مهم معلومات
د.........لخوا وړاندیز شوي
په نښه شوي خلک
قیمت
شرایط
دا چېرته دی ؟
د موټر چلولو جواز ترسره کولو لپاره د کار موندني مرکز (Pôle Emploi) څخه مالي مرسته ترلاسه کړئ.
دا څه دي ؟
د Pôle Emploi د (B کټګورۍ) موټر چلولو جواز ترسره کولو لپاره مرسته تاسو ته اجازه درکوي چې د روزنې او د موټر چلولو جواز ازموینې لپاره پیسې ورکړئ.
د ریفوجي.انفو پاڼه کې لاندی فایل هم ولولئ: Refugees.info پاڼه " د موټر چلولو جواز د موټر چلولو ښوونځي سره ترسره کړئ"
مرسته د 18 کلنو څخه پورته کسانو ته ورکول کیږي، چې لږترلږه د 6 میاشتو لپاره د Pôle Emploi سره راجستر وي. دا غوښتنه په هغو شراېطو کې کیدای شي که چیرې د نوي دندې موندلو یا اوسني دنده کې د موټر چلولو جواز اړین وي.
یادونه: د کارموندني مرکز(Pôle Emploi) سره د راجسټریشن یا نوم لیکني موده ممکن لنډه وي که تاسو د لږ تر لږه 3 میاشتو قرارداد سره د کار کولو ژمنه لرئ چې د موټر چلولو جواز ته اړتیا لري ( د معیني مودې یا محدود وخت قرارداد (CDD)، د نامعلومې مودې یا دایمي قرارداد (CDI) او لنډمهاله قرداد.
د مرستې اندازه اعظمي حد 1,200 یورو ده.
څنګه یې وکړو ؟
دلته هغه شرایط یاد شوي چې د دې مرستې غوښتنه کولو لپاره باید پوره شي:
- د کار موندني مرکز Pôle Emploi (A, B, D کټګورۍ "روزنه" او "مسلکي امنیت قرارداد" (CSP) یا "مرسته شوي قرارداد") سره د 6 میاشتو څخه زیات راجستر یا نوم لیکنه کړې وي او د کار لپاره اماده یاست.
- د بیکارۍ ګټې ترلاسه کول یا د کار تخصیص ( ARE ) یا د مسلکي امنیت تخصیص (ASP) ترلاسه کول چې مقدار یې د هرې ورځي لپاره 29.56 یورو څخه کم یا مساوي وي یا لږترلږه ټولنیزه مرسته (ایغیسا) (RSA، ځانګړي پیوستون تخصیص (ASS)، د لنډمهاله انتظار تخصیص (ATA)...) ترلاسه کوي.
- د موټر چلولو جواز یا لایسنس نه لرئ.
- د موټر چلولو جواز ترسره کولو لپاره د پیسو ورکولو نور مالي مرستې نه ترلاسه کول (د بیلګې په توګه د یوې اتحادیې، شرکت، او داسې نور).
د موټر چلولو جواز ترسره کولو لپاره د مرستې غوښتنه باید د موټر چلولو ښوونځي کې د ثبت نام څخه دمخه ترسره شي. ستاسو د Pôle Emploi مشاور محاسبه کوي چې ایا تاسو د موټر چلولو جواز مرستې لپاره غوښتنه کولی شئ او که نه. هغه باید تایید کړي چې د موټر چلولو یا لایسنس نه درلودل ستاسو د نوې دندې موندلو یا اوسنۍ دندې ساتلو مخه نیسي.
دلته ځینې شرایط شتون لري چې ستاسو غوښتنه توجیه کوي:
- د کار ساحه په داسي سیمه کې موقعیت لرل چې هلته لږ عامه ترانسپورت تګ راتګ ولري،
- ناوخته کاري وختونه (د مثال په توګه د شپې کار کول)
- داسي دنده چې د موټر چلولو جواز لرل اجباري وي (د مثال په توګه د لوریزون یا د سامان نقلولو دنده).
که ستاسو مشاور تایید کړي چې تاسو د مرستې لپاره غوښتنه کولی شئ، نو هغه د غوښتني لپاره یوه فرمه بشپړه کړي. تاسو باید لاندې اسناد چمتو کړئ:
- د موټر چلولو ښوونځي تفصيلي د مصارفو اټکل یا نرخ،
- د موټر چلولو ښوونځي بانکي توضیحات (RIB).
یادونه: تاسو کولی شئ خپل د موټر چلولو ښوونځی وټاکئ، او د کارموندي مرکز Pôle emploi باید هغه تایید کړي. عموما، د موټر چلولو ښوونځی باید ستاسو کور ته نږدې موقعیت ولري (پرته له ځانګړو قضیو).
کله چې تاسو تایید ترلاسه کړئ، تاسو کولی شئ د موټر چلولو ښوونځي لپاره نوم لیکنه وکړئ.
مالي مرسته 1200 یورو اعظمي ده. دا په 3 قسطونو (3x400€) کې مستقیم ستاسو د موټر چلولو د زده کړي ښوونځي ته لیږل کیږي. د دې لپاره چې تادیه ترسره شي، دا اړینه ده چې ځینې ملاتړ اسناد وړاندې کړئ او د مهال ویش درناوی وکړئ.
د موټر چلولو د زده کړي ښوونځي ته د پیسو لومړۍ قسط ادا کیدل
ثبوت: د راجسټریشن یا نوم لیکني سند او د زده کړې تعقیب سند چې د موټر چلولو ښوونځي لخوا ترلاسه شوی وي.
کله: د تایید وروسته اعظمي 1 میاشت.
دوهم قسط
ثبوت: د ترافیکي قوانینو کوډ ازموینې په کامیابۍ سره ترسره کیدو سند.
کله: د تایید وروسته اعظمي 5 میاشتې.
دریم قسط
ثبوت: د موټر چلولو جواز ازموینه کې بریالیتوب یا د 30 ساعتونو د موټر چلولو درسونو سند یا په ازموینه کې د دوهم ځل ګډون سند.
یادونه: که تاسو مهالویش ته درناوی ونکړئ، د مرستې تادیه کیدای شي لغوه شي.
او ورپسې څه وکړو؟
تاسو به وکولی شئ د عملي ازموینې څخه 48 ساعته وروسته د سړک خوندیتوب ویب پاڼه کې په انلاین بڼه خپله نتیجه وکتلای شئ.
les résultats en ligne sur le site de la Sécurité routière
- که پایله "منفی" وي (د 20 نمرو څخه ښکته)، تاسو باید ازموینه بیرته ترسره کړئ او د موټر چلولو ښوونځي سره نوې نیټه وټاکئ.
- که پایله "مبثته" وي (لږترلږه 20 نمرې)، تاسو بریالي شوي یاست، مبارک! بیا تاسو کولی شئ د خپل موټر چلونکي جواز ازموینې سند (CEPC) ډاونلوډ کړئ.
یادونه: د هویت سند سره، دا سند تاسو ته اجازه درکوي د ازموینې له ورځې څخه ورسته د 4 میاشتو لپاره موټر وچلوی.
بیا خپل د موټر چلولو ښوونځي ته ورشئ ترڅو ومومئ چې څنګه خپل دایمي د موټر چلولو جواز ترلاسه کړئ!
د موټر چلولو جواز مرسته یوازې یو ځل ورکول کیدی شي. که تاسو ازموینه کې بریالي نه شی، نو تاسو باید د وهم ځل ازمویني لپاره په خپله
پیسې ورکړئ.
یادونه: د بي (B) کټګورۍ جواز د کریډیټ کارت په بڼه دی او د 15 کلونو لپاره اعتبار لري. د دې نوي کولو لپاره، تاسو باید یو ساده اداري پروسیجر ترسره کړئ، پرته له دې چې ازموینه بیرته واخلئ یا طبي معاینه ترسره کړئ.
ایا تاسو دا معلوماتي فایل ګټوروموندل ؟
د مرسته کونکو څخه مننه وکړئ چې ستاسو لپاره یې معلومات لیکلي او ژباړلي!
12 مرسته کونکي فعالیت کوي