د روزنې (CPF) خپل شخصي حساب وکاروئ

که غواړی چې په یو روزنیز پروګرام کې نوم لیکنه وکړئ، نو تاسو باید خپل د روزنې حساب CPF ته لاسرسي او دخپل حق (پیسو) مقدار معلومولو کړئ، ددې کار ترسره کولو لپاره، دلته لاړشئ.

تاسو کولی شئ دلته خپل حساب جوړ کړئ .

خپله د ټولنیز امنیت شمیره چمتو کړئ (13 عدده شمیره چې د نارینه وو لپاره په "1" او د ښځو لپاره په "2" سره پیل کیږي).

یوځل چې ستاسو حساب جوړشي، تاسو کولی شئ د روزنې لپاره تاسو ته تخصیص شویو مصارفو اندازه وګورئ او بیا د یو روزنېزپروګرام لټون وکړئ.

ښه پوهیدل: د مسلکي او کاري فعالیت د کال په جریان کې ترلاسه شوي روزنې حقونه (مالې مرسته) د راتلونکي کال د لومړي سمستر په جریان کې د اعتبار وړ او استفاده ځینې کولای شئ.

د روزنې د لټون لپاره دې انټرنټي پاڼې ته لاړ شئ.

تاسو کولی شئ د یوه مسلکې مشاور څخه د خپلو اړتیاو مطابق د سمې روزنې په غوره کولو کې مرسته هم وغواړئ. هغه به په وړیا توګه ستاسو ملاتړ کوي، ترڅو ستاسو د مسلکي وضعیت په بهترې او وده کې مرسته وکړي.

د مشاور موندلو لپاره، دلته لاړشئ.

ښه پوهیدل: تاسو کولی شئ د موټر چلولو جواز (لایسنس) د تمویل لپاره خپل CPF وکاروئ (جواز B). د جواز ترلاسه کول باید ستاسو په مسلکي پروژې کې له تاسو سره مرسته وکړي.

کله چې تاسو د روزنې یو پروګرام ومومئ، نو تاسو کولای شې د نوموړی روزنیز پروګرام په صفحه کې خپل ځان ثبت (راجستر) کړئ.

ښه پوهیدل: د روزنیز پروګرام لپاره د نوم لیکنې په اړه د مرستې په موخه دلته کلیک وکړئ او مرسته ترلاسه کړئ.

له نوم لیکنې ورسته به د روزنېز پروګرام د ادارې لخوا (مثبت یا منفي) ځواب ترلاسه کړئ.

ښه پوهیدل: که ستاسو د CPF اندازه (شته پيسي) د روزنې د مصارفو لپاره کافی نه وي، تاسو بیا هم کولای شئ نوم لیکنه وکړئ او د مصارفو توپیر باید خپله تادیه کړئ. همدارنګه، تاسو کولی شئ د یوه مسلکي مشاور څخه وړیا مرسته وغواړئ او یا هم له خپل کار ګمارونکي سره اړیکه ونیسئ.