د نکاح خط وثیقه ترلاسه کول

ستاسو د واده یا نکاح خط سند د چمتوکولو او ستاسو د وضعیت "تثبتولو" لپاره (د میړه یا میرمن نوم، ستاسو د زیږون نیټه او ځای، د واده نیټه)، افپرا OFPRA ستاسو د اصلي هیواد اداري اسناد کاروي (که تاسو یې لرئ) او ستاسو د پناه غوښتنې مرکې په ترڅ کې ورکړل شوې مالومات.

د ځینو اسنادو د اعتبار په اړه د شک په صورت کې لکه د غلطو مالوماتو،غلطۍ یا د اسنادو نشتوالی، د افپرا OFPRA لخوا په اصلي هیواد کې د فرانسې سفارت یا قونسلګرۍ څخه د څیړنې غوښتنه کیدی شي.

یادونه: د واده یا نکاح خط سند جوړیدل وخت نیسي. اړتیا نشته چې افپرا OFPRA ته لاړ شئ یا د اسنادو د ژر ترالسه کولو لپاره تماس ونیسئ.

یوځل چې ستاسو د واده سند بیا جوړ شي، تاسو کولی شئ د افپرا OFPRA ویب پاڼه کې یې غوښتنه وکړئ.

درې مختلف اسناد شتون لري:

- یوه بشپړه کاپي : دا پدې مانا چې د واده یا نکاح خط بشپړ سند

- د کورنۍ او شخصي مالوماتو سره یوه خلاصه : د اړوند کس په اړه معلومات (تخلص، لومړی نوم، د زیږون نیټه او ځای) او د هغه د مور او پلار په اړه معلومات

- پرته له اضافي مالوماتو څخه خلاصه : یوازې د هغه کس په اړه معلومات چې د واده سند سره تړاو لري.

یاونه: لومړی تاسو په افپرا OFPRA کې د خپلې دوسې شمیرې ته اړتیا لرئ. دا د XX-XX-XXXXX ډوله 9 عددي شمیره ده چې د افپرا OFPRA لخوا تاسو ته د لیږل شوي هر لیک په پورتنۍ کیڼ اړخ کې لیکل شوي.

بیا، تاسو کولی شئ پدې لینک کې غوښتنه ترسره کړئ: https://www.ofpra.gouv.fr/demander-un-acte

• د "د واده سند یا نکاح خط" باندې کلیک وکړئ، بیا "ورپسې" باندې کلیک وکړئ.
• بیا په "زه" یا "زما په کورنۍ کې یو څوک" برخه باندې کلیک وکړئ.
• فورمې ډکې کړئ.

یاونه: د غوښتنې د ثبتیدو وروسته، تاسو به د تعقیب شمیره ترلاسه کړئ: تاسو باید دا وساتئ ترڅو د غوښتنې پرمختګ تعقیبولو او مالوماتو ترلاسه کولو لپاره یې وکاروئ.