مهم معلومات
د.........لخوا وړاندیز شوي
په نښه شوي خلک
شرایط
دا چېرته دی ؟
په فرانسه کې د غاښونو درملنې ډاکټر مرستیال کیدل
دا څه دي ؟
د غاښونو ډاکټر مرستیال د طبي او جراحي پروسیجرونو په جریان کې د غاښونو ډاکټر سره مرسته کوي، ناروغانو ته ښه راغلاست او د انتظار خونې ته یې رهنمایې کوي، د ایکسرې اخیستلو، د غاښونو درملنې وسایلو او تجهیزاتو پاکولو او سټیرلایز کولو مسؤولیت پرغاړه لري، او ناروغانو ته د غاښونو پاملرنې په اړه معلومات چمتو کوي.
د تخنیکي دندو سربیره، د غاښونو ډاکټر مرستیال د کلنیک اداري چارو مسؤولیت هم په غاړه لري: د تلیفون زنګونو ته ځواب ویل، د ملاقات وختونو تنظیم او پلان کول، د ناروغانو څخه فیس اخیستل، د اداري او طبي فایلونو اداره کول، یا حتی د تجهیزاتو او درملو ذخیره کول.
په فرانسه کې د غاښونو ډاکټر مرستیال په توګه کار کولو لپاره، تاسو باید د غاښونو درملنې ډاکټر مرستیال مسلکي ډیپلوم ولرئ چې د RNCP (د مسلکي سرټفکیټ ملي لارښود) سره راجستر شوی وي.
دا ډیپلوم عموما په یو تخصصي ښوونځي کې د 12 څخه تر 18 میاشتو زده کړو او په مسلکي چاپیریال کې د تجربې ترلاسه کولو لپاره د عملي کار یا ستاجونو څخه وروسته ترلاسه کیږي. د هغو کسانو لپاره چې دمخه ډیپلوم لري، او هغه دوې ته اجازه ورکوي چې په خپل هیواد کې د غاښونو د جراح په توګه کار وکړي، دا ممکنه ده چې دغه ډول کسان د غاښونو درملنې ډاکټر مرستیال کیدو زده کړه په ګړندۍ توګه یا کم وخت کې ترسره کړي (درېیم ګام وګورئ).
دا هم ممکنه ده چې د ترلاسه شوي تجربې تصدیق ( VAE ) ترسره کړئ یا د کار او زده کړې (alternance) پروګرام له لارې زده کړه ترسره کړئ (د 30 کلنو څخه پورته عمر کسانو لپاره د زده کړې یا مسلکي کیدو قرارداد). دا په دې مانا ده چې تاسو کولی شئ روزنه هم تعقیب کړئ او د غاښونو درملنې یو کلنیک کې کار هم وکړئ. مګر د دې لپاره تاسو باید خپل کار ګمارونکی یا کلنیک ومومئ (دویم ګام وګورئ).
څنګه یې وکړو ؟
د غاښونو درملنې ډاکټر مرستیال ډیپلوم ترلاسه کولو لپاره درې امکانات شتون لري:
- 1 اختیار: ټوله روزنه په بشپړ توګه ترسره کول (18 میاشتې)
- 2 اختیار: د ترلاسه شوي جزوي یا بشپړ تجربې ( VAE ) تایید کول د هغو خلکو لپاره چې دمخه یې پدې مسلک کې کار کړی وي.
د لوستلو لپاره: د Réfugiés.info پاڼه کې "د سرحدونو پرته د تجربې پروګرام له خپله تجربه په رسمیت پیژندل" فایل ولولئ. - 3 اختیار: په ګړندۍ توګه یا کم وخت کې د غاښونو ډاکټر مرستیال زده کړې ترسره کول، د هغو کسانو لپاره چې دمخه ډیپلوم لري، چې دوې ته اجازه ورکوي چې په خپل هیواد کې د غاښونو د جراح په توګه کار وکړي.
د غاښونو ډاکټر مرستیال ډیپلوم لپاره چمتووالی په یوه روزنیز مرکز کې چمتو کیږي چې د CPNE-FP (د کار او مسلکي روزنې ملي ګډ کمیسیون) لخوا مجوز ورکړ شوی وي د غاښونو درملنې خصوصي کلنیکونه.
د مرکزونو لیست موندلو لپاره دلته کلیک وکړئ.
د انتخاب پروسې لپاره د نوم لیکنې او راجستر لپاره، تاسې باید د وړتیا دوسیه مستقیم د خپلې خوښې روزنې انسټیټیوټ یا مرکز ته وسپارئ.
د کاندیدانو انتخاب په دوو پړاوونو کې ترسره کیږي:
1- د وړتیا دوسیې له لارې
۲- د شمولیت مرکه
روزنه د 12 او 18 میاشتو ترمنځ (1878 ساعتونه) دوام کوي:
- 343 ساعته نظري روزنه
- 1,535 ساعته عملي روزنه
عملي روزنه د غاښونو په خصوصي یا ستوماتولوژیکي کلنیکونو کې ترسره کیدی شي یا په روغتیایی مرکزونو، څو اړخیزو روغتیایی مرکزونو، روغتیایی مرکزونو، روغتیایی تاسیساتو یا د پاملرنې مرکزونو کې چې د اوډونټولوژی یا ستوماتولوژی یا د غاښونو درملني یا د چهرې - غاړې جراحي خدمات وړاندې کوي.
د کار او زده کړې روزنه تعقیب کړئ
کار او زده کړه (الترنناس) پدې معنی ده چې د شخصي غاښونو یا ستوماتولوژیکي کلنیک یا روغتیایی مرکز کې کار کول او داسې نور، کوم چې به ستاسې زده کړې تمویل کوي. ددې په بدل کې تاسې باید د روزنې وخت څخه بهر د اړونده کار ګمارونکي یا تمویل کونکي سره د کار کولو ژمنه وکړئ. تاسې ته به پیسې یا معاش درکول کیږي.
که تاسې دمخه یو ډیپلوم یا سرلیک لرئ چې د غاښونو د جراحۍ مسلک کې د کار کولو اجازه درکوي، کوم چې د اروپایی اتحادیې د غړيو هیوادنو څخه بهر ترلاسه شوی وي، تاسو ممکن د CPNE-FP لخوا د روزنې د یوې برخې څخه معاف یا اثتثنی شئ.
د دې کولو لپاره، تاسو باید د CPNE-FP لخوا تصویب شوي یا مجوز روزنیز ښوونځي کې نوم لیکنه وکړئ (د دې مرکزونو لیست په دې لینک کې شتون لري).
نوم لیکنه د دوسیې له لارې ترسره کیږي. دوسیه باید لاندې اسناد ولري:
- د هویت سند یوه کاپي.
- ستاسو د ډیپلوم یا سرلیک یوه کاپي په فرانسوي ژبه کې ژباړل شوي،
- ستاسې سي وي CV،
- ستاسې انګیزه لیک چې د CPNE-FP ادارې ته لیکل شوی وي (په دې لیک کې تاسې د خپل ډیپلوم مطابق د روزنې د ځینو تدریسي واحدونو څخه د معافیت اثتثنی غوښتنه کوئ)،
- د ټولو اړونده اسنادو په فرانسوي ژبه کې د یو رسمي ژباړونکي لخوا، چې د فرانسوي محکمو لخوا د مسلکي او رسمي ژباړونکي په توګه پیژندل شوی وی، وژباړل شي.
د لوستلو لپاره: د Réfugiés.info پاڼه کې "د یو سند د رسمي ژباړې غوښتنه کول" فایل هم ولولئ.
مهرباني وکړئ په یاد ولرئ، دا اسناد باید په PDF یا Word بڼه کې وي (بله هیڅ بڼه به ونه منل شي).
تاسو کولی شئ دا اسناد د بریښنالیک له لارې واستوئ: certification-cpnefp@apcdl.fr
که ستاسې د غوښتنې دوسیه د CPNE-FP لخوا ومنل شي او تایید شي، تاسې به د 6 واحدونو څخه معاف شئ. دا پدې مانا ده چې د 8 تدریسي واحدونو یا موضوعاتو ترسره کولو پرځای، تاسو به یوازې 2 ترسره کړئ:
- 3 واحد: د ساري خطر مدیریت او د تجهیزاتو ساتنه (49 ساعته)
- 4 واحد: د ناروغ دوسیې مدیریت، لیږد او څارنه (77 ساعته)
او ورپسې څه وکړو؟
- که تاسو 25 کلن یا کم عمر لری، تاسو کولی شئ د کار موندنې محلي ماموریت څخه د مرستې لپاره غوښتنه وکړئ.
- سربیره پردې، که تاسو دمخه په فرانسه کې کار کړی وي، تاسو کولی شئ دکار موندنې مرکز Pôle Emploi څخه مرسته ترلاسه کړئ.
- سیمه ایزه اداره هم کولی شي د پیرامیډیکل مسلکونو لپاره میاشتنۍ مرستې یا بورسونه ورکړي. د ایل د فرانس لپاره، تاسو به دلته اړین معلومات ومومئ.
دا ممکنه ده چې د زده کړې بشپړولو وروسته مستقیم د غاښونو ډاکټر مرستیال په توګه کار وکړئ.
د تخصص لپاره
دا ممکنه ده چې په لاندې برخو کې تخنیکي تخصص ترلاسه کړئ:
- پیریوډنټولوژي
- امپلانولوژي
- جراحي،
- د غاښونو ارتوپیډیک
- د خولې-غاښونو حفظ الصحه...
ایا تاسو دا معلوماتي فایل ګټوروموندل ؟
د مرسته کونکو څخه مننه وکړئ چې ستاسو لپاره یې معلومات لیکلي او ژباړلي!
اړوند موضوعات
15 مرسته کونکي فعالیت کوي