مهم معلومات
د.........لخوا وړاندیز شوي
په نښه شوي خلک
شرایط
دا چېرته دی ؟
د کوچنیو ماشومانو اړوند مسلکونو کې په اسانۍ سره دنده موندل او کار کول
دا څه دي ؟
ډیری مسلکونه دا ممکنه کوي چې تر 7 کلنۍ پورې د ماشومانو ملاتړ وکړي، پرته له دې چې ډیپلوم ولري یا د BAC سره.
- د کوچنیو ماشومانو مرستیال په جوړښتونو یا د ماشومانو اړوند ادارو کې کار کوي چې د 3 میاشتو څخه تر 3 کلونو پورې ماشومانو هرکلۍ او ملاتړ کوي. هغه د ماشومانو په هرکلي او ملاتړ کې برخه اخلي: د حفظ الصحې پاملرنه، د زده کړې لومړني فعالیتونه، د خوړو مرسته، او داسې نور. د نوموړي کس رول د ذخیرې یا سټوک مدیریت او همدارنګه د دروازو پرانیستلو او تړلو ډاډمن کول دي.
- د ماشوم پالنه کوونکی د 1 څخه تر 4 پورې ماشومانو ساتنه کوي (عموما د 3 کلونو څخه کم عمر)، په کور او/یا د کورنۍ په نرسریو یا وړکتونونو یا د ماشوم پالنې په کور کې. هغه د دوی سره په بیلابیلو فعالیتونو یا سفرونو کې ملګری وي. هدف دا دی چې دوی له نورو ماشومانو او لویانو سره بلد او اشنا شي.
- د ماشومتوب ابتدايي تسهیل کوونکی د ټولګیو څخه مخکې او/یا وروسته او په وړیا وخت کې (چهارشنبه، رخصتۍ) د ماشومانو پاملرنه کوي. هغه دوی ته ښه راغلاست وايي، لوبې او بهر تګ فعالیتونه تنظیموي. هغه کولی شي دوی ته تخلیقي پروژې وړاندې کړي. هغه ډیری وختونه نیم وخت کار کوي.
- د معلولیت لرونکو زده کونکو ملاتړ (AESH) په ښوونځیو کې د معلولیت لرونکو زده کونکو آرامۍ او خپلواکي اسانوي. هغه د ټولګي په وخت کې د یو یا ډیرو معلولیت لرونکو زده کونکو سره مرسته کوي. دا د ماشوم سره د هغه درسونو په پوهیدو او یادولو کې مرسته کوي. هغه د نورو خلکو سره لیدو ته هم هڅوي او د ورځني اړتیاو اړینې مرستې چمتو کوي. هغه ډیری وختونه نیم وخت کار کوي.
دوی کولی شي په ورته وخت کې کار پیل کړي کله چې دوی د ترلاسه شوي تجربې تصدیق پورسه بشپړ کوي (VAE) یا د کوچنیو ماشومانو سره د کار کولو لپاره د ډیپلوم ترلاسه کولو لپاره روزنه ترلاسه کوي.
څنګه یې وکړو ؟
د 2022 کال د اګست له 31 نیټې راهیسې وړکتونونو ته اجازه ورکړل شوې چې پرته له وړتیا څخه کارمندان استخدام کړي.
په هرصورت، یو تاسیس یا اداره کولای شئ چې د دې شرایطو لاندې یوازي یو کس استخدام کړي.
له همدې امله تاسو کولی شئ مستقیم د وړکتونونو مرکزونو کې د دندې وړاندیزونو ته غوښتنه وکړئ. تاسو باید خپل مهارتونه، ستاسو تجربه، ستاسو هڅونه او ستاسو انساني ځانګړتیاوې په ګوته او پیش کړئ.
د ماشوم مرسته کونکي یا ساتونکي کیدو لپاره، تاسو باید یو جواز لیک ترلاسه کړئ .
لاندې شرایط باید پوره کړئ:
- د ماشومانو د ځایولو لپاره مناسب، پاک او خوندي استوګنځی لرل
- د ماشوم پالنې د مسلک په اړه پوهاوی لرل
- علاقه لرل او د یاد مسلک لپاره اړینې ځانګړتیاوې لرل: صبر، د خوندیتوب او حفظ الصحې وړتیا او امکانات، د مسؤلیت احساس، او داسې نور.
د AESH په توګه کار کولو لپاره، تاسو باید د لاندې شرایطو څخه یو پوره کړئ:
- د بکلوریا (دولسم صنف) کچه یا د مساوي کچې IV ډیپلوم ولرئ
- د شخصي مرستې په برخه کې مسلکي ډیپلوم ولرئ
- د معلولیت لرونکو خلکو د ملاتړ په برخه کې لږترلږه د 9 میاشتو مسلکي تجربه وښایئ.
تاسو باید خپل غوښتنلیک (سي وي CV او انګیزه لیک) خپل اړوند ریاست ته ولیږئ.
- د پوهنې وزارت ویب پاڼې ته لاړ شئ
- "څنګه د ملاتړ کونکي کیدو لپاره غوښتنه وکړئ؟" برخې ته لاړ شئ
- بیا، په نقشه کلیک کولو سره خپله اکاډمۍ غوره کړئ.
که ستاسو غوښتنلیک ومنل شي، تاسو به د هغه هیواد لخوا وګمارل شي چې د اکاډمۍ رییس یا د محلي عامه تعلیمي تاسیساتو (EPEL) لخوا استازیتوب کیږي.
لومړی قرارداد د یوې ټاکلې مودې لپاره د 3 کلونو (CDD) مودې لپاره ترسره کیږي. د 3 کلونو د خدمت کولو وروسته، ستاسو قرارداد د دایمي قرارداد په توګه تمدید کیدی شي (CDI)، که چیرې د قراردادونو ترمنځ د 4 میاشتو څخه زیاتې مودې وقفه شتون ونلري.
د 3 څخه تر 17 کلنو کوچنيانو د تسهیل کوونکي او نظارت کوونکي دندی لپاره تاسو باید BAFA (د تسهیل کونکي د دندو لپاره د وړتیا سند) ولرئ.
بافا د 8 ورځو عمومي روزنیزه دوره ترسره کوي (په عمده توګه په تیوري تمرکز کوي) وروسته د عملي کار یا ستاج جدي ناستي (6 ورځې) یا د وړتیا ناستې (8 ورځې).
او ورپسې څه وکړو؟
که تاسو لږترلږه یو کال (1,607 ساعته) د کوچنیو ماشومانو په برخه کې کار کړی وي، تاسو کولی شئ د ترلاسه شوي تجربې (VAE) اعتبار ترلاسه کولو لپاره ګامونه پورته کړئ. دا ممکنه ده چې دا په ورته وخت کې ترسره کړئ کله چې تاسو کار کوئ.
د VAE له لارې تاسو ددې فرصت او امکان لرئ چې نوې روزنې ترسره کړئ، خپل مسلک ته وده ورکړئ او ستاسو د دندې لټون اسانه کړئ.
تاسو کولی شئ پدې توګه ستاسو په اصلي هیواد کې ترلاسه شوي مسلکي تجربې په فرانسه کې په یو رسمیت پیژندل شوي ډیپلوم بدله کړئ. دا یوه پروسه ده چې کولی شي څو میاشتې وخت ونیسي، ځینې وختونه یو کال یا ډیر ستاسو د شتون او د مخ شویو ستونزو پورې اړه لري.
د VAE وروسته، تاسو کولی شئ د خپلې تجربې پراساس، د کوچنیو ماشومانو سره د کار کولو په برخه کې د لاندې ډیپلومونو څخه یو ترلاسه کړئ:
- د کوچنیو ماشومانو د ابتدايي تعلیمي ملاتړ (AEPE) لپاره د مسلکي وړتیا سند (CAP) ، دا یو ډیپلوم چې د BAC پرته په 2 کلونو کې چمتو کیدی شي
- د کوچنیو ماشومانو ښوونکي دولتي ډیپلوم (DEEJE) . دا په یو ځانګړي روزنیز مرکز کې د بکلوریا څخه وروسته په 3 کلونو کې چمتو کیږي.
- په تعلیمي او ټولنیز ملاتړ کې د دولت ډیپلوم (DEAES). دا ډیپلوم په یوه ځانګړي ښوونځي کې د بکالوریا وروسته په 3 کلونو کې چمتو کیږي.
ایا تاسو دا معلوماتي فایل ګټوروموندل ؟
د مرسته کونکو څخه مننه وکړئ چې ستاسو لپاره یې معلومات لیکلي او ژباړلي!
اړوند موضوعات
14 مرسته کونکي فعالیت کوي