Paramètres d'affichage

Choisissez un thème pour personnaliser l'apparence du site.

د مدني حالت معلوماتو کې د اصلاح غوښتنه کول

د.........لخوا وړاندیز شوي Ofpra ...میاشي کیږي چې نوي شوي il y a 14 jours

د مدني حالت معلوماتو (État civil) کې د تېروتنې د سمولو غوښتنه کول

مدني حالت (État civil) د یو شخص د هویت او کورني وضعیت اړوند ټول معلومات دي، لکه:

  • نوم او تخلص
  • د زیږون نېټه
  • د زیږون ځای
  • د مور او پلار نومونه او د زیږون نېټې
  • د مېړه یا مېرمنې نوم او د زیږون نېټه
  • د واده نېټه
  • د ماشومانو نومونه او د زیږون نېټې

افپرا د کډوالو، بې‌تابعیته کسانو او د فرعي خوندیتوب ګټه اخیستونکو لپاره د مدني حالت ځینې اسناد صادروي، لکه:

که په دغو اسنادو کې کومه تېروتنه وي، د هغې د سمولو غوښتنه کېدای شي. دې ته د مدني حالت اصلاح (Rectification d’état civil) ویل کېږي.

عموماً باید د پاریس قضایي محکمي Tribunal judiciaire de Paris سره اړیکه ونیول شي، او یوازې په ځینو محدودو مواردو کې له OFPRA سره.

مهم معلومات: که تېروتنه د استوګنې کارت (Carte de séjour) کې وي او د زیږون له سند سره توپیر ولري، نو پریفکتور (Préfecture) باید کارت سم کړي؛ د OFPRA سره اړیکه نیول اړتیا نه لري. که تېروتنه د هغه ماشوم د زیږون په سند کې وي چې په فرانسه کې زیږېدلی وي، نو د زیږون د ښار ښاروالۍ (Mairie) باید سند اصلاح کړي؛ د OFPRA سره اړیکه نیول اړتیا نه لري. د کورنۍ د یوځای کېدو (demande de réunification familiale) غوښتنه ممکنه ده، حتی که ستاسو واده د OFPRA له خوا ثبت شوی نه وي او تاسو د واده سند یا د کورنۍ کتابچه ونه لرئ. دا موضوع ستاسو غوښتنه نه بندوي.
یادونه: د مدني حالت د اصلاح د غوښتنې د ارزونې او پروسس موده معمولاً څو میاشتې وخت نیسي. له همدې امله غوره ده چې غوښتنه ژر تر ژره وسپارل شي.

څنګه یې وکړو ؟

مهم معلومات: مخکې له دې څخه چې د اصلاح غوښتنه وکړئ، دا اړینه ده چې د افپرا هغه لیک په دقت سره ولولئ چې ستاسو د زیږون سند (Acte de naissance) سره یوځای درلېږل شوی. په دې لیک کې هغه معلومات تشریح شوي وي چې OFPRA ستاسو د مدني حالت (État civil) د ثبت لپاره کارولي دي. که تاسو په خپل د پناه غوښتنې دوسیه کې کومه تېروتنه کړې وي یا اوس داسې سند لرئ چې مخکې مو OFPRA ته نه و سپارلی، نو باید مستقیم د Tribunal judiciaire de Paris سره اړیکه ونیسئ (۲مه لاره). په دې حالت کې OFPRA نشي کولی اصلاحات ترسره کړي.

1 اتنخاب: د ساده یا د لیکلو د تېروتنو لپاره – له OFPRA سره اړیکه ونیسئ

د ساده تېروتنو بېلګې:

  • نوم یا تخلص ناسم لیکل شوی وي؛
  • د زیږون یا واده ښار ناسم لیکل شوی وي؛
  • د جنسیت (ښځه/نارینه) تېروتنه وي؛
  • د زیږون او واده سندونو ترمنځ د معلوماتو توپیر وي؛
  • کوم مدني معلومات هېر شوي وي.

که ستاسو ستونزه له دې بېلګو څخه نه وي، باید د پاریس له قضایي محکمې سره اړیکه ونیسئ.

افپرا یوازې هغه ساده تېروتنې اصلاح کولی شي چې د پناه غوښتنې د دوسیې او د زیږون سند ترمنځ د معلوماتو د نقلولو پر مهال رامنځته شوې وي.

افپرا ته د اصلاح غوښتنې لپاره

باید لاندې اسناد واستوئ:

  • د اصلاح کېدونکي سند یوه کاپي؛
  • د هغه سند یوه کاپي چې سم معلومات پکې ثبت شوي وي.
مهم معلومات: په لیک کې د خپل اوفپرا د فایل شمیره لیکل مه هیروئ.
دا د XX-XX-XXXXX ډوله 9 عددي شمیره ده چې د اوفپرا لخوا لیږل شوي هر لیک په پورتنۍ چپ برخه کې لیکل شوې وي.

پته :

OFPRA
201 rue Carnot
94136 Fontenay-sous-Bois

سپارښتنه کېږي چې د خپل لیک یوه کاپي وساتئ او ټول اسناد په یوه لوی لفافه کې واستوئ.

2 انتخاب: د پېچلو تېروتنو لپاره – د پاریس له قضايي محکمې سره اړیکه نیول

د پېچلو تېروتنو بېلګې:

  • د خپلوانو د اړیکو (Filiation) تېروتنه، لکه د مور یا پلار نوم؛
  • د زیږون نېټې یا د واده نېټې تېروتنه؛
  • هغه واده چې OFPRA ثبت کړی نه وي؛
  • ستاسو د اسنادو او هغو سندونو ترمنځ توپیر چې وروسته مو OFPRA ته سپارلي وي؛
  • هره بله ستونزه چې پورته بېلګو کې نه وي ذکر شوې.

په دغو مواردو کې OFPRA ته مراجعه کول ګټه نه لري.

باید څه وکړئ؟

1. یو لاسلیک شوی لیک ولیکئ او پکې:

  • خپل د OFPRA د دوسیې شمېره ذکر کړئ؛
  • هغه تېروتنه تشریح کړئ چې اصلاح کول یې غواړئ.

2. لاندې اسناد ورسره ضمیمه کړئ:

  • د اصلاح کېدونکي سند کاپي؛
  • د سم معلوماتو لرونکي سند کاپي؛
  • د استوګنې کارت (Carte de séjour) کاپي.

3. غوښتنه یا په حضوري ډول وسپارئ او یا یې د پوست له لارې واستوئ.

پته :

Tribunal judiciaire de Paris
Parquet civil – section AC1
Pôle de l’état civil
Parvis Robert Badinter
75859 PARIS CEDEX 17

سپارښتنه کېږي چې د لیک او اسنادو کاپي له ځان سره وساتئ او ټول اسناد په یوه لوی لفافه کې واستوئ یا وسپارئ.

په دې پاڼه کې نور معلومات ومومئ : Service-public.fr.

او ورپسې څه وکړو؟

  • که پرېکړه مثبته وي

که OFPRA ستاسو غوښتنه ومني، نو ستاسو سند به اصلاح کړي او په هغه کې به یوه اصلاحي یادونه (Mention rectificative) اضافه کړي. دا یوه لنډه جمله وي چې د ترسره شوي بدلون یا اصلاح وضاحت کوي. افپرا به ورسته تاسو ته د اصلاح شوي زیږون سند (Acte de naissance) یوه کاپي او د سند یو لنډ خلاصه ستاسو د پوست له لارې ستاسو ثبت شوې پتې ته واستوي.

  • که پرېکړه منفي وي ځکه OFPRA د سند د اصلاح صلاحیت نه لري

که OFPRA ونه شي کولی ستاسو سند اصلاح کړي، نو تاسو ته به یو رسمي لیک واستوي او د منفي پرېکړې دلیل به پکې تشریح کړي.

په ځینو مواردو کې، د ستونزې د ډول له مخې، تاسو کولی شئ د Tribunal judiciaire de Paris سره اړیکه ونیسئ او د مدني حالت د اصلاح غوښتنه هلته وړاندې کړئ (2 انتخاب وګورئ).

  • پریکړه مثبته ده.

د پاریس قضايي محکمه له اوفپرا څخه غواړي چې ستاسو د مدني حالت اسناد د "اصلاحي ذکر" (د بدلون تشریح کولو لپاره یوه لنډه جمله) سره تعدیل کړي.

اوفپرا به بیا اسناد په مستقیم ډول ستاسو د پوستي پتې ته د پوست له لارې واستوي. تاسو اړتیا نلرئ چې اوفپرا سره اړیکه ونیسئ.

  • پریکړه منفي ده.

د پاریس قضايي محکمه به تاسو ته یو لیک واستوي چې پریکړه به تشریح کړي.

15 مرسته کونکي فعالیت کوي

  • a mugnierاډمین
  • claudia mاډمین
  • ofpra protectionایډیټر او کره کتونکی
  • Utilisateurایډیټر او کره کتونکی
  • cm_ofpraایډیټر او کره کتونکی
  • gitoroد صفحي پورته برخه
  • niknameد صفحي پورته برخه
  • latifa jaafariد صفحي پورته برخه
  • diplosamد صفحي پورته برخه
  • anny333د صفحي پورته برخه
  • kim.delaunayد صفحي پورته برخه
  • dmytro🇺🇦د صفحي پورته برخه
  • pissenlit17د صفحي پورته برخه
  • marianneukraineد صفحي پورته برخه
  • rohullah expertد صفحي پورته برخه

Liens utiles