د لومیر لیون 2 پوهنتون د پاسیریل (DU Passerelle) - جلاوطنه زده کونکو پروګرام له لارې په هر سمستر کې 240 ساعته د فرانسوي ژبې کورسونه وړاندې کیږي. تاسې به په اونۍ کې 20 ساعته درسونه ولرئ، د سپتمبر څخه تر دسمبر او یا د جنوري څخه تر می پورې.

تاسې به د پوهنتون ډیپلوم ترلاسه کولو لپاره ازموینې ترسره کړئ.

د روزنې په جریان کې به تاسې په فرانسه کې د پوهنتون سیستم په اړه معلومات ومومئ: دا په فرانسه کې زده کوونکی په څه معنی دی او څنګه تعلیمي ژوند کوي، کورسونه او ازموینې څنګه تنظیم کیږي، کوم ډیپلومونه او روزنې شتون لري، د ټولګیو پرمهال د نوټونو اخیستل زده کول او له ټولګي څخه بهر د مطالعې کول، پریزنټشنونه جوړول او وړاندې کول او ازموینو ته چمتوالی نیول...

د فرانسې د لوړو زده کړو سیسټم پیچلی دی.

د روزنې په جریان کې به مسلکي کسان د امکاناتو سره سم په انفرادي ډول د هر زده کونکي سره د اکادمیک او مسلکي پروژې په رامنځته کولو او ترتیبولو کې مرسته کوي.

مسلکي کسان به همدارنګه ستاسې سره د سي وي CV او پوښښ یا انګیزو لیکونو په لیکلو کې مرسته کوي، او ستاسې د خوښې روزنیز کورسونو کې د نوم لیکنې یا ثبت نام پروسه کې مرسته کوي.

• د ليد ټاکنې یا اورینټیشن ورکشاپ،
• انفرادي مرکه،
• اداري ملاتړ...

تاسو به د روزنې په جریان کې مختلف فعالیتونو ته لاسرسی ومومئ:

• کلتوري سفرونه
• د Lumière فلم فستیوال سره شراکت،
• د زده کوونکو سره اړیکه،
• د Nuits Sonores فستیوال سره شراکت،
• د سپورت فعالیتونه (ټینس، لامبو وهل، د آس سواری، او نور).

• د راجسټریشن یا نوم لیکنې شرایط: د پوهنتون ویبپاڼې ته لاړشئ ترڅو ومومئ چې څنګه نوم لیکنه وکړئ.
• د غوښتنلیک نیټه (عمومي میاشتې) : د مارچ څخه تر می پورې
• اړیکه : cief@univ-lyon2.fr

د غوښتنلیک لیږلو وروسته، که ستاسو غوښتنلیک ومنل شي، تاسو به د مرکې لپاره د بلنې سره یو بریښنالیک ترلاسه کړئ.