مهم معلومات
د.........لخوا وړاندیز شوي
په نښه شوي خلک
شرایط
دا چېرته دی ؟
د پاسریل پوهنتون ډیپلوم روزنه ترسره کول (DU Passerelle)
دا څه دي ؟
د پاسریل (DU Passerelle) روزنه په جلاوطنۍ کې خلکو (کډوال، د فرعي او لنډمهاله محافظت څخه ګټه اخیستونکي، اپارټایډ او پناه غوښتونکي) ته ددې امکانات برابروي چې د لوړو زده کړو یا د فرانسې په پوهنتون کې د زده کړې لپاره د فرانسوي ژبې اړینه کچه ترلاسه کړي.
په عمومي توګه، هره روزنه لاندې موارد وړاندیز کوي:
- فرانسوي کورسونه،
- ستاسو د مسلکي او اکاډمیک پروژې په جوړولو کې مرسته کول (د روزنې وروسته کومه زده کړه یا کاري پوستونه یا فرصتونه ممکن دي، څنګه خپله نوم لیکنه وکړئ یا غوښتنلیک ولیږئ، او داسې نور)
- په پوهنتون کې د اداري پروسیجرونو په ترسره کولو کې ملاتړ،
- کلتوري او سپورتي فعالیتونه،
- د تاسیساتو د خدماتو څخه ټولنیز، رواني او طبي ملاتړ ...
ځینې کورسونه د پوهنتون نورو کورسونو کې د ګډون امکان هم وړاندې کوي، د تاریخي یادګارونو یا شرکتونو څخه لیدنه، د زده کونکو یا پروفیسورانو سره لخوا ملاتړ، او نور.
تاسې کولی شئ د ډیری روزنو په پای کې د فرانسوي ژبې ازموینه ترسره کړئ، لکه DELF.
> د Réfugiés.info پاڼه کې "د کروس استوګنځي ترلاسه کول" فایل هم ولولئ.
د DU Passerelle روزنه د زده کونکو لپاره وړیا ده: دوی د نوم لیکنې یا راجسټریشن فیس او د زده کونکي او د کیمپس ژوند کې د ګډون (پیسو ورکول) (CVEC) څخه "مستثنی" دي (د دې معنی دا ده چې دوی هیڅ ډول مصارف یا پیسي نه ورکوي). هرڅومره ژر چې تاسو د نوم لیکنې او راجسټریشن څخه وررسته د پوهنتون څخه مثبت ځواب ترلاسه کړئ، تاسې ته به ټول طرزالعملونه تشریح شي.
تاسو کولی شئ د DU Passerelle روزنې په جریان کې د کاف CAF څخه مرستې ترلاسه کولو ته دوام ورکړئ، لکه APL (د کور لپاره مالي مرسته) یا تخصیصونه.
ستاسې وضعیت پورې اړه لري، تاسې د کار موندنې مرکز Pôle Emploi سره د راجستر پاتې کیدو او د روزنې په وخت کې د مسلکي فعالیت کولو امکان هم لرئ. په هرصورت، تاسې نشئ کولی چې ایغیسا RSA ترلاسه کړئ کله چې تاسو زده کونکی یاست (ولې د کارموندنې مرکز Pôle Emploi څخه په استثنایی ډول د مرستې غوښتنه کولی شئ).
څنګه یې وکړو ؟
د DU Passerelle ترسره کولو لپاره، تاسو باید:
- د فرانسوي ژبې مناسبه کچه لرل چې د DU پاسریل پروګرام لخوا یې غوښتنه شوې وي، چیرې چې تاسو غواړئ نوم لیکنه وکړئ.
- په فرانسه کې د پوهنتون زده کړو ترسره کولو لپاره خپله انګیزه تشریح کول.
- د ثانوي ښوونځۍ ډیپلوم لرل (د بکالوریا معادل) یا ستاسې په اصلي هیواد کې عالي لیسه (12 کاله زده کړې) بشپړ کړې وي.
د لوستلو لپاره: د Réfugiés.info پاڼه کې "د پوهنتون مطالعاتو ته د لاسرسي ډیپلوما (DAEU)" هم ولولئ.
که تاسې د خپلو ډیپلومونو ثبوت نلرئ، ځکه چې تاسې د خپل هیواد پریښودو دمخه د هغوی د اخیستلو توان او امکانات نه درلود یا دا چې د سفر په جریان کې له تاسې څخه ورک شوي، تاسو کولی شئ د مهاجرینو لپاره د اروپا د وړتیا پاسپورټ (EQPR) لپاره غوښتنه وکړئ یا داچې د خپل وضعیت په اړه اړوند پوهنتون ته توضیحات او معلومات ورکړئ.
> د Réfugiés.info پاڼه کې "د مهاجرو لپاره د اروپا د وړتیاو پاسپورټ لپاره غوښتنه وکړئ (EQPR)" فایل هم ولولئ.
تاسو ته نږدې د روزنې موندلو لپاره، تاسو کولی شئ:
- په مستقیم ډول په Réfugiés.info کې لټون وکړئ
- په ویب پاڼه کې:
- د لټون پاڼې ته لاړ شئ
- د خپل ښار نوم یا د خپلې څانګې نوم په «ډیپارټمنټ» "Department" برخه کې ولیکئ بیا په کلیدي کلمو کې «ډي یو پاسریل» "DU Passerelle" ولیکئ.
- د "لټون" بټن کلیک کړئ.
- که تاسې اپلیکیشن کاروئ :
- د کلیدي کلمې په لټون کې «ډي یو پاسریل» "DU Passerelle" کلمه ولیکئ
- یا د موضوع برخې ته لاړ شئ او «زده کړې کول» Faire des études” ولیکئ، بیا «پوهنتون ته تلل» “Aller à l’université” انتخاب کړئ.
- که تاسو په اپلیکیشن کې خپل د استوګنې ځای مشخص کړې وي، تاسې به په مستقیم ډول د DU پاسریل پروګرامونه چې ستاسې په سیمه کې شتون لري ومومئ.
- د تاسیساتو یا مرکزونو نقشه وګورئ کوم چې دا روزنه وړاندې کوي.
تاسو باید د ټاکل شوي پوهنتون ویب پاڼې ته لاړ شئ او د په زده کړه کې د شمولیت غوښتنې دوسیه ډکه کړئ.
مهرباني وکړئ په یاد ولرئ: د غوښتنلیک سپارنې موده په پوهنتون پورې اړه لري.
تاسو لاندې اسنادو ته د ډیجیټل یا د انټرنیټ نسخې سپارولو لپاره اړتیا لرئ، یا یې په سکین کولو یا د خپل تلیفون له لارې په عکس اخیستلو سره د خپلې انلاین دوسیې سره ضمیمه کړئ:
د لوستلو لپاره: د Réfugiés.info پاڼه کې "د سند سکین کول" فایل هم ولولئ.
- د هویت سند (پاسپورټ، ریسیپسي، د استوګنې کارت، او نور) اعتبار لري یا نه
- روزنه پورې اړه لري، له تاسې څخه په فرانسوي یا انګلیسي ژبه کې یو انګیزه لیک غوښتل کیږي،
- سي وي (کورکولم ویټا)
- د ثانوي یا عالي لیسې ښوونځي ډیپلوم (بکالوریا) یا که تاسې د پوهنتون ډیپلوم ترلاسه کړی وي او په فرانسوي کې ژباړه یا د ENIC-NARIC لخوا پرتله یا معادله شوی سند
> د لوستلو لپاره: د Réfugiés.info پاڼه کې "په فرانسه کې د بهرنۍ ډیپلوم په رسمیت پیژندل" فایل هم ولولئ.
نور ملاتړي اسناد هم ممکن له تاسو څخه وغوښتل شي، ولې دا په په پوهنتون پورې اړه لري، لکه د فرانسوي ژبې کچې ثبوت.
ستاسو د غوښتنلیک لیږلو وروسته، که ستاسو غوښتنلیک غوره او ومنل شي، تاسې به د مرکې او فرانسوي ژبې ازموینې لپاره وغوښتل شي. پوهنتون به د دې مرحلې وروسته په DU Passerelle پروګرام کې ستاسو شمولیت یا راجسټریشن تایید کړي.
تاسو کولی شئ د خپل نږدې اتحادیې څخه هم د مرستې غوښتنه وکړئ یا د UniR - Universités Réfugié.es یا د جلاوطن زده کونکو اتحادیې (UEE) سره اړیکه ونیسئ، که تاسو په ایل د فرانس Ile-de-France کې اوسیږئ.
او ورپسې څه وکړو؟
هر پوهنتون ممکن د روزنې معیارونو پراساس ستاسو غوښتنلیک ومني یا ونه مني.
که د دوسیې ردیدل د فرانسوي ژبې له کچې سره تړاو ولري، تاسې په راتلونکي کال کې له سره د غوښتنلیک لیږلو امکان لرئ.
د روزنې وروسته، تاسو لومړی د بریالیتوب سند ترلاسه کوئ بیا رسمي ډیپلوم: اسناد سکین کړئ او په ښه توګه یې وساتئ.
د لوستلو لپاره: د Réfugiés.info پاڼه کې "د سند سکین کول" فایل هم ولولئ.
د روزنې وروسته، تاسو کولی شئ په پوهنتون کې د لیسناس، ماسټری، BUT، BTS، او نورو زدکړو کې نوم لیکنه وکړئ. (ستاسې په تعلیمي سابقې پورې اړه لري).
تاسې به د روزنې په جریان کې ملاتړ ولرئ، ترڅو وکولی شئ هغه زده کړې یا رشته غوره کړئ چې تاسې غواړئ نوم لیکنه پکې وکړئ.
له تاسې سره به اړونده زده کړه یا رشته کې د نوم لیکنې دوسیې کې ملاتړ او مرسته وشي.
> د لوستلو لپاره: د Réfugiés.info پاڼه کې "د پوهنتون لپاره نوم لیکنه، راجستر کول" فایل هم ولولئ.
ایا تاسو دا معلوماتي فایل ګټوروموندل ؟
د مرسته کونکو څخه مننه وکړئ چې ستاسو لپاره یې معلومات لیکلي او ژباړلي!
اړوند موضوعات
14 مرسته کونکي فعالیت کوي
xavidumاډمین
a mugnierاډمین
houssam kokachاډمینniknameد صفحي پورته برخه
noorد صفحي پورته برخه
ammar bazzaziد صفحي پورته برخهutilisateur_14587093ایډیټر او کره کتونکی
marianneukraineد صفحي پورته برخهtatsianaد صفحي پورته برخهmgoد صفحي پورته برخه
kim.delaunayد صفحي پورته برخه
анастасияد صفحي پورته برخه
rohullah expertد صفحي پورته برخه
olga b.د صفحي پورته برخه