دا ممکنه ده چې د بهرني کوچني لپاره د DCEM غوښتنه وکړئ که چیرې ماشوم په لاندې حالتونو یو ولري:

• بهرني مور او پلار په منظم حالت کې د لنډمهاله استوګنې اجازې سره، یا د څو کلن استوګنې اجازه (4 کاله) یا د استوګنې جواز (10 کاله).
• اروپایی مور او پلار چې د 3 میاشتو څخه ډیر وخت لپاره په فرانسه کې ژوند کوي یا اروپایی مور او پلار او لږترلږه یو د هغه مور او پلار چې له 3 میاشتو څخه ډیر په فرانسه کې ژوند کوي.
• نور حالتونه => DCEM هغه کوچني ماشوم ته ورکول کیدی شي چې په فرانسه کې اوسیږي:
• • څوک چې د کډوال یا د فرعي محافظت څخه ګټه اخیستونکي حیثیت لري؛
  • یا هغه څوک چې د 16 کلنۍ څخه دمخه د آس (l'Ase) خدمت (د ماشومانو لپاره ټولنیزې مرستې ادارې) ته سپارل شوی وي؛
  • یا څوک چې د فرانسوي اتباعو د ماشوم په توګه د اوږدې مودې ویزې سره فرانسې ته راغلی وي یا پالل شوی او اډپټ شوی ماشوم وي؛
  • یا څوک چې د 13 کلنۍ څخه دمخه د اوږدې مودې استوګنې ویزې سره فرانسې ته راغلی وي، او څوک چې معمولا په فرانسه کې اوسیږي؛
  • یا چې لږترلږه یو له والدینو څخه د فرانسي تابعیت ترلاسه کړی وي.

د DCEM لپاره د غوښتنې کولو لپاره، تاسو لاندې اسنادو ته اړتیا لرئ:

• د غوښتونکي د زیږون سند (تاسو)؛
• د غوښتونکي او ماشوم د هویت اسناد؛
• د ماشوم د ثبت سره د کورنۍ کتابچه یا د زیږون سند.
• هغه اسناد چې دا ثابتوي چې تاسو د کوچني د والدینو واک لرئ:
• • واده شوي والدین: د واده سند یا نکاح خط؛
  • طلاق شوي والدین: د طلاق فرمان؛
  • ناواده شوي والدین: د ماشوم د زیږون سند چې د 1 کال څخه دمخه د کوچني پیژندلو یادونه کوي، یا د مور او پلار د ګډ واک ګډ اعالمیه چې د قضایي محکمې رییس لخوا ورکړل شوې وي یا د والدینو په واک کې د عدالت د پریکړې کاپي ( که ماشوم د 1 کال څخه وروسته پیژندل شوی وي).
• یا که د DCEM غوښتونکی یو سرپرست وي، دوی باید اضافي اسناد چمتو او واستوي:
• د هغه کس قانون واک چې د والدینو واک لري (مکتوب، قانوني سند)؛
• • د اجنټ د هویت سند؛
  • هغه اسناد چې دا تصدیق کوي چې د حکم لاسلیک کوونکی د کوچني د والدینو یا سرپرست واک لري؛
• د کوچني ماشومانو لپاره د ښوونځي یا کودکستان (کریش) سند یا کوم بل سند چې په فرانسه کې په عادې ډول ژوند کوي؛
• د غوښتنلیک ورکوونکي په نوم د پتې ثبوت که چیرې کوچنی د هغه سره ژوند کوي، یا د کوچني په نوم که هغه د غوښتونکي سره ژوند نه کوي؛
• د ماشوم 2 برېښنايي عکسونه (د Refugees.info پاڼه "د برېښنايي عکس اخیستل او کارول" وګورئ).

نور اسناد د وضعیت په پام کې نیولو سره غوښتل کیږي، د بیلګې په توګه:

• که ماشوم مهاجر وي یا د فرعي محافظت څخه ګټه اخیستونکی وي: د OFPRA یا CNDA پریکړه.
• که کوچنی د اروپایی والیدینو ماشوم وي: ټول هغه اسناد چې د غوښتونکي په منظمه توګه استوګنه ثابتوي.
• که کوچنی د فرانسوي تبع ماشوم وي: د اعتبار وړ ملي هویت کارت یا د مور او پلار ملي پاسپورټونه.
• که د ماشوم مور او یا پلار د فرانسې تابعیت ترلاسه کړی وي: معتبر پاسپورټ، معتبر ملي هویت کارت، د فرانسوي تابعیت سند چې له 6 میاشتو څخه کمه موده ولري یا د فرانسوي مور او پلار ملي پاسپورټ.

د DCEM غوښتونکی باید لومړی په فرانسه کې د بهرنيانو (ANEF) ویب پا ڼې کې خپل شخصي حساب یا اکونټ سره وصل شي:

• د کور پاڼې په پورتنۍ ښي خوا کې په خپل نوم کلیک وکړئ، او "زما حساب ته لاسرسی" غوره کړئ.
• یا که تاسو هیڅکله حساب او اکونټ نه وې جوړ کړئ، یو حساب جوړ کړئ.

د لوستلو لپاره: Refugees.info پاڼه "په فرانسه کې د بهرنیانو په ویب پاڼه کې یو حساب جوړ کړئ" .معلوماتي فایل هم ولولئ.

یوځل چې تاسو خپل حساب ته ننوځئ، "زه د سفر سند غوښتنه کوم" برخه باندې کلیک وکړئ. بیا، "د بهرنیو کوچنیانو لپاره د گردش یا سفر سند (DCEM)" خانه نښه یا چیک کړئ او "زه دوام ورکوم" "Je continue" کلیک کړئ.

بیا هغه قضیه یا حالت غوره کړئ چې ستاسو د وضعیت سره مطابقت لري:

• که تاسو یو غیر اروپایی مور او پلار یاست او تاسو د اوسیدو اجازه لرئ، نو دغه خاني نښه یا ټیک کړئ : "مور او پلار / قانوني استازی یا سرپرست په انفرادي ظرفیت کې - او "زه یو غیر اروپایی بهرنی یم چې د استوګنې اجازه لرم"؛
• که تاسو یو بهرنی مور او پلار یاست (د EU تبع یا یوځای شوی هیواد*) او تاسو د استوګنې اجازه لرئ، نو دغه خاني نښه یا ټیک کړئ "مور او پلار / قانوني استازی یا سرپرست په انفرادي توګه - او زه د فرانسې یا EU تابعیت لرم یا الحاق شوي هیواد تبع یم - او زه د استوګنې اجازه لرم "؛
• که تاسو فرانسوی یا بهرنی مور او پلار یاست (د EU تبع یا انضمام شوی هیواد*) او تاسو د اوسیدو اجازه نلرئ، دا دغه خاني نښه یا ټیک کړئ: "مور او پلار / انفرادي قانوني استازی او سرپرست - او "زه فرانسوی یم یا د EU تابعیت یا انضمام شوي هیواد تبع یم" - او "زه د اوسیدو اجازه نه لرم"؛
• که تاسو یو قانوني استازی یا د ماشوم سرپرست یاست چې د یوې قانوني مرجع لخوا ټاکل شوي یاست (مثال: د ماشومانو ټولنیزمرستي خدمتونه)، نو دا خانه نښه یا ټیک کړئ: "قانوني استازی د قانوني مرجع لخوا ټاکل شوی".

* یوځایی یا انضمام شوي هیوادونه لکه سویس، ناروې، آیسلینډ او لیچټینسټین دي.

بیا ستاسو د وضعیت سره سم غوښتل شوي اسنادو لیست ډاونلوډ کړئ او په "زه پیل کوم" "Je commence" کلیک وکړئ.

تایید او تصدیق یې کړئ، بیا "غوښتنه وسپارئ" "Déposer la demande" باندې کلیک وکړئ.

بیا به تاسو د بریښنالیک له لارې د دوسیې د ثبت کیدو رسید تصدیق ترلاسه کړئ (ان باکس یا سپیم کې) او تاسو کولی شئ خپل د DCEM غوښتنلیک په کلیک کولو سره چیک کړئ "زه زما د غوښتنلیک سپارلو تصدیق او تاییدیدل خلاصوم".

ستاسو د DCEM د نوي کولو غوښتنه ستاسو پوستي پتې د نږدې پریفیکتور لخوا ترسره کیږي. د غوښتنلیکونو د پروسس وختونه په هر ولایت کې توپیر لري.

د دې لپاره چې معلومه کړئ چې ستاسو غوښتنلیک څنګه پرمخ ځي، په فرانسه کې د بهرنیانو په ویب پاڼه کې خپل شخصي حساب ته ننوځئ، د کور پاڼې په پورتنۍ ښي خوا کې په خپل نوم کلیک وکړئ، او "زما حساب ته لاسرسی" غوره کړئ.

یوځل چې خپل حساب ته ننوتئ، نو ستاسو د غوښتنې پرمختګ کتو لپاره په خبرتیا کلیک وکړئ.

څلور مرحلې او حالتونه شتون لري:

• د غوښتنې سپارل : ستاسو غوښتنه ترلاسه شوې.
• څیړنه یا ارزونه د پرمختګ په حال کې ده : پریفیکتور ستاسو د غوښتنې کتنه او ارزونه پیل کړې، پروسس یا څیړنه یې په جریان کې دی.
• پریکړه وشوه : ستاسو غوښتنه پروسس او ارزول شوې، پریکړه شوې ده.
• د استوګنې سند شتون لري : سند شتون لري. تاسو به د بریښنالیک له لارې یو بلنه ترلاسه کړئ، هغه باید مخکې له دې چې پریفکتور ته لاړشئ ډاونلوډ او چاپ يې کړئ.

د DCEM بیرته اخیستلو یا تسلیمولو لپاره، تاسو باید دا ثابت کړئ چې تاسو د 50 یورو مالیه یا تمبر تادیه کړې (د مالي ټکټ یا پیسو د تادیې ثبوت سره).

د مالیې یا پیسو ورکړي انلاین ټکټ یوازې په timbres.impots.gouv.fr ویب پاڼه او تمباکو پلورونکو کې پلورل کیږي.

> د لوستلو لپاره: Refugees.info پاڼه "د مالیې ټاپه یا ټکټ اخیستل " معلوماتي فایل هم ولولئ.

د ملاقات په ورځ، تاسو باید د اړوند ماشوم سره چې دې چا لپاره مو د سند غوښتنه کړي یوځای راشئ. چاپ شوي بلنه ثبوب له ځان سره راوړل مه هیروئ.

که ماشوم د 13 کلونو څخه کم وي : DCEM د 5 کلونو لپاره اعتبار لري او د اړتیا په وخت کې نوي کیدی شي. په فرانسه کې د بهرنیانو په سایټ کې آنلاین پروسه د لومړۍ غوښتنې سره ورته ده.

که ماشوم له 13 کلنۍ څخه پورته وي : DCEM د ماشوم تر 18 کلنۍ پورې اعتبار لري.

• که ماشوم د فرانسي تابعیت ولري یا د استوګنې جواز ترلاسه کړي، DCEM باید بیرته پریفکتور تسلیم کړي.
• که چیرې اسناد ورک یا غلا شي، تاسو باید د پولیسو سټیشن ته د ورکیدو یا غلا راپور ورکړئ.

که تاسو تخنیکي ستونزه لرئ (بنده یا بلاک شوی پاڼه، د خطا پیغام، او نور)، تاسو کولی شئ د اتباعو د اړیکو مرکز (CCC) سره اړیکه ونیسئ:

• د تلیفون له لارې086001620 (وړیا شمیره)
• یا د تماس فورمې له لارې (د "اړیکې" برخه کې د سکرین په ښکته کیڼ اړخ کې). تاسو باید خپله ستونزه په واضح ډول تشریح کړئ او د خطا پیغام سره سکرین شاټونه (سایټ، نیټه او وخت چې واضح وي) واستوئ که تاسو یې لرئ.