Paramètres d'affichage

Choisissez un thème pour personnaliser l'apparence du site.

د ټولنیز یا سوسیال کور غوښتنه کول (HLM)

د.........لخوا وړاندیز شوي Comité de la Démarche Accessible ...میاشي کیږي چې نوي شوي 2 роки тому

یو سوسیال کور چې همدارنګه ورته د کمې کراې هستوګنځای (HLM) هم وای، دغه ډول کورونه د هغو کسانو لپاره مختص شوې چې ټیټ عاید او امکانات لرې او د شخصې کور په موندلو کې ورته ستونزی وي.

د سوسیال کورونو کرایه تر شخصې کورونو څخه ټیټه (ارزانه) وې.

د ټولنیز کور ترلاسه کولو لپاره د انتظار موده اوږده ده (څو کلونه). دا ستاسو په شخصي وضعیت، د استوګنې ډول او غوښتل شوي یا ټاکل شوي ښار پورې اړه لري.

مهمه یادونه: د سوسیال کور لاس ته راوړل د لویو ښارونو څخه د باندې ډیر اسانه او ژر تر سره کیږی.
ځینې دلایل ددې باعث ګرځیدای شي چې ستاسو د کورلپاره غوښتنې ته اولیت ورکړل شي. د بیلګې په توګه، که چیرته تاسو د اوسیدا ځای ونه لری، یا د کورنې او ازدواجې تشدد او تاوترخیوالي قربانيان یاست او یا هم د معلولیت حالت ولری.

سوسیال یا ټولنیز کور ته غوښتنه باید د OFPRA یا د سیندیا CNDA له ځواب وروسته ژر تر ژره ترسره شي چې تاسو ته د کډوال یا د فرعي محافظت څخه ګټه اخیستونکي یا د اپارټاید حالت څخه ګټه اخیستونکي حیثیت درکړي. دغه کار به ددې باعث شې چې ستاسو دانتظار موده را کمه کړې او کله چې د اوفپرا جواب تر لاسه کړئ نو کور به ژر په لاس درشي.

مهمه یادونه: تاسو کولی شئ په څو ښارونو او څو څانګو کې درخواست وکړئ. د ښارونو انتخاب او ټاکلو کې د مرستې لپاره، تاسو کولی شئ دې سایټ ته لاړ شئ ترڅو د شته ټولنیزو کورونو شمیر، د تیر کال تخصیص شويو کورنو شمیر، او په هر ښار کې منتظر غوښتنلیکونو شمیر وګورئ. که تاسو د پاریس، لیون، یا مارسی ښار کې غوښتنه وکړئ، تاسو کولی شئ یوه یا څو ناحیې وټاکئ، یا ټول ښار په ګوته کړئ.

څنګه یې وکړو ؟

تاسو کولی شئ ټولنیز یا سوسیال کور ته لاس رسی ومومئ، که چیرې:

  • ستاسې سرچینې او د هغو کسانو چې ستاسې سره ژوند کوي (تنخوا، تخصیص، او نور) د اعظمي یا ټاکلي مقدار څخه زیات نه وي.
یادونه: د منابعو او عایداتو دا اعظمي اندازه په کور کې د اوسیدونکو کسانو د شمیر او هغه ښار پورې اړه لري چیرې چې تاسو د ټولنیز کور لپاره غوښتنه کوئ. ټول شرایط دلته ذکر شوې دي، په دې برخه کې "د ټولنیز کور ترلاسه کولو لپاره کوم عاید یا سرچینې باید تر ټاکلي مقدار زیات نشي؟" "Quels sont les revenus à ne pas dépasser pour obtenir un logement social ?"
  • تاسو د اوسیدو یو معتبر جواز (تتخ دی سیجور) لرئ:

- د اوسیدو اجازه یا کارت دی سیجور، که تاسو یې دمخه لرئ

- یا API (د استوګنې د جواز د جوړیدو د تمدید سند)، کوم چې تاسو د اوفپرا OFPRA (یا سیندیا CNDA) پریکړې د کاپي سره د خپل استوګنې جواز لپاره د غوښتنې په وخت ترلاسه کوئ.

  • تاسو یو دایمي یا لنډمهاله ټولنیز امنیت شمیره لرئ (د 13 عددي شمیره چې د نارینه وو لپاره 1 یا 7 سره پیل کیږي، د ښځو لپاره 2 یا 8 شمیرې سره پیل کیږي).
یادونه: تاسو کولی شئ د ټولنیز کور لپاره غوښتنه وکړئ حتی که تاسو لاهم د ټولنیز امنیت دایمي شمیره نه وي ترلاسه کړي.
  • تاسو تر 18 کلنو زیات عمر لرئ
یادونه: تاسو کولی شئ د خپلو شرایطو او وضعیت سره سم خپل حقونو د معلومولو لپاره آنلاین سمولیشن ترسره کړئ. ددې لپاره تاسو باید خپل د تیر کال څخه دمخه کال ( n-2) کلني عایداتو اسناد چمتو کړئ، کوم چې تاسو د تیر کال لپاره ستاسو د مالیې خبرتیا (avis d’impôt) کې موندلی شئ. د مثال په توګه، په 2024 کې د کور غوښتنلیک لپاره، تاسې باید د 2022 لپاره خپل کلنۍ عاید ولیکئ، چې د 2023 مالیې کال خبرتیا کې لیست شوی.

د (demande-logement-social.gouv.fr) ویب پاڼه د ټولنیز کور غوښتنې لپاره ډیری څانګې یا ډیپارټمنټونه پوښي.

مهمه یادونه: مهرباني وکړئ په یاد ولرئ چې ځینې ډیپارټمنټونه یا څانګي د ټولنیز کور لپاره د غوښتنې کولو، غوښتنې تعقیبولو او نوي کولو لپاره خپل ځانګړي سایټونه یا ویبپاڼي لري.

د دې لپاره چې معلومه کړئ چې په کوم سایټ کې تاسو باید خپله غوښتنه وکړئ:

په دې لینک کلیک وکړئ، هغه ښار په ګوته کړئ چیرې چې تاسو د استوګنې په لټه کې یاست او طرزالعمل تعقیب کړئ.

یادونه: لاندې مرحلې یوازې د demande-logement-social.gouv.fr سایټ پورې اړه لري .

تاسو باید لومړی خپل حساب جوړ کړئ ترڅو د ټولنیز کور لپاره آنلاین غوښتنه وکړئ.

د خپل حساب جوړولو لپاره:

  • د (demande-logement-social.gouv.fr) سایټ ته لاړ شئ
  • په "راجستر/ وصل کیدل" "M'inscrire/Me connecter" کلیک وکړئ
  • "زه یو حساب جوړوم" "Je crée un compte" باندې کلیک وکړئ
  • یو پټنوم یا پاس ورډ غوره کړئ او خپل شخصي معلومات بشپړ کړئ
  • د بریښنالیک له لارې ترلاسه شوي لینک باندې کلیک کولو سره خپل حساب تایید کړئ.
یادونه: تاسو کولی شئ د خپل فرانس کونکیټ FranceConnect اکونټونو سره هم لاګ ان یا وصل شئ.
> د لوستلو لپاره: د Refugees.info پاڼه کې "د فرانس کنیکټ له لارې د یو ویب سایټ سره وصل کیدل" فایل هم ولولئ.

د انټرنیټ له لارې غوښتنه کول

په (demande-logement-social.gouv.fr) ویب پاڼه کې خپل حساب یا د خپلې څانګې ویب پاڼې سره وصل شئ.

بیا تاسو کولی شئ:

  • خپل آنلاین دوسیه جوړ کړئ
  • غوښتل شوي اسناد واستوئ

> د سند سکین کولو څرنګوالي موندلو لپاره: د Réfugiés.info پاڼه کې " د سند سکین کول " فایل ولولئ.

مهمه یادونه: د کور لپاره یو نا تکمیل شوی غوښتنلیک هم کیدایشي چې ولیږل شي. ددې لپاره چې ستاسو د ټولینزې استوګنې غوښتنلیک په وخت سره او سرعت سره په مخ ولاړشي، نو لازمه ده چې تاسو خپل انلاین غوښتنلیک زر تر زره تکمیل کړئ. دا پدې مانا ده چې تاسو باید بشپړه فورمه ډکه کړئ او غوښتل شوي ملاتړي اسناد واستوئ (د معاش رسیدونه، د کرایې رسیدونه او د مالیاتو خبرتیاوې، او همدارنګه ټول هغه اسناد چې ستاسو مسلکي یا شخصي وضعیت تشریح کوي).

د لومړۍ غوښتنې نیټه د نورو حقونو د خلاصولو او لاس رسي لپاره مهمه ده. د مثال په توګه، د تطبیق وړ کور (DALO) حق (د پاڼې په پای کې توضیحات وګورئ). دالو(DALO) سوسیال کورته لاس رسی اسانه کوې او د ځینو شرایطو لاندې تاسې کولای شئ چې ټولنیز کور ته د اولیت حق ترلاسه کړئ.

> دا فایل هم ولولئ: د Réfugiés.info پاڼه کې "د DAHO یا DALO غوښتنه کول".

د قاغذي فورمې بشپړولو له لارې غوښتنه کول

یادونه: که تاسو نه غواړئ آنلاین غوښتنه یا درخواست وکړئ، تاسو کولی شئ د ټولنیز هستوګنې فورمه (Cerfa 14069*05)بشپړه او پرنټ کړئ او بشپړ شوي دوسیه (فورمه + ملاتړي اسناد) سره یوځای د ثبت او راجسټریشن دفتر ته وسپارئ، لکه د ټولنیز کور HLM ادارې یا ښاروالۍ کې.

د دې لپاره چې تاسو ته نږدې دفترونه او مرکزونه ومومئ، دې پتې ته لاړ شئ او "په ښاروالۍ کې د ټولنیز کور وړاندیزونه ومومئ" باندې کلیک وکړئ. بیا، د خپل ښار پوستی کوډ ولیکئ، په لیست کې یې ومومئ، بیا "لټون" کلیک وکړئ، او د پاڼې په پای کې "د مرکزونو لیست وګورئ" "Consulter la liste des guichets" کلیک وکړئ.

د بشپړ شوي دوسیې له لیږلو وروسته به ستاسې غوښتنه د ادارې لخوا مطالعه او وڅیړله شي.

کله چې ستاسو غوښتنه تایید شي، تاسو به د ثبت یوه ځانګړي ملي شمیره (numéro unique national d'enregistrement) (18 عددي شمیره) ترلاسه کړئ.

یادونه: تاسو باید دا سند وساتئ، کوم چې ستاسو د غوښتنې ثبت کیدو ثبوت دی.

د دې شیبې څخه ورسته ستاسو دوسیه به د "ټولنیزو کورنو مالکینو" ته د لاس رسي وړ وي (دا هغه سازمانونه دي چې شخصي خلګو ته ټولنیز کورونه په کرایه ورکوي) دوی په ښارونو کې کورونه لري چې تاسو ورته تقاضا کړي وي.

بیا هر مالک د کور یا اجاره دار ستاسو سره تماس نیسي که چیرې کوم کور موجود وي او ستاسو د غوښتنې او تقاضا سره مطابق وي.

د demande-logement-social.gouv.fr ویبپاڼه کې خپل حساب (یا ستاسو د څانګې ویب پاڼې ته) سره وصل کیدل ترڅو د خپل موجوده ټولنیز کور غوښتنه وګورئ، تعقیب کړئ، تازه یا یې نوي کړئ.

د دې کولو لپاره، تاسو باید د "زه زما غوښتنه اداره کوم" "Je gère ma demande" برخه باندې کلیک وکړئ او د ثبت یا راجستریشن ځانګړې شمیره دننه کړئ.

مهمه یادونه: تاسو باید هر کال خپله غوښتنه نوي کړئ (لاندې ګام وګورئ).

د کورنود تخصیص کمیټه د کور تخصیص او ورکړې په اړه پریکړه کوي.

که کمیټه تاسو ته د یو کور د ورکړي پریکړه وکړي، تاسو کولی شئ:

  • یا خو د هستوګنې او کور وړاندیز ومنئ او یو تړون ورسره لاسلیک کړئ
  • یا خو د هستوګنې وړاندیز رد کړئ. پدې حالت کې، تاسې باید د کور د ردولو په اړه خپل دلایل وړاندې کړئ.
مهمه یادونه : په لوی ښارونو کې د هستوګنې نشتون له امله، ښه خبره او زمونږ مشوره داده لکه د صحي شرایطو نه شتون، او تنها او معزول کیدل، او داسی نور.... ددې تاوان دادی چې تاسو ته به د بل کور وړاندیز تر ډیره وخته پورې ونشئ او تاسو به ډیر وخت بې کوره او منتظر پاته شئ.
په لویو ښارونو کې د کورونو د نشتوالي له امله، دا په کلکه سپارښتنه کیږي چې بې له کوم جدې عذر او دلیل څخه د کور وړاندیز مه رد وئ (د معلولیت لرونکو لپاره نامناسب کور، په خرابو شرایطو کې کور چې د اوسیدو وړ نه وي او داسي نور). خطر به دا وي چې د اوږدې مودې لپاره د استوګنې نور وړاندیزونه تاسې ته نه کیږي.
د مثال په توګه، د پاریس ښار لپاره، که تاسو د کور وړاندیز رد کړئ یا ځواب ورنکړئ، ستاسو دوسیه ممکن د 12 میاشتو لپاره اولیت له لاسه ورکړي.

او ورپسې څه وکړو؟

د دې په خاطر چې ستاسو د کور لپاره غوښتنه فعاله یا اکټف پاتې شي، نو دا باید هر کال نوي شي.

تاسو باید خپله غوښتنه یوه میاشت مخکې له هغې نیټی څخه چې تیر ځل مو آنلاین ثبت کړې نوې کړئ. (دا په دې معنی ده چې له غوښتنې 11 میاشتي ورسته).

نو پدې خاطر چې د دوسیې نوي کول هیر نه کړئ، تاسو به هر کال یو بریښنالیک یا لیک ترلاسه کړئ ترڅو تاسو ته ستاسو د غوښتنې نوي کولو وروستۍ نیټې په اړه خبر درکړي.

خبرداری! که چيرته تاسو خپله غوښتنه نوې نه کړئ، نو ستاسې غوښتنه به لغوه او ختمه شي. تاسو به هغه وخت چې تاسو مخکې انتظار کړی هم له لاسه ورکړئ، تاسې باید ټوله پروسه له سره پیل کړئ او یوه نوي غوښتنه ثبت کړئ.

کله چې ستاسو په وضعیت او شرایطو کې بدلون راځي، نو خپله دوسیه تازه کول مه هیروئ :

  • د ادرس بدلون
  • کور کې د یو نوي کس میشته کیدل،
  • د ماشوم زیږون،
  • کار ته بیرته راستنیدل یا خپله دنده له لاسه ورکول
  • ستاسو په عاید کې زیاتوالی یا کمښت،
  • روغتیايي ستونزه، او داسې نور

که تاسو د فورمې په ډکولو کې ستونزه لرئ، تاسو کولی شئ 0806000113 ته زنګ ووهئ (د کورنې یا ثابت ټلیفون له لارې د محلي تلیفون قیمت) د دوشنبې څخه تر جمعې د سهار له 9 بجو څخه د ماښام تر 7 بجو پورې.

یادونه: مهرباني وکړئ په یاد ولرئ چې دا شمیره نشي کولی تاسو ته د ټولنیز کور جوړولو لپاره د غوښتنلیک په اړه معلومات درکړي.

تاسو کولی شئ د خپل ټولنیز کارمند څخه هم د مرستې غوښتنه وکړئ.
> ولولئ: د Réfugiés.info پاڼه کې "د یو ټولنیز کارمند سره د ملاقات وخت اخیستل" .

مرسته کونکي ویډیوګاني او ځینې اصلي پوښتنې چې د ټولنیز کور لپاره د نورو غوښتونکو لخوا پوښتل شوي دلته د عمومي ځوابونو سره موندلای شئ.

د هرې څانګې لپاره، دا ممکنه ده چې د ټولنیز کور وړاندیز لپاره د غیر معمولي اوږد انتظار وخت ومومئ.

که تاسو د یادي مودې څخه وروسته ستاسو د اړتیاو سره سم د کور وړاندیز نه وي ترلاسه کړی (ستاسو د څانګې پورې اړه لري)، تاسو د مخالف یا اولیت کور د حق (DALO) کارولو امکان لرئ.

> د Réfugiés.info پاڼه کې "د DAHO یا DALO غوښتنه وکړئ" معلوماتي فایل ولولئ.

که ستاسو ټولنیز کور نور ستاسو لپاره مناسب نه وي (د یو ماشوم د زیږون وروسته ډیر ځای ته اړتیا، د روغتیا ستونزې پیل کیدل، ستاسو د کار ځای ته نږدې کیدو لیوالتیا، او نور)، تاسو کولی شئ د استوګنې بدلولو غوښتنه وکړئ.

مهمه یادونه: د نوي ټولنیز کور ترلاسه کولو لپاره، تاسو باید:
- خپل اوسنی استوګنځی په سمه توګه بیمه کړی او ساتلی وي،
- نه تادیه شوي کرایه یا لګښتونه ونلری،
- د کور بدلولو غوښتنه توجیه کړئ.

د ټولنیز کور د بدلون غوښتنه کول د نوي کور غوښتنې کولو ته اړتیا لري، آنلاین پدې ویباڼه demande-logement-social.gouv.fr یا د کاغذي فورمې په واسطه (درېیم ګام وګورئ).

ستاسو د غوښتنې کولو پرمهال په یاد ولرئ چې مشخص کړئ چې تاسو دمخه د ټولنیز کور HLM کرایه کونکی یاست او د خپل کور مالک یا ادراې نوم په ګوته کړئ.

یادونه: که تاسو په فرانسه کې ژوند کوئ او غواړئ د استوګنې ځای بدل کړئ، تاسو کولی شئ د Échanger Habiter پلیټ فارم څخه کار واخلئ. د ټولنیزو کورونو د تبادلې دا پلیټفارم تاسو ته اجازه درکوي چې د کرایه کونکو اعلانونه وګورئ له چا سره چې د کور تبادله کول ممکن ترسره کړئ.

20 مرسته کونکي فعالیت کوي

  • a mugnierاډمین
  • olga b.د صفحي پورته برخه
  • alinalد صفحي پورته برخه
  • aman expertد صفحي پورته برخه
  • utilisateur_20876292ایډیټر او کره کتونکی
  • diplosamد صفحي پورته برخه
  • emyanamد صفحي پورته برخه
  • alhindi nourد صفحي پورته برخه
  • rohullah expertد صفحي پورته برخه
  • utilisateur_93887086ایډیټر او کره کتونکی
  • utilisateur_61623907ایډیټر او کره کتونکی
  • nalothmanد صفحي پورته برخه
  • noorد صفحي پورته برخه
  • utilisateur_39243168ایډیټر او کره کتونکی
  • utilisateur_2134382ایډیټر او کره کتونکی
  • niknameد صفحي پورته برخه
  • kim.delaunayد صفحي پورته برخه
  • marianneukraineد صفحي پورته برخه
  • anastasiaد صفحي پورته برخه
  • utilisateur_92556286ایډیټر او کره کتونکی

Liens utiles