مالي مرسته

لکه څنګه چې د کلنۍ مرستې لپاره دا شرط دی چې تاسې باید د اړوند تعلیمي کال د سپتمبر میاشتې په لومړۍ نیټه د 35 کلونو څخه کم عمر ولرئ.

د نورو جزیاتو لپاره، دې پتې ته لاړ شئ.

  • د بورسونو پروګرام لارښود

په فرانسه او بهر کې ډیری مرستې او بورسونه شتون لري. د کیمپس بورسونه Campus Bourses د ټولو هغو مرستو په اړه معلومات وړاندې کوي چې د فرانسوي او بهرنیو هیوادونو، محلي ادارو، شرکتونو، بنسټونو او د لوړو زده کړو موسسو لخوا ورکول کیږي.

که تاسو باور لرئ چې ستاسې د دوسیې په پروسه او ارزونه کې کومه تېروتنه شوي یا دا چې تاسې په ترلاسه شوي پریکړه نه پوهیږئ، تاسو باید لومړی د مرستې اړیکو برخې له لارې د کروس CROUS ادارې سره ستاسې د messervices.etudiant.gouv.fr حساب له لارې اړیکه ونیسئ.

که کومه د حل لاره ونه موندل شي او تاسو بیا هم د پریکړې په مقابل کې شکایت کول غواړئ، تاسې کولی شئ د اړونده باصلاحیته مرجع (د CROUS رییس یا عمومي رییس) ته اپیل یا شکایت وکړئ. او یا د لوړو زده کړو منځګړی ته عریضه وکړئ. دې موضوع ته وقف شوې مقالې ته مرجعه وکړئ او اضافي معلومات ترلاسه کړئ.

تاسو کولی شئ تاسې ته نږدې اتحادیې څخه هم د مرستې غوښتنه وکړئ یا د UniR - Universités Réfugié.es یا د جلاوطن زده کونکو اتحادیې (UEE ) سره اړیکه ونیسئ.

تاسو کولی شئ د خپلو زده کړو په جریان کې د قانوني کاري ساعتونو 60 فیصده، یا په کال کې 964 ساعته کار وکړئ .

د زده کونکي په توګه د دندې موندلو لپاره، تاسې کولی شئ د JOBAVIZ ویبپاڼې ته لاړ شئ چې د زده کونکو لپاره دندو ته وقف شوی.

تاسو کولی شئ خپل بورس د ټولنیزو معیارونو پراساس د مسلکي فعالیت سره یوځای کړئ، پدې شرط چې تاسې په ټولګیو او ازموینو کې د ګډون مکلفیت ته درناوی وکړئ.

په هرصورت، د دې دواړو جمع کول ناممکن دي که چیرې تاسې په ځینو خاصو شرایط کې قرار ولرئ، په ځانګړې توګه:

  • تاسو یو دولتي مامور یاست؛
  • تاسې د انترنات کانکور ازموینه کې بریالي شوی یاست (د مثال په توګه طب)؛
  • تاسو د کارموندنې Pôle Emploi سره راجستر یاست؛
  • تاسې د زده کړې قرارداد، مسلکي کیدو قرارداد یا د انفرادي روزنې په رخصتۍ کې یاست.
  • او داسي نور.
د پاڼې سر

12 مرسته کونکي فعالیت کوي

houssam kokachhoussam kokachاډمین
a mugniera mugnierاډمین
niknameniknameد صفحي پورته برخه
rezgar-bapirirezgar-bapiriد صفحي پورته برخه
kim.delaunaykim.delaunayد صفحي پورته برخه
nawal ghandournawal ghandourد صفحي پورته برخه
nounouد صفحي پورته برخه
ghannamghannamد صفحي پورته برخه
zakharffzakharffد صفحي پورته برخه
marianneukrainemarianneukraineد صفحي پورته برخه
rohullah expertrohullah expertد صفحي پورته برخه
olga b.olga b.د صفحي پورته برخه