مهم معلومات
د.........لخوا وړاندیز شوي
په نښه شوي خلک
شرایط
دا چېرته دی ؟
په فرانسه کې د روغتیا په برخه کې د پاملرنې مرستیال په توګه شغل زده کول
دا څه دي ؟
لکه څنګه چې د اروپایی اتحادیې څخه بهر د پاملرنې مرستیال یا د نرس همکار ډیپلومونه په فرانسه کې ندي پیژندل شوي، تاسو باید د پاملرنې مرستیال کیدو لپاره فرانسوي ډیپلوم ترلاسه کړئ.
روزنه یو کال دوام کوي او د دولتي روغتیايي مرستیال ډیپلوم ته لار هواروي. روزنه د پاملرنې د روزنې انسټیټیوټ ( IFAS ) کې ترسره کیږي. انتخاب (د پارکورسپ پرته) په دوه مرحلو کې ترسره کیږي: د دوسیې ارزونه او بیا مرکه ترسره کول.
یادونه: تاسو کولی شئ د "بې سرحده تجربو" "Expériences sans frontières" برنامې او سیسټم له لاررې د نرس مرستیال ډیپلوم ترلاسه کولو لپاره خپله مسلکي تجربه تایید او تصدیق کړئ. د دې لپاره، تاسو باید لږترلږه یو کال د روغتیا، طبی مرستي او حفظ الصحې په برخو کې کار کړی وي.
> د لوستلو لپاره: Refugees.info پاڼه کې "بې سرحده تجربو له لارې خپلې تجربي تایید او تصدیق کړئ"
په فرانسه کې د نرسنګ معاون یا روغتیا مرستیال کیدو لپاره، تاسو باید لږترلږه د فرانسوي ژبې B2 کچه ولرئ.
څنګه یې وکړو ؟
تاسو باید خپل د روزنې دوسیه او غوښتنه مستقیم د خپلې خوښې روزنې انسټیټیوټ (IFAS) ته وسپارئ. تاسو به دلته په کلیک کولو سره په فرانسه کې مختلف IFASومومئ او دلته په کلیک کولو سره هغه اسناد ومومئ چې ستاسو د دوسیې او غوښتنې د چمتو کولو لپاره او ضمیمه کولو لپاره اړین دي (په ځانګړي ډول په فرانسوي کې د B2 کچې سند په شمول).
یادونه: اسناد باید په فرانسوي کې لیکل شوي وي یا د یو رسمي او تصدیق شوي ژباړونکي لخوا ژباړل شوي وي.
> دا معلوماتي فایل هم ولولئ: د Refugees.info پاڼه "د سند د رسمي ژباړې غوښتنه"
د دوسیې او غوښتنې سپارلو لپاره وروستۍ نیټه دهر روزنې انسټیټوت IFAS پورې اړه لري او توپیر کوي. د سپتمبر په میاشت کې ښوونځي ته د بیرته راستنیدو لپاره، دا نیټه د ورته کال د جون 10 او د جون 30 ترمنځ ټاکل شوې ده.
یادونه: د نرس همکار یا مرستیال په توګه روزنې ته د ننوتلو لپاره د چمتو کیدو وړیا روزنیز مرکزونه شتون لري. پدې مرکزونو کې به تاسو زده کړئ چې څنګه خپل د روزنې دوسیه او غوښتنه وسپارئ او د دندې مرکې لپاره ځان چمتو کړئ. دلته په کلیک کولو سره نور معلومات ومومئ.
د مرکې موخه دا ده چې لاندې موضوعات وارزوي:
- ستاسو انساني او د اړیکو ځانګړتیاوې،
- د روزنې ترسره کولو او تعقیبولو لپاره ستاسو علاقه مندي او هڅونه
- او ستاسو مسلکي پروژه
یادونه: دا د 15 څخه تر 20 دقیقو پورې دوام کوي او په لیرې یا انلاین توګه هم ترسره کیدی شي. د انتخاب طرزالعملونه د ټولو روزنیزو موسسو او مرکزونو لپاره یو شان دي.
د پایلو او نتیجې په اړه به تاسو ته په لیکلي ډول خبر درکړل شي.
که تاسو مثبت ځواب ترلاسه کړئ، نو تاسو 7 کاري ورځې لرئ چې د روزنیز مرکز IFAS سره خپله نوم لیکنه تصدیق او تایید کړئ. د ورکړل شوي نیټې درناوي ډیر ضروري دی! که نه نو ستاسو ځای به بل نوماند ته ورکړل شي.
د 1,540 ساعتونو نظري او کلینیکي تدریس شتون لري چې د روزنې انسټیټیوټ او په مسلکي چاپیریال کې د ستاجونو او عملي کار په ترسره کولو سره تنظیم شوي.
یادونه: ځینې تاسیسات یا ادارې ددې امکانات تاسو ته درکوي چې دا کار د زده کړو له لارې ترسره کړي او 70 فیصده نظرې روزنه په آنلاین توګه یا له لیرې تعقیب کړی. په لیرې توګه د روزنې ترسره کول ډیر انعطاف پزیره وي او تاسو کولای شئ په خپل سرعت سره زده کړې ترسره کوی.
ستاسو د زده کړې تمویل لپاره ډیری بورسونه او مرستې شتون لري:
- بورسونه د محلي ماموریت څخه غوښتنه کیدی شي که تاسو د 25 کلونو څخه کم عمر لرئ.
- که تاسو دمخه کار کړی وي، تاسو کولی شئ د کارموندني مرکز Pôle Emploi څخه مرسته ترلاسه کړئ.
- سیمه ایزې ادارې هم کولی شي د پیرامیډیکل مسلکونو لپاره میاشتنۍ مرستې تمویل کړي.
- که تاسو په ایل دی فرانس Ile-de-France کې ژوند کوئ ، تاسو کولی شئ دلته ټولې مرستې ومومئ.
یادونه: دا هم ممکنه ده چې د عامه روغتون خدماتو سره د روزني الاؤنس یا مالي مرستي ترلاسه کولو تړون (contrat d’allocation d’étude) لاسلیک کړئ. دا تاسو ته اجازه درکوي چې په روغتون کې د 18 څخه تر 30 میاشتو پورې د خدمت کولو ژمنې په بدل کې میاشتنۍ سکالرشپ ولرئ چې تاسو ورسره تړون لاسلیک کوئ. دا قرارداد د سیمه ایزې مرستې یا بورس سره یوځای کیدی شي، دا پدې معنی ده چې تاسو دواړه مرستي په یو وخت کې ترلاسه کولای شئ.
او ورپسې څه وکړو؟
ستاسو د نرس مرستیال یا مرسته کونکي ډیپلوم ترلاسه کولو وروسته، تاسو ته ډیری امکانات شتون لري.
د پاملرنې ډیری برخه د کارمندانو په توګه کار کوي او له 70 فیصده څخه ډیر په کلینیکونو یا روغتونونو کې کار کوي. نور یې د صحي پاملرني مرکزونو، د زړو خلکو یا اردو روغتیایی خدماتو مرکزونو کې ګمارل کیږي.
یادونه: تاسو کولی شئ بیرته ښوونځي ته لاړ شئ ترڅو نرس شي او د نرسنګ په برخه کې زده کړې او ډیپلوم ترلاسه کړئ. تاسو به دلته په کلیک کولو سره ټول معلومات ومومئ.
> دا معلوماتي فایل هم ولولئ: د Réfugiés.info پاڼه "په فرانسه کې نرس کیدل"
ایا تاسو دا معلوماتي فایل ګټوروموندل ؟
د مرسته کونکو څخه مننه وکړئ چې ستاسو لپاره یې معلومات لیکلي او ژباړلي!
اړوند موضوعات

11 مرسته کونکي فعالیت کوي