Panneau de gestion des cookies

مهم معلومات

د.........لخوا وړاندیز شوي

په نښه شوي خلک

خلکقانوني اسناد لرونکي کډوال, د فرعي محافظت ګټه اخیستونکي کسان, د لنډمهاله خوندیتوب ګټه اخیستونکي کسان, بې وطنه کسان

قیمت

وړيا

شرایط

د استوګنې جواز یا ریسپسي لرل

دا چېرته دی ؟

په فرانسه کې یو بهرنۍ ډیپلوم په رسمیت پیژندل

...میاشي کیږي چې نوي شوي il y a un mois

دا څه دي ؟

ایا تاسو له فرانسې نه بهرکوم ډیپلوم ترلاسه کړی او تاسو غواړئ چې دا په فرانسه کې وکاروئ ترڅو خپلې زده کړې یا کار ته دوام ورکړئ؟ تاسو کولی شئ د Enic-Naric مرکز( د فرانسې دنړیوالو ښوونې) څخه ستاسو د ډیپلوما پرتله یا معادله کولو سند غوښتنه وکړئ.

مهمه یادونه: مهرباني وکړې په یاد ولرئ چې د پرتله کولو سند کوم فرانسوي دیپلوم نه دی: دا د فرانسوي ډیپلوم او په بهر کې د اخیستل شوي ډیپلوم ترمنځ پرتله کول دي. دا په بل هیواد کې د ترسره شویو زده کړو په اړه معلوماتو ترلاسه کولو کې مرسته کوې او د ډیپلوم یا مهارتونو کچه په ګوته کوي. تاسو رسمي اسنادو ته اړتیا لرئ (ډیپلوم، د زده کړو نتایج، د روزنې سند، او نور)

که تاسو زده کړې یا روزنې په یوبل هیواد کې ترسره کړې وي، ولې تاسو کوم رسمې ډیپلوم نه وې ترلاسه کړئ، په دغه ډول حالاتو کې تاسې کولی شئ د خپلو زده کړو د مودې یا روزنې دورې پیژندلو اسناد ترلاسه کړئ چې بهر کې مو ترسره کړي.

مهمه یادونه: د زده کړې یا روزنې دورې د پیژندنې سندونه په دې کې مرسته کوي چې معلومه کړي چې تاسو تر کومې کچې زده کړې کړې (حتی که تاسو وروستۍ ازموینه نه وي تایید یا تصدیق کړې). تاسو کولی شئ په فرانسه کې زده کړې ته دوام ورکړئ پرته لدې چې د پیل څخه روزنه بیا پیل کړئ.

دا سندونه رسمي دي مګر هیڅ قانوني ارزښت نلري او لازمي ندي.

هر پوهنتون او هر شرکت آزاد دی چې د دې سندونو غوښتنه وکړي، ویې مني یا رد کړي ترڅو تاسو راجستر کړي یا استخدام کړي.

مهمه یادونه: په پوهنتون پورې اړه لري، که تاسو په خپل اصلي هیواد کې د ماسټري ترکچې زده کړې ترسره کړې وي، تاسو کولی شئ په فرانسه کې د ماسټر 1 یا ماسټر 2 لپاره ومنل شئ، ولې په دوکتورا کې په مستقیم توګه نه منل کیږئ. له همدې امله دا مشوره ورکول کیږي چې څومره ژر چې امکان ولري د سند لپاره غوښتنه وکړئ ترڅو پوه شئ چې تاسو په کوم کال کې نوم لیکنه کولای شئ.

د ENIC-NARIC فرانسې مرکز د پناه غوښتونکو، کډوالو، بې وطنه اشخاصو، او د فرعي یا لنډمهاله محافظت څخه ګټه اخیستونکو ډیپلومونو د تصدیق غوښتنلیکونو ته لومړیتوب ورکوي او په وړیا توګه ترسره کوي.

د معیارونو یوه شبکه دا ممکنه کوي چې په اصلي هیواد کې د سیسټم په اړه د هر ډیپلوم یا سند ارزونه وکړي.

مهمه یادونه: که تاسو د خپلو ډیپلومونو یا نتایجو ثبوت نلرئ، ځکه چې تاسو نشئ کولی د خپل هیواد پریښودو دمخه یې ترلاسه کړئ یا دا چې هغه د سفر په جریان کې ورک شوي وي، تاسو د مهاجرینو لپاره د اروپا د وړتیا پاسپورټ (EQPR) لپاره د غوښتنلیک ورکولو امکان لرئ. > د لوستلو لپاره: Refugees.info پاڼه کې "د مهاجرینو لپاره د اروپا د وړتیاو پاسپورټ (EQPR) غوښتنه کول" هم ولولئ.

څنګه یې وکړو ؟

د ENIC-NARIC فرانسې مرکز لاندې ډیپلومونه نه ارزوي :

  • په بهر کې د فرانسوي تاسیساتو لخوا صادر شوي ډیپلومونه؛
  • ډیپلومونه چې روزنه یې له 200 ساعتونو څخه کمه وي؛
  • د ژبې د کچې لپاره ډیپلومونه یا ازموینې؛
  • د تنظیم شوي مسلکونو څخه ځینې ډیپلومونه (ډاکټر، قابله، د غاښونو ډاکټر، درمل جوړونکی، وکیل، او نور)؛
  • د یو کسب زده کولو لپاره حرفوي زده کړې، د پوهنتون ډیپلوم څخه پرته.
مهمه یادونه: یو تنظیم شوی مسلک هغه تخصص دی چې ځانګړي مهارتونو ته اړتیا لري او/یا کوم چې باید د مسلکي ادارې سره راجستر شي.

که ستاسې ډیپلوم په لیست کې نه وي، دا "وړ" دی، دا په دې معنی ده چې تاسې غوښتنه کولی شئ.

مهمه یادونه: د لا زیاتو معلوماتو لپاره، تاسو کولی شئ د ENIC-NARIC فرانسې مرکز Cybèle سیستم وکاروئ، کوم چې ستاسو پوښتنو ته په 18 ژبو آنلاین ځواب ورکوي.

د Enic-Naric سند ترلاسه کولو ته د غوښتنې لپاره، تاسو لاندې اسنادو ته په بریښنایی نسخه کې اړتیا لرئ:

  • د هویت سند (د استوګنې جواز، د پناه غوښتنې سند، او داسې نور)
  • ستاسو وروستی ډیپلوم (یا د بریالیتوب سند یا داخلې)
  • د هر تایید شوي کال لپاره ستاسو نتایج یا درجې لرل.

> د اسنادو سکین کولو څرنګوالی د موندلو لپاره، د Refugees.info پاڼه "د سند سکین کول" وګورئ.

مهمه یادونه: که ستاسو اسناد په الماني، انګلیسي، عربي، هسپانوي، فرانسوي، ایټالوي، پرتګالي ژبو وي، نو رسمي ژباړې ته اړتیا نشته. که دوی په بله ژبه وي، تاسو باید لومړی یو ژباړونکی ومومئ.
د دې لپاره چې پوه شئ چې څنګه سوګند یا رسمي جوازلرونکی ژباړونکی وګمارئ ترڅو ستاسو ډیپلوم او درجې وژباړي، تاسو کولی شئ د Refugees.info پاڼه وګورئ.
مهمه یادونه: دا شمیره وساتئ، ځکه هرځل چې تاسو د Enic-Naric مرکز سره اړیکه نیسئ نو یاده شمیره باید ورکړئ.
  • د بریښنالیک له لارې ترلاسه شوي لینک باندې کلیک وکړئ او له سایټ سره بیا وصل شئ.
  • ټول غوښتل شوي معلومات بشپړ کړئ.
مهمه یادونه: تاسو کولی شئ په هره دوسیه کې یوازې د یوې ډیپلوم غوښتنه وکړئ. که تاسو غواړئ د بل ډیپلوم غوښتنه وکړئ، تاسو باید جلا غوښتنه وسپارئ.

بیا تاسو باید هر سند اپلوډ کړئ چې په 1 مرحله کې لیست شوي.

دا هم مه هېروئ چې د خپل قانوني وضعیت اړوند یو ثبوت ولېږئ: د پناه غوښتونې سند، د افپرا OFPRA پریکړه چې تاسو ته یې د کډوال حیثیت درکړئ، د فرعي یا لنډمهاله خوندیتوب ګټه اخیستونکی، یا بې دولت (اپارټاید) شخص پریکړه.

په نهایت کې ، تاسو کولی شئ خپله غوښتنه تایید کړئ.

که ستاسو دوسیه نیمګړې او بشپړه نه وي، تاسو به د نورو اسنادو غوښتنې لپاره یو بریښنالیک ترلاسه کړئ.

تاسو کولی شئ دلته یا په لومړي بریښنالیک کې لینک باندې کلیک کولو سره د خپلې فایل پرمختګ تعقیب کړئ.

د ننوتلو لپاره تاسو د فایل شمیرې او د زیږون نیټې ته اړتیا او غوښتل کیږي.

ضرب الاجل د غوښتنو پر بنسټ توپیر لري، د فایل یا دوسې د څیړنې پورسې ترسره کیدو ورسته تاسو ته یو بریښنالیک لیږل کیږي.

او ورپسې څه وکړو؟

هرڅومره ژر چې ستاسو د دوسې ارزونه بشپړ شي، تاسو به د سایټ سره وصل کیدو لپاره د لینک سره یو بریښنالیک ترلاسه کړئ او رسمي ځواب به ومومئ: د پرتلې یا معادلې سند، د زده کړې یا روزنې دورې پیژندلو سند یا د انکار لیک.

مهمه یادونه: د سند خوندي کول او ساتل په یاد ولرئ ځکه چې دا یوازې د بریښنالیک له لارې لیږل کیږي او لینک د اعتبار موده محدوده ده.

که ځواب منفي وي، د رد کیدو په سند کې توضیحات ورکول کیږي، لکه (د زده کړې ځای نه دی پیژندل شوی، د معلوماتو نشتوالی، او نور).

د پاڼې سر
په همکاري د
France Education International
France Education International

12 مرسته کونکي فعالیت کوي

a mugniera mugnierاډمین
fatma bouhejbafatma bouhejbaاډمین
houssam kokachhoussam kokachاډمین
youyouد صفحي پورته برخه
noornoorد صفحي پورته برخه
olga b.olga b.د صفحي پورته برخه
rohullah expertrohullah expertد صفحي پورته برخه
caroline wittmanncaroline wittmannد صفحي پورته برخه
hichamhichamد صفحي پورته برخه
kim.delaunaykim.delaunayد صفحي پورته برخه
niknameniknameد صفحي پورته برخه
marianneukrainemarianneukraineد صفحي پورته برخه