د اوفپرا یا سیندیا څخه د مثبت ځواب وروسته، اوفپرا ستاسو د شخصي وضعیت تثبیت کوي، لکه د زېږون نېټه او ځای، د مور او پلار نومونه او د زېږون نېټې. د دې معلوماتو پر بنسټ افپرا ستاسو د زېږون سند جوړوي.

اوفپرا ټول هغه معلومات او اسناد کاروي چې د پناه غوښتنې له ثبتولو راهیسې ورته لېږل شوي وي، لکه:

• ستاسو د اصلي هېواد اسناد، که تاسو یې ولرئ
• هغه معلومات او څرګندونې چې تاسو د پناه غوښتنې د مرکې پر مهال وړاندې کړي وي
• د پناه غوښتنې فورمه
• او نور اړوند اسناد او معلومات.

کله چې ستاسو د زیږون سند جوړ شي، تاسو کولی شئ د ځان لپاره یا ستاسو د کورنۍ د کوم غړي (ښځه یا میړه، والدین، ماشومان) لپاره د زیږون سند یوه کاپي په مستقیم ډول د اوفپرا ویب پاڼه کې غوښتنه وکړئ.

د زیږون سند یوه کاپي وغواړئ

۱ - د سند غوښتنه پاڼې ته لاړ شئ

۲ - "د زیږون سند" او "راتلونکی" غوره کړئ

۳ - "زه" یا "زما په کورنۍ کې څوک" او "راتلونکی" غوره کړئ.

۴ - معلومات بشپړ کړئ او "ورپسې" "Suivant" کلیک وکړئ.

د مور او پلار د معلوماتو پرته (د مور او پلار په اړه د جزئیاتو نه شتون) په صورت کې د سند غوښتنې کولو لپاره تاسو باید یو لیک ولیکئ او دې پتې ته یې واستوئ:

اوفپرا
Ofpra
201 rue Carnot
94136 Fontenay-sous-Bois

له یاده مه باسئ چې د لیک لیږلو دمخه د هغې یوه کاپي واخلئ.

1 - د کډوالو یا خوندي کسانو لپاره د پروسیجرونو پاڼې ته لاړ شئ

2 - د پاڼې په پای کې، "زما غوښتنلیک آنلاین تعقیب کړئ" کې، د تعقیب شمیره دننه کړئ (د غوښتنلیک وروسته سمدلاسه د بریښنالیک له لارې ترلاسه کیږي)

3 - "تعقیب" "Suivre" کلیک وکړئ.

د غوښتنلیک له سپارلو وروسته، تاسو به د اوفپرا څخه یو بریښنالیک ترلاسه کړئ.
څو ممکنه ځوابونه ترلاسه کول :

• " ستاسو سند لیږل شوی دی ": تاسو به د خپل زیږون سند یوه کاپي د پوستې له لارې په هغه پوستي پته ترلاسه کړئ چې تاسو ورکړئ دی ( تاسو باید نږدې 10 ورځې انتظار وکړئ).
• " لومړی سند لا نه دی صادر شوی ": اوفپرا لا تر اوسه ستاسو د زیږون لومړی سند نه دی صادر کړی (د پناه غوښتنې یا بې تابعیته حالت ته د مثبت ځواب څخه نږدې 10 میاشتې وخت نیسي).
• " د اوفپرا سره اړیکه ونیسئ ": تاسو باید د خپل زیږون سند د یو لیک له لارې وغواړئ او دې پتې ته یې واستوئ:

اوفپرا
Ofpra
201 rue Carnot
94136 Fontenay-sous-Bois

په لیک کې د خپل اوفپرا د دوسیې شمیره لیکل مه هیروئ. دا د XX-XX-XXXXX په بڼه کې د 9 عددي شمیره ده چې د اوفپرا لخوا لیږل شوي هر لیک په پورتنۍ چپ کونج کې لیکل شوې ده.
له یاده مه باسئ چې د لیک لیږلو دمخه د هغې یوه کاپي واخلئ.

که ستاسو د زېږون په سند کې کومه تېروتنه یا کوم معلومات له پامه غورځول شوي او هیر شوي وي، د مدني حالت د معلوماتو د سمون او اصلاح غوښتنه امکان لري.

مخکې له دې چې د معلوماتو د اصلاح غوښتنه وکړئ، مهمه ده چې د اوفپرا هغه لیک چې ستاسو د زېږون له سند سره یوځای درلېږل شوی، په دقت سره ولولئ. په دغه لیک کې د هغو معلوماتو په اړه توضیحات ورکړل شوي چې اوفپرا ستاسو د مدني حالت د ثبت لپاره کارولي دي.

د تېروتنې د ډول له مخې، باید د پاریس د قضايي محکمې (Tribunal judiciaire de Paris) یا له اوفپرا سره اړیکه ونیول شي. د مدني حالت د معلوماتو د اصلاح د غوښتنې د څېړلو موده څو میاشتې وخت نیسي.

د Refugee.info په دې معلوماتي پاڼه کې هرڅه تشریح شوي دي: " د مدني حالت ریکارډونو کې د غلطۍ د اصلاح غوښتنه کول "