افپرا OFPRA ته د لیږل شویو اسنادو بیرته ترلاسه کول
دا څه شی دی؟
ستاسو د پناه غوښتنې په جریان کې، تاسو باید افپرا OFPRA ته د خپل اصلي هیواد څخه د خپل هویت اصلي اسناد، مدني حالت (د زیږون سند، د واده سند) او د سفر (پاسپورټ) اسناد واستوئ، که تاسو یې لرئ.
- که ستاسو د پناه غوښتنه رد شي، افپرا OFPRA به تاسو ته په اوتومات ډول ستاسو اسناد د پوستې له لارې واستوي.
- که ستاسو د پناه غوښتنه ومنل شي، تاسو د مهاجر، بې هیواد شخص یا د فرعي خوندیتوب څخه ګټه اخیستونکي حالت لرئ. بیا افپرا OFPRA ستاسو د ساتنې او محافظت مسولیت پرغاړه لري او په هغه صورت کې افپرا تاسو ته د مدني حالت اسناد درکوي.
یادونه: افپرا OFPRA ستاسو د اصلي هیواد څخه ترلاسه شوي ټول اصلي اسناد لکه د هویت، مدني حالت او سفر اسنادو اصلي د فرانسې لخوا ستاسو د ساتنې مودې لپاره ساتي.
تاسو کولی شئ په 2 حالتونو کې خپل اصلي اسنادو د بیرته ترلاسه کیدو غوښتنه وکړئ:
- که تاسو د فرانسې تابعیت ترلاسه کړئ: فرانسه ستاسو د مدني حالت اسنادو چمتوکولو مسولیت لري.
- که تاسو د فرانسې محافظت او د خپل کډوال دریځ یا قبولس اسناد پریږدئ : ستاسو اصلي هیواد ستاسو د مدني حالت سندونو مسؤل دی.
> د ریفوجي.انفو Refugees.info صفحه کې " د فرانسوي تابعیت غوښتنه کول" او " د کډوال دریځ پریښودل " اړوند مالوماتي فایلونه هم ولولئ.
دا د چا لپاره دی؟
ټوله فرانسه
ټوله فرانسه
څنګه وکړو؟
د بریښنالیک له لارې غوښتنه واستوئ
تاسو باید د خپلې غوښتنې لپاره یو رسمي لیک افپرا ته د ددې بریښنالیک (comacces@ofpra.gouv.fr) له لارې واستوئ چې پکې د افپرا OFPRA څخه د خپلو هغو اسنادو د بیرته ستندیو غوښتنه کوئ چې تاسو د پناه غوښتنې غوښتنلیک په پیل کې ورکړي.
یادونه: تاسو د خپلې افپرا OFPRA دوسې شمیرې ته اړتیا لرئ. دا د XX-XX-XXXXX ډوله 9 عددي شمیره ده چې د افپرا OFPRA لخوا تاسو ته په لیږل شوي هر لیک یا مکتوب په پورتنۍ کیڼ اړخ کې لیکل شوي.
دلته ستاسو د لیک لپاره د متن نمونه:
موضوع: د اسنادو [د اسنادو نومونه] بیرته ترلاسه کول [د افپرا د دوسې شمیره]
اغلی،آغلې،
زه غواړم چې خپل اسناد [د اسنادو نومونه] د دوسې شمیره n°XX-XX-XXXXXX [د فایل شمیره] بیرته ترلاسه کړم، ځکه چې [ستاسو د غوښتنې دلیل].
ستاسو د ځواب په انتظار.
په درنښت
Objet : récupérer [nom du document] du dossier n°XX-XX-XXXXX [numéro de dossier]
Madame, Monsieur,
Je vous sollicite afin de récupérer [le nom du document] du dossier n°XX-XX-XXXXX [numéro de dossier] car [raison de votre demande].
Dans l’attente de votre retour, je vous prie d’agréer, Madame, Monsieur, l’expression de mes salutations distinguées.
یادونه: تاسو ته سپارښتنه کیږي چې د خپل لیکل شوي او لیږل شوي بریښنالیک یو کاپي هم واخلئ، او د هغې یوه نسخه د راجستر شوي پوست له لارې هم افپرا ته واستوئ.
او وروسته؟
که اړتیا وي د تیلیفون له لارې د افپرا OFPRA ادارې سره اړیکه ونیسئ
تاسو کولی شئ د افپرا OFPRA سره په 01.58.68.10.10 شمیرې اړیکه ونیسئ، له دوشنبې څخه تر جمعې، د سهار له 9 بجو څخه تر 3 بجو پورې.
په افپرا OFPRA کې د خپلې دوسې شمیره او ټول هغه لیکونه چې تاسو ترلاسه کړي له ځان سره ولری ترڅو خپل وضعیت په ښه توګه تشریح کړئ.
یادونه: د دوسې د پرمختګ په اړه هیڅ نوع معلومات د تلیفون له لارې نه ورکول کیږي.