Paramètres d'affichage

Choisissez un thème pour personnaliser l'apparence du site.

مهم معلومات

د.........لخوا وړاندیز شوي

په نښه شوي خلک

خلکقانوني اسناد لرونکي کډوال, د فرعي محافظت ګټه اخیستونکي کسان, بې وطنه کسان

قیمت

99€ یوځل

شرایط

د استوګنې جواز یا ریسپسي لرل

دا چېرته دی ؟

د کورنۍ د بیا یوځای کیدو لپاره غوښتنه وکړئ

...میاشي کیږي چې نوي شوي il y a 10 jours

دا څه دي ؟

" د کورنۍ بیا یوځای کیدل " د نړیوال خوندیتوب څخه ګټه اخیستونکو (کډوال، د فرعي خوندیتوب څخه ګټه اخیستونکي، بې تابعیته اشخاص) ته اجازه ورکوي چې د خپلې نږدې کورنۍ غړي چې په بل هیواد کې پاتې وي کوربه هیواد ته راولي.

دا قانون په فرانسه کې د شخصي او کورنۍ ژوند حق تضمینوي.

مهمه یادونه: د کورنۍ بیا یوځای کیدو قانون یوازې په هغو کورنیو باندې تطبیق کیږي چې د کورنۍ د غړیو د شتون په اړه معلومات د پناه غوښتنې څخه مخکې ورکړل شوې وي او افپرا (OFPRA) ادراې ته هم خبر ورکړل شوی وي، لکه (په بل هیواد کې واده ترسره شوی وي یا د افپرا OFPRA یا سیندیا محکمې CNDA لخوا د مثبت ځواب ترلاسه کولو دمخه د پناه غوښتونکي کس ماشوم زیږیدلی وي).

که تاسو د پناه غوښتنې له غوښتنلیک وروسته واده کړی وي، د کورنۍ بیا یوځای کیدل ممکن نه دی، مګر تاسو کولی شئ د " کورنۍ بیا یوځای کیدو " غوښتنه وکړئ. وګورئ چې تاسو د OFII سمیلیټر کې د کورنۍ د بیا یوځای کیدو غوښتنه کولی شئ.

د کورنۍ د بیا یوځای کیدو غوښتنې پروسه اوږده او پیچلې ده. د تعقیب لپاره ځانګړي معیارونه او یو شمیر مرحلې باید ترسره شي. د اړتیا په صورت کې د خپل ټولنیز کارمند څخه د مرستې غوښتنه وکړئ.
> د Réfugiés.info پاڼه کې دا معلوماتي فایل هم ولولئ: "د ټولنیز کارمند سره د ملاقات وخت اخیستل"

یادونه: د کډوالو لپاره د ملګرو ملتونو عالي کمیشنرۍ (UNHCR) لخوا په دې ویډیو کې د کورنۍ د بیا یوځای کیدو کړنلاره تشریح شوې.

څنګه یې وکړو ؟

د کورنۍ بیا یوځای کیدو یا فرانسې ته د خپلې کورنۍ د غړیو راوستولو د غوښتنې لپاره تاسې باید لاندې شرایط ولرئ:

  • تاسې د کډوالو یا بې تابعیته (اپارټاید) وګړو حیثیت لرئ یا تاسې په فرانسه کې د فرعی خوندیتوب وضعیت لری.
  • تاسې د نړیوال محافظت او کډوال په توګه پیژندل شوي رسیپیسی او یا د استوګنې سند لرئ (د استوګنې کارت یا تتخ دی سیجور د جوړیدو ثبوب)
  • ستاسې مدنې حالت لکه واده کړی، د ګډ ژوند اجمتاعي تړون (pacsé) یا داچې تاسې د پناه غوښتنې دمخه ګډ ژوند کول.
  • تاسې د خپلې کورنۍ د غړوپه هکله اوفپرا ته د پناه غوښتنې په وخت کي معلومات ورکړي.
د استوګنې ځای، کور یا عاید لرلو شرط شتون نه لري. دا پدې معنی ده چې تاسې مکلف نه یاست چې د کورنۍ د راوستو لپاره د استوګنې ځای یا عاید او معاش ثبوت وړاندې کړئ.

که تاسې پورته شرایط پوره کړې وي، نو ستاسې د کورنۍ ځینې غړي چې په اړه یې لاندې معلومات ورکړل شوي، کولی شي د کورنۍ د بیا یوځای کیدو د پورسې له لارې ستاسې سره یو ځای شي او فرانسي ته راشي:

ستاسو خاوند، ستاسو میرمن، ستاسې د PACS د ژوند شریک ملګری چې عمر یې له 18 کالو څخه پورته وي یا هغه څوک چې تاسې ورسره فرانسې ته له راتګ څخه دمخه په بل هیواد کې ګډ ژوند کاوو. مهرباني وکړئ په یاد ولرئ، تاسې باید ثابته کړئ چې تاسې په فرانسه کې د پناه غوښتنې کولو دمخه یو باثباته او دوامداره ژوند درلود.

  • ستاسې واده نه لرونکي ماشومان چې عمرونه یې تر 19 کلونو پورته نه وي.
  • ستاسې د 18 کالو څخه کم عمر لرونکي ماشومان چې د پخوانې واده څخه دنیا ته راغلي وي، ولې د بهرنی (ستاسو د هیواد) محکمې پریکړې پر اساس د هغوی د ساتنې مسؤولیت تاسې ته سپارل شوی وي.
  • هغه ماشومان چې له 18کلو څخه يې عمر کم وي چې ستاسو د اوسني میړه یا میرمنېځ څخه، د PACS ملګری یا هغه څوک چې تاسې ورسره ګډ ژوند کاوو وي، چې د بهرني محکمې د پریکړې له مخې د هغوی د ساتنې مسؤولیت تاسې ته سپارل شوی وي. مهرباني وکړئ په یاد ولرئ، تاسی باید وکوالی شئ د قضایي پریکړې رسمي سند ضمیمه کړئ او د ماشوم د مور یا پلار څخه ترلاسه شوی اجازه لیک هم ضمیمه کړئ چې ماشوم یا زیرسین ته فرانسې ته د تګ اجازه ورکوي.
مهمه یادونه: یو ناواده شوی ځوان، کډوال یا د فرعي محافظت څخه ګټه اخیستونکی کولی شي د خپل پلار او مور لپاره د کورنۍ د بیا یوځای کیدو یا فرانسې ته د راوستلو غوښتنه وکړي، نوموړې کس ممکن خپل نا واده شوي زیریسن یا د قانوني عمر (18) کلنو څخه کم وروڼه او خویندې هم ورسره روالي. د کورنۍ یو ځای کیدو قانون په هغو وروڼو او خویندو باندې نه پلي کیږي که چیرې د هغوی مور او پلار واړ دمخه په فرانسه کې وي.

ورسته له دې چې تاسې مطمیین شئ چې تاسې کولای شئ خپله کورنۍ دعوت کړئ، تاسې باید د اوږدې مودې ویزې ترلاسه کولو لپاره دوسیه او اسناد چمتو کړئ.

بشپړشوي دوسیه باید ستاسې د کورنۍ د غړو لخوا د هغوی د استوګنې ځای ته نږدې د فرانسې سفارت یا قونسلګرۍ ته وسپارل شي (د هغوی اصلي هیواد یا د استوګنې هیواد کې). -> څلورم ګام وګورئ.

تاسو باید د خپل اصلي هیواد چارواکو سره اړیکه ونه نیسئ، نه په فرانسه کې او نه هم په اصلي هیواد کې. دا به تاسو په خطر کې واچوي. تاسې باید یوازي د فرانسوي چارواکو سره اړیکه ونیسئ.
که تاسو نه پوهیږئ چې ستاسو کورنۍ چیرته ده، تاسو باید د سره صلیب د RLF (د کورنۍ اړیکو بیا رغونه) خدمت څخه مرسته وغواړئ.
> د Réfugiés.info پاڼه ولولئ "د نړیوالې شبکې سره د خپلې کورنۍ موندل د کورنۍ اړیکې بحالول"

د کورنۍ د بیا یوځای کیدو دوسیې لپاره، ستاسو د کورنۍ هر غړی باید د اوږدې مودې ویزې لپاره غوښتنه وکړي او یو لړ اسناد چمتو کړي.

ستاسې د کورنۍ د غړي اړوند غوښتل شوي اسناد:

  • د کورنۍ هر غړی باید د اوږدې مودې ویزې غوښتنلیک فورمه ډکه کړي
  • 2 د پیژندنې عکسونه چې د اروپا فارمیټ سره مطابقت ولري (د Réfugiés.info پاڼه وګورئ "ای-عکس اخیستل" )
  • د اصلي هیواد څخه د زیږون سند بشپړ کاپي د رسمي ژباړې سره (د Réfugiés.info پاڼه وګورئ "د سند د رسمي ژباړې غوښتنه وکړئ" )
  • د اصلي هیواد څخه د واده سند، نکاح خط کاپي یا یو سند چې د کورنۍ اړیکې ثبات او دوام ثابتوي
  • په محلي اسعارو کې د هر شخص لپاره د 99 یورو معادل د ویزې فیس ورکول (د تادیې په وخت کې د تبادلې نرخ سره سم)
  • یو پاسپورټ یا د سفر سند چې باید د ویزې پای نیټې وروسته لږترلږه 3 میاشتې اعتبار ولري.
د پاسپورټ نشتوالی د کورنۍ د بیا یوځای کیدو لپاره د ویزې د غوښتنلیکونو یا دوسېې سپارلو مخه نه نیسي، په دې شرط چې تاسو د غوښتنې دوسیې سره یو ځای د یو لیک له لارې معلومات او دلایل تشریح کړئ چې تاسې ولې ونشوای کولای پاسپورت ترلاسه کړئ.

ستاسې اړوند اسناد چې د کورنۍ د غړو دوسیو سره باید اضافه شي:

  • ستاسې د افپرا OFPRA فایل حواله (دوسیې اسناد) یا د سیندیا محکمې CNDA پریکړه یا ستاسو د استوګنې د اجازې یوه کاپي چې ستاسې قانوني وضعیت په کې څرګند شوی وي، لکه کډوال، بې تابعیت (اپارتاید) کس یا د فرعي محافظت څخه ګټه اخیستونکی.
  • په فرانسه کې ستاسې اوسنی پوستی پته. مهرباني وکړئ په یاد ولرئ، که تاسو خپل پوستي پته بدله کړئ، د کډوالو کورنیو دفتر ته خبر ورکول مه هیروئ.
که تاسو د مدني حالت رسمي (نکاح خط یا زیږون) اسناد نلرئ، تاسو او ستاسو د کورنۍ غړي باید "د خپلوی یا کورنۍ اړیکو دتثبت اسناد او ثبوتونه" واستوي : غیر رسمي ثبوتونه چې د کورنۍ اړیکه ښیي او ثابتوي.
د مثال په توګه: عکسونه، د پیغام خبرې اترې، د تلیفون تاریخ سکرین شاټونه، د ډالۍ لیست، د مراسمو ویډیوګانې، د عزیزانو څخه تعریفونه، د ویسټرن یونین پیسو لیږلو سندونه (که اسناد د اړوند شخص په نوم نه وي، د ترلاسه کونکي لخوا په ساده کاغذ کې یو سند جوړ کړئ چې په هغې کې اقرار کړئ وي چې دوی پیسې ترلاسه کړي او دا هم تشریح کړي چې ولې دوی نشوای کولی پخپله لاړ شي او پیسي ترلاسه کړي (د هویت سند نه لرل، د نقل او حرکت امکانات نه لرل او داسي نور دلایل)).

کله چې تاسې د افپرا OFPRA ادارې څخه د کډوالۍ یا قبولۍ ځواب او اسناد ترلاسه کړئ، له هغه وخته تاسې کولی شئ د کورنۍ د بیا یوځای کیدو لپاره د ویزې غوښتنلیک وسپارئ.

تاسو باید لومړی د France-visas.gouv.fr ویبپاڼې ته لاړ شئ او یو حساب یا اکونټ جوړ کړئ.

هغه هیواد غوره کړئ چې پکې د ویزې غوښتنلیک سپارل کیږي، د "اوږدې مودې" ویزه، د "کورنۍ ځای په ځای کول یا خصوصي" “installation familiale ou privée” پروژه، لوی یا کوچنی، دلیل "ماشوم یا میړه یا کوژدن، یا د کډوال پلار / مور، ګټه اخیستونکی فرعي محافظت یابې تابعیته (اپارتاید) کس.

بیا، تاسو باید د اړیکو توضیحات بشپړ کړئ.

فرانس ویزا (France Visas) ستاسې د کورنۍ غړې د هغوې اصلي هیواد یا ګاونډي هیواد کې د فرانسې نږدې قونسلګرۍ یا سفارت ته لارښوونه کوي.

د دې لپاره چې معلومه کړئ چې ستاسو کورنۍ چیرته کولی شي خپله دوسیه وسپاري، نو دلته کلیک کولو سره خپل هیواد غوره کړئ.

یوځل چې لومړۍ غوښتنلیک د فرانس ویزا (France Visas) ویبپاڼه کې تایید شو، تاسو به یو رسید ترلاسه کړئ. د خپل غوښتنلیک نهایی کولو لپاره، تاسې باید بیا د خپل ګوتو نښانو لګولو او د ویزې مصارفو ورکولو لپاره وخت ونیسئ.

یادونه: طرزالعمل او د ویزه ورکولو پروسه په اړوند هیواد پورې اړه لري: د فرانس ویزا (France Visas) ویبپاڼه کې د اړوند هیواد په پاڼه کې د ویزې غوښتنلیکونو سپارلو او د ملاقات وخت اخیستلو په اړه معلومات ورکړل شوي. تاسې باید د ټولو ملاتړو اسنادو او بشپړ شوي، چاپ شوي او لاسلیک شوي ویزې غوښتنلیک فرمې سره (د هر غوښتونکي په سر یوه فورمه) د فرانسې قونسلګرۍ خدماتو برخې ته شخصا حاضر شئ.

یوځل چې ستاسو د کورنۍ لخوا د ویزې غوښتنلیک وسپارل شي، د کورنیو چارو وزارت د ویزې فرعي ریاست د کډوالو کورنیو دفتر به تاسو ته ستاسې د واده او کورنۍ وضعیت په اړه یوه فورمه د بشپړولو، لاسلیک کولو او بیرته نوموړې ادارې ته په لاندې پته استولو په موخه درولیږي:

د کورنیو چارو وزارت

په فرانسه کې د بهرنیانو لپاره عمومي ریاست

د ویزې مدیرت

د کډوالو د کورنیو دفتر

Ministère de l'Intérieur

Direction générale des étrangers en France

Sous-direction des visas

Bureau des familles de réfugiés

11, rue de la Maison Blanche

44036 Nantes Cedex 1

د یادې فورمې سره، تاسې باید یو لړ اسناد واستوئ:

  • ستاسې د استوګنې د اجازې کاپي یا د استوګنې د اجازې لپاره د غوښتنلیک ثبوت (یا د استوګنې کارت د جوړیدو سند )
  • ستاسې د اوسنۍ پتې ثبوت
  • "د کورنۍ سره د اړیکې یا خپل مدنې وضعیت په اړه " ټول اسناد چمتوکول: دا هغه غیر رسمي ثبوتونه دي، کوم چې د کورنۍ اړیکه تثبتوي، لکه عکسونه، د پیغام خبرې اترې، د تلیفون اړیکو تاریخچه، د ډالیو لیست، د مراسمو ویډیو، د ویسټرن یونین پیسو لیږلو سندونه (که اړوند کس په نوم نه وي. د ترلاسه کونکي لخوا په ساده کاغذ کې یو سند جوړ کړي او هغه دې اقرار وکړي چې دوی پیسې ترلاسه کړې او تشریح کړي چې ولې یې نشوای کولای چې خپله د پیسو ترلاسه کولو لپاره لاړشي، لکه، د هویت سند نه درلودل، د نقل او حرکت امکانات ندرلودل او داسي نور).
مهمه یادونه: تاسو باید ځان مطمیین کړئ چې د افپرا OFPRA اداره ستاسې دقیقه پته لري.
که تاسې له مخکني ځای څخه کډه کړې وي او پته مو تبدیله شوې وي، نو ، د Réfugiés.info پاڼې "د اړیکو د جزیاتو د بدلون په اړه OFPRA ته خبر ورکول" فایل ولولئ او ګامونه تعقیب کړئ.

که تاسو د کډوالو کورنیو لپاره د دفتر څخه فورمه نوې ترلاسه کړې، تاسو باید دوی ته د خپلې اوسنۍ پته سره یو لیک (پورته پتې) ته واستوئ.

د ویزې غوښتنلیک پرمختګ تعقیبولو لپاره، تاسو کولی شئ دا فورمه آنلاین ډکه کړئ:https://france-visas.gouv.fr/web/france-visas/contact-demande-bfr

مهمه یادونه: دا اړینه ده چې ټولې مرحلې په دقت سره تعقیب کړئ او هغه معلومات تایید کړئ چې تاسو یې لیږئ، که نه نو د غوښتنې د رد کیدو خطر شتون لري.

د ویزې غوښتنلیک په هیواد پورې اړه لري او کولی شي ډیر وخت ونیسي (لږترلږه 2 میاشتې). که چیرې د مدني حالت سندونو تصدیق کولو ته اړتیا وي نو نیټه تمدید کیدی شي (د 4 او 8 میاشتو ترمینځ).

او ورپسې څه وکړو؟

مخکې له دې چې ستاسو کورنۍ فرانسې ته راشي

که ستاسو د کورنۍ غړو ته ویزه ورکړل شي، نو د دوی د سفر په اسنادو کې د ویزې سټیکر نښلول کیږي.

مهمه یادونه: د الوتکې ټیکټونه باید واخیستل شي او د اوږدې مودې ویزې صادریدو وروسته تر 3 میاشتو پورې باید فرانسې ته راشي.

کله چې ستاسو کورنۍ فرانسې ته راشي

ستاسو کورنۍ باید د راجستر کیدو لپاره د رارسیدو وروسته اعظمي د 2 میاشتو موده کې پریفیکتور ته لاړ شي او د استوګنې جواز غوښتنه وکړي.
> د لوستلو لپاره: د Réfugiés.info پاڼه "د استوګنې جواز ترلاسه کول"

قونسلګرۍ یا سفارت کولی شي د یو لړ دلایلو له امله د ویزې غوښتنلیک رد کړي:

  • که تاسو یا ستاسو کورنۍ د کورنۍ د بیا یوځای کیدو شرایط پوره نه کړي
  • که د کورنۍ اړیکه ثابته نه شي
  • که ستاسو د کورنۍ راتګ عامه نظم ته ګواښ وي
  • که تاسو په فرانسه کې د کورنۍ ژوند لازمي اصولو ته درناوی نه کوئ (د مثال په توګه: د یو نه د زیاتو ودونو لرل).

که ویزه رد شي:

  1. تاسو کولی شئ د یوې میاشتې دننه د پوست له لارې دې پتې ته خپل اپیل یا شکایت واستوئ:

    فرانسې ته د ویزې د ردولو د پرېکړو په وړاندې د استیناف کمیټه
    Commission de recours contre les décisions de refus de visa d’entrée en France
    BP 83.609 - 44036 Nantes Cedex 1
  2. که تاسو د 2 میاشتو وروسته ځواب ترلاسه نکړئ، تاسو کولی شئ د نانتس اداري محکمې ته درخواست وکړئ. تاسو باید دې پتې ته د رسید تصدیق سره یو راجستر شوی لیک واستوئ:

    د نانتس اداري محکمه
    Tribunal Administratif de Nantes
    6 allée de l’Île-Gloriette BP 24111
    44041 Nantes Cedex 01
یادونه: ستاسې سره د استیناف په پروسه کې د مرستې لپاره تاسې ته سپارښتنه کیږي چې یو وکیل ته زنګ ووهئ یا د یوې ځانګړې اتحادیې یا قانوني مشاور څخه مرسته وغواړئ. که ستاسو سرچینې کمې وي، وګورئ چې تاسو د قانوني مرستې څخه ګټه پورته کولی شئ.
> دا فایل هم ولولئ: د Réfugiés.info پاڼه "د قانوني مرستې ترلاسه کول"
د پاڼې سر

21 مرسته کونکي فعالیت کوي

a mugniera mugnierاډمین
xavidumxavidumاډمین
hugo stéphanhugo stéphanاډمین
houssam kokachhoussam kokachاډمین
aman expertaman expertد صفحي پورته برخه
utilisateur_61623907utilisateur_61623907ایډیټر او کره کتونکی
nalothmannalothmanد صفحي پورته برخه
rohullah expertrohullah expertد صفحي پورته برخه
utilisateur_93887086utilisateur_93887086ایډیټر او کره کتونکی
nour alhindinour alhindiد صفحي پورته برخه
noornoorد صفحي پورته برخه
olga b.olga b.د صفحي پورته برخه
marina bondarenkomarina bondarenkoد صفحي پورته برخه
niknameniknameد صفحي پورته برخه
kim.delaunaykim.delaunayد صفحي پورته برخه
marianneukrainemarianneukraineد صفحي پورته برخه
anastasiaanastasiaد صفحي پورته برخه
relorefrelorefایډیټر او کره کتونکی
utilisateur_13438143utilisateur_13438143ایډیټر او کره کتونکی
medmedد صفحي پورته برخه
user pictureUtilisateurایډیټر او کره کتونکی