د حقوقي سلاکارې په مرسته، ستاسو د وضعیت او اړتیاوو سره سم شخصي لارښوونه او مرسته، د دې لپاره چې:

• د خپلو حقونو، اړینو اداري کړنلارو او ګټورو خدماتو په اړه معلومات ترلاسه کړئ
• د خپل وضعیت له مخې مناسبو خدماتو ته لارښوونه ترلاسه کړئ: کار، مسلکي روزنه، روغتیا، کور، د شرکت جوړول، د فرانسوي ژبې زده کړه او نور
• په حقوقي چارو کې مرسته ترلاسه کړئ، لکه د بهرنیانو حقونه، د کار قانون او ټولنیز حقونه
• د مدني پوهې ازموینې ته چمتووالی ونیسئ.

مهم شرایط

د دې مرستې د ترلاسه کولو لپاره باید:

• له ۳۱ کلونو څخه کم عمر ولرئ.
• کډوال یاست، یا د فرعي ساتنې (Protection subsidiaire) ګټه اخیستونکی یاست، یا بې‌تابعیته (Apatride) یاست.
• له پنځو کلونو څخه لږ وخت په فرانسه کې اوسېدلي یاست، د استوګنې کارت لرئ او له OFII سره مو د جمهوریت د ادغام تړون (CIR) لاسلیک کړی وي، یا پلان لرئ چې ډېر ژر یې لاسلیک کړئ.