Paramètres d'affichage

Choisissez un thème pour personnaliser l'apparence du site.
مراحلاداريد کورنيو لپاره د تخصیص شویو مرستو لپاره غوښتنه وکړئ

د کورنيو لپاره د تخصیص شویو مرستو لپاره غوښتنه وکړئ

Comité de la Démarche Accessibleد.........لخوا وړاندیز شوي Comité de la Démarche Accessible ...میاشي کیږي چې نوي شوي il y a un an

د کورنۍ تادیات هغه مالي مرستې دي چې د کاف CAF (د کورنۍ د تخصیص فنډ) لخوا د دوهم ماشوم زیږون څخه تر 20 کلنۍ پورې ورکول کیږي.

د کورنۍ تخصیصونه هره میاشت د ماشومانو د ښوونځي، جامو، خواړو او تفریحی فعالیتونو د مصارفو ورکولو لپاره ورکول کیږي .

د دې مرستې اندازه د کورنۍ د سرچینو، د ماشومانو شمیر او د هغوی عمر پورې اړه لري.

مهمه یادونه: تاسو د دویم ماشوم د زیږون څخه یوه میاشت وروسته د کورنۍ د تادیاتو مستحق کیږئ. د مثال په توګه، که ستاسو دوهم ماشوم د جنوري په 15 زیږیدلی وي، د کورنۍ د تادیاتو حق به د فبروري په 1 پرانیستل شي.
مهرباني وکړئ په یاد ولرئ، د کورنۍ تادیاتو یا مالي مرستې لپاره غوښتنې کولو لپاره دا مهمه ده چې تاسو باید په فرانسه کې شتون ولرئ (مور او پلار او ماشومان).
یادونه: تاسو ددې امکانات لرئ چې د کاف CAF سره ځان ثبت او راجستر کړئ او د کورنۍ د تادیاتو غوښتنه وکړئ کله چې تاسو د پناه غوښتنه وکړئ، که ستاسو ماشومان دمخه په فرانسه کې شتون ولري. کله چې تاسو د اوفپرا OFPRA یا سیندیا CNDA څخه ستاسو د نړیوال محافظت (کډوال، فرعي محافظت، بې هیواد شخص) په اړه مثبت ځواب ترلاسه کړئ، د خپلې قبولۍ پریکړې سند د کاف CAF ادراې ته واستوئ، کاف به ستاسو د لومړۍ غوښتنې له وخت څخه ستاسو د کورنۍ تخصیص یا مالي مرسته محاسبه کوي. دې ته د "حقونو بیرته فعالیت " ویل کیږي.

څنګه یې وکړو ؟

د کاف CAF اداره په اوتومات ډول تاسو ته د کورنۍ تادیات درکوي کله چې د دوهم انحصاري ماشوم (ستاسې تر مسؤولیت لاندې ماشوم) په اړه معلومات ترلاسه کړي شي.

که تاسو دمخه د CAF سره راجستر شوي یاست او تاسو دمخه RSA ترلاسه کوئ (فعال پیوستون عاید):

تاسو باید په خپل RSA غوښتنلیک کې خپل انحصاري ماشومان (ستاسو ماشومان چې تاسو سره په فرانسه کې ژوند کوي) په ګوته کړئ.

> د لوستلو لپاره: د Réfugiés.info پاڼه کې "د RSA غوښتنه وکړئ" معلوماتي فایل ولولئ

که تاسو دمخه د CAF سره راجستر یاست، ولې تاسو RSA نه ترلاسه کوئ:

ستاسو د کورنۍ په جوړښت کې د بدلون راپور ورکړئ، ستاسو د CAF حساب کې آنلاین یا د دې فورمې په ډکولو سره د پوست له لارې .

د خپلو ماشومانو د زیږون سند یا ستاسو د کورنۍ د معلوماتو ثبت کتابچه پاڼې یا د اوفپرا OFPRA د مدني حالت سند یا نکاح خط (سکین یا فوټوکاپي) لیږل مه هیروئ.

> د " کاف سره راجستر او وصل شئ" معلوماتي فایل ولولئ

یادونه: د دې لپاره چې تاسو ته نږدې د کاف CAF ادارې پته ومومئ، تاسو کولی شئ دلته په کلیک کولو سره خپل پوستی کوډ دننه کړئ، بیا "موږ سره اړیکه ونیسئ" “Nous contacter” کلیک وکړئ.

د انټرنیټ له لارې

که تاسو لاهم "ګټه اخیستونکي" نه یاست، تاسو باید:

  • لومړی دلته کلیک کولو سره د "کورنۍ تادیې" ګټې لپاره غوښتنه وکړئ، بیا د CAF ویب پاڼه کې حساب جوړ کړئ،
یادونه: تاسو دا اختیار هم لرئ چې د خپل FranceConnect حساب سره وصل شئ.
> دا معلوماتي پاڼه ولولئ د فرانس کنیکټ سایټ سره وصل کیدل .

- معلومات بشپړ کړئ،

- ستاسو د کورنۍ او مسلکي ژوند په اړه غوښتل شوي اسناد او ستاسو د ماشومانو د زیږون سند یا ستاسو د کورنۍ د معلوماتو ثبت کتابچې پاڼې، یا د اوفپرا OFPRA مدني حالت سند یا نکاح خط واستوئ.

> د نورو معلوماتو لپاره دا معلوماتي فایلونه ولولئ: " د کاف سره ثبت کیدل او وصل کیدل " او " د یو سند سکین کول "

د پوست له لارې

که تاسو لاهم "ګټه اخیستونکي" نه یاست، تاسو باید:

  • په دې فورمه کې معلومات بشپړ کړئ (په احتیاط سره وګورئ چې کومې برخې ستاسو د وضعیت پورې اړه لري)
  • په وروستي پاڼه کې غوښتل شوي اسناد ولیږئ.
یادونه: د دې لپاره چې تاسو ته نږدې د کاف CAF ادارې پته ومومئ، تاسو کولی شئ خپل پوستی کوډ دلته دننه کړئ، بیا "موږ سره اړیکه ونیسئ" برخه کلیک وکړئ.

تادیات هره میاشت حساب ته لیږل کیږي. هغه امتیازات چې تاسو یې د فبروري میاشتې لپاره مستحق یاست، د بیلګې په توګه، نو د مارچ په پیل کې لیږل کیږي.

یادونه: هغه پیسې چې تاسو ترلاسه کوئ د "ګټې" یا "مرسته" یا "تخصیص" په نوم یادیږي. هغه څوک چې د CAF څخه مرستې ترلاسه کوي د "ګټه اخیستونکي" په نوم یادیږي.

د ګټو اندازه د کورنۍ په سرچینو پورې اړه لري. د مثال په توګه، ستاسو د 2022 سرچینې به د 2024 کال لپاره ستاسو د حقونو محاسبه کولو لپاره په پام کې ونیول شي.

مهمه یادونه: کله چې ستاسو ماشوم 14 کلنۍ ته ورسیږي، تاسو به د هغه لپاره په مالي مرسته کې میاشتنی زیاتوالی ترلاسه کړئ (د بیلګې په توګه ستاسو د تادیې اندازه به لوړه شي). که څه هم، که تاسو یوازې 2 پورې انحصاري یا ستاسې تر مسؤولیت لاندې ماشومان لرئ، تاسو به د مشر زوی لپاره په پیسو کې زیاتوالی ترلاسه نکړئ.

او ورپسې څه وکړو؟

که ستاسو شخصي وضعیت بدل شي (د مثال په توګه: یو نوی کس په کور کې استوګن کیږي، تاسو کډه کوی له خپل اوسني ځای څخه، یا تاسو جلا یا طلاق اخلی)، تاسو باید کاف CAF ته خبر ورکړئ.

که ستاسو مسلکي وضعیت بدل شي (ستاسو یا ستاسو د میرمن نوي دنده، د کار قرارداد پای، د ستاج پیل کول، او نور)، تاسو باید دا راپور هم ورکړئ.

همدارنګه د خپل نوي RIB (د بانکي حساب معلومات) لیږل مه هیروئ که تاسو خپل بانکي حساب بدل کړئ وي.

>> د دې کولو لپاره، د کاف CAF ویب پاڼه کې، "زما پروفایل" کې ، "د بدلون اعلان کول" باندې کلیک وکړئ.

ستاسې په وضعیت کې هر ډول بدلون ستاسو د مالي مرستې له سره د محاسبې لامل کیږي: که ستاسو معاش یا ستاسو کرایه تغییر وکړي، کاف CAF د اړوند حالاتو سره سم تاسو ته زیاتي یا لږې پیسې لیږي.

مهمه یادونه: کاف CAF د نورو ادارو څخه معلوماتو ته لاسرسی لري، د بیلګې په توګه مالیه. که تاسو مختلف معلومات اعلان کړئ یا تاسو غلطي کړې وي، تاسو باید CAF ته هم راپور ورکړئ. که CAF تاسو ته ستاسو د وضعیت لپاره ډیرې پیسې واستوي (د "زیات تادیه")، کاف دا اختیار لري چې له تاسو څخه د زیاتو پیسو د بیرته ورکولو غوښتنه وکړي. مګر محتاط اوسئ، که تاسو د تېروتنې راپور ور نه کړئ، دا ممکن "درغلي" وګڼل شي. تاسو ممکن مجازات شی.
یادونه: که تاسو د اوسني ډیپارټمنټ یا سیمې څخه بلې څانګې یا ډیپارټمنټ ته کډه یوسئ (د مثال په توګه، د "62 Pas-de-Calais" څخه "14 Calvados" ته)، دا ممکنه ده چې ګټې به ودریږي پداسې حال کې چې ستاسې دوسیه به نوي کاف CAF ته لیږدول کیږي.
تاسو باید د خپل استوګنې بدلول یا د کډې کولو خبر ورکړئ، حتی که د کور کرایه بدله شوې هم نه وي یا ستاسو د کور مالک ورته وي. که تاسو د کور مرسته درلوده، تاسو باید د نوي کور لپاره د مرستې ترلاسه کولو یو نوی غوښتنه وکړئ.

د مرستې ترلاسه کولو لپاره د غوښتنې وروسته، ستاسې دوسیې " د ارزونې په انتظار" ده. تاسو باید انتظار وکړئ، د بل لیک یا بریښنالیک لیږلو ته اړتیا نشته. CAF ډیری غوښتنې ترلاسه کوي او ځنډ ځینې وختونه اوږد وي.

تاسو کولی شئ د خپلې غوښتنې پروسس آنلاین یا د Caf-Mon Compte برنامه کې تعقیب کړئ. آنلاین، caf.fr > زما د حساب ساحه> زما د طرزالعمل برخې ته لاړ شئ.

یادونه: که CAF اضافي اسنادو ته اړتیا ولري (د مثال په توګه د استوګنې نوي جواز)، یو سور چوکاټ ستاسو د حساب په کور پاڼه کې ښکاري (په ویبپاڼه یا اپلیکیشن کې): تاسو یو خبرتیا ترلاسه کوئ. تاسو باید د خپلې دوسیې بشپړولو لپاره ژر تر ژره اسناد واستوئ.

تاسو کولی شئ په وړیا توګه د (CAF - Mon compte) اپلیکیشن ډاونلوډ کړئ ترڅو د خپلې دوسیې او د مرستې تادیات وڅارئ یا حتی د خپل وضعیت په اړه بدلون اعلان کړئ.

ستاسو د کورنۍ او مسلکي وضعیت پورې اړه لري، تاسو د CAF څخه د نورو ټولنیزو مرستو غوښتنه کولو امکان لرئ. هر څه د CAF په ویب پاڼه کې تشریح شوي .

مهمه یادونه: د CAF مرستې یوازې هغو کسانو ته ورکول کیږي چې په فرانسه کې شتون ولري.

ځینې مرستې ستاسو په عاید پورې اړه لري (معاش، د بیکارۍ ګټې)، نور نه.

ځینې مرستې هره میاشت ستاسو بانکي حساب ته لیږل کیږي. نورې مرستې یو اړخیزې دي: دا یوازې یو ځل لیږل کیږي.

د CAF مرستې یوځای کیدی شي (تاسو کولی شئ په ورته وخت کې د کاف بېلا بېلي مرستې ترلاسه کړئ)، ولې تاسو باید د هرې مرستې لپاره جلا جلا غوښتنه وکړئ.

یادونه: د دې لپاره چې دقیقا معلومه کړئ چې تاسو د کومې مرستې مستحق یاست ستاسو د وضعیت پورې اړه لري، تاسو کولی شئ په دې سایټ کې سمولیشن رسره کړئ او د خپل وضعیت په اړه معلومات ترلاسه کړئ چې کومو مرستو ته تاسې لاس رسی لرلای شئ.
اداري کورنۍ زما بودیجه زما د کورنۍ لپاره کړنلارېزما د کورنۍ لپاره پروسیجرونه

17 مرسته کونکي فعالیت کوي

xavidumxavidumاډمین
a mugniera mugnierاډمین
aman expertaman expertد صفحي پورته برخه
houssam kokachhoussam kokachد صفحي پورته برخه
hichamhichamد صفحي پورته برخه
yazanyazanد صفحي پورته برخه
diyaadiyaaد صفحي پورته برخه
rohullah expertrohullah expertد صفحي پورته برخه
noornoorد صفحي پورته برخه
olga b.olga b.د صفحي پورته برخه
utilisateur_61623907utilisateur_61623907ایډیټر او کره کتونکی
lanie456lanie456د صفحي پورته برخه
marianneukrainemarianneukraineد صفحي پورته برخه
anastasiaanastasiaد صفحي پورته برخه
kim.delaunaykim.delaunayد صفحي پورته برخه
niknameniknameد صفحي پورته برخه
relorefrelorefایډیټر او کره کتونکی