له تاسې سره به ستاسې په ټولو طرزالعملونو او چارو کې ملاتړ ترسره کیږي:

• اداري طرزالعملونو او پروسیجرونو کې مرسته : کور ته لاسرسی، ټولنیزو ګټو، حقونو ته لاسرسی، لکه (کاف CAF، ټولنیز امنیت، او نور)، د اسنادو ترلاسه کول (پاسپورټ، د استوګنې اجازه، او نور)
• خپله مسلکي پروژه تعریفول او رامنځته کول : سي وي CV او د لټون ترسره کول، خپلې تجربې ته وده ورکول، د مرکې لپاره چمتوالی نیول...

تاسو کولی شئ په ډله ایزو ورکشاپونو کې برخه واخلئ ترڅو نوي خلکو سره لیدنه وکړئ، ښه وخت ولرئ او نوي شیان زده کړئ:

• د بیان او خبرو اترو ورکشاپ (په میاشت کې دوه ځله، د ارواپوه په مشرۍ تنظیم کیږي)
• په ځان د باور ورکشاپ (په میاشت کې دوه ځله، د ارواپوه په مشرۍ تنظیم کیږي)
• موزایک ورکشاپ (په اونۍ کې دوه ځله)
• د هنر درملنې ورکشاپ (په اونۍ کې یو ځل، د هنر معالج لخوا رهبري کیږي)

د ټولنیز - مسلکي ملاتړ سربیره، د پلییاد (Pleyades) ټولنه تاسو ته د ارواپوه سره د لیدو فرصت هم برابروي. که تاسې د یو ستونزمن وخت څخه تیریږئ او مشکلات لرئ، او د خپلې مسلکي پروژې په اړه اندیښمن یاست، یا د خپل ځان څرګندولو او خپلو مشکلاتو په اړه خبروکولو لپاره یو ځای ته اړتیا لرئ، هغه کولای شي له تاسې سره په انفرادي ډول خبرو کولو لپاره مرکي تنظیم کړي او تاسې سره وګوري.
لومړۍ ناسته به ددې امکانات برابر کړي چې ستاسې د وضعیت ارزونه ترسره شي. ارواپوه به بیا تاسې ته ستاسې د اړتیاو سره سم د رواني ملاتړ یا نورو مناسبو ادارو ته د معرفی کیدو او لارښونې وړاندیز وکړي.

موږ سره اړیکه ونیسئ!

• د تلیفون له لارې: 0238250479
• د بریښنالیک له لارې: pleyades@wanadoo.fr

د ټیم یو ټولنیز کارکونکی به ستاسو غوښتنه واوري او ستاسو د وضعیت ارزولو لپاره به تاسو ته د یوې لومړنۍ مرکې وړاندېز وکړي.

تاسې همدارنګه کولی شئ له موږ سره په مستقیم توګه په لاندې پته وګورئ:

2 rue Bossuet 45100 - Orleans-la-Source

زموږ ټولنه یا اسوسیشن هر هغه چا ته چې زموږ ودانیو یا دفترونو ته راځي پرته له کوم قید او شرط څخه د هرکلي کولو تضمین کوي.