ملي برنامه او پلیټفارم له تاسو سره مرسته کوي چې تجهیز شویو، ارزانه، او لویو هستوګنځایونو ته لاسرسی پیدا کړئ، بدون له هغو سیمو څخه چې استوګنځای ته لاس رسۍ پکې سخت دی (د مثال په توګه پاریس).

یو سیمه ایز سازمان به له تاسو سره د یو کال لپاره ټولنیز ملاتړ ترسره کوي، ترڅو ستاسو په نوې سیمه کې ستاسو ادغام او شمولیت اسانه کړي:

• د استوګنځای تر لاسه کول
• د حقونو پرانیستل یا سپارل
• په ښوونځي کې د ماشومانو نوم لیکنه
• د کار موندنې او روزنې په برخه کې مرسته...

ددې برنامي له لارې یو استوګنځای ته لاس رسۍ او مرسته کیدل یوه داوطلبانه پروسه ده. د نقل مکان یا بل ځای استوګنځای غوره کولو پروژه او پروسه له تاسو سره یوځای ترسره کیږي او ستاسو شخصي او مسلکي پروژو سره سمون لري.

• د ټولنیز مسؤول او د ملاتړ کونکي سازمان سره نوي استوګنځای ته تګ او رسیدل تنظیم کړئ
• د اوفي (OFII) لخوا ستاسو د ریل ګاډي یا ټرین ټکټونو تمویل.

د مهاجرینو لپاره د استوګنې ملي پلیټ فارم ته ستاسو غوښتنلیک یا دوسیه باید ستاسو د ټولنیز کارکونکي لخوا واستول شي. هغه باید ستاسو د پروژې او ستاسو د کورنۍ جوړښت په اړه یوه فورمه ډکه کړي.

پلیټ فارم د بېلا بېلو سیمو څخه د استوګنځایونو وړاندیزونو ته اړیتا لري: له پليټفارم سره د شته کورنو کوم لست شتون نه لري او نه هم د راتلونکو خالي او لاس رسي وړ کورونو په اړه کوم معلومات لري.

که ستاسو د پروفایل سره مطابقت لرونکی استوګنځی پیداشي، وړاندیز به ستاسو ټولنیز کارکونکي ته واستول شي: د استوګنې ډول، د کور ساحه، د کرایې اندازه، او همدارنګه د کور موقعیت (ترانسپورت، عامه خدمتونه، هټۍ، او نور).

که تاسو موافق یاست، ستاسو ټولنیز کارمند به د سیمه ایز آپریټر یا سازمان سره اړیکه ونیسي ترڅو سیمې ته ستاسو راتګ چمتو کړي. تاسو به یو لیکلی تړون لاسلیک کړئ.

بیا به ستاسو تګ تنظیم شي، او همدارنګه ستاسو د حقونو لیږد.

• بریښنالیک: plateformDIHAL@giphabitat.net
• ټیلیفون: 0141587682

د دې برنامي په اړه د نورو معلوماتو لپاره خپل ټولنیز همکار او مسؤول سره اړیکه ونیسئ.