د خپل هیواد او چاپيریال پریښودل، کله ناکله د خپلې کورنۍ او عزیزانو پریښودل خورا ستونزمن کار دی. فرانسې ته رسیدل ځینې وختونه د تاوتریخوالي او ستونزې په توګه تجربه کیدی شي، او د جلاوطنۍ مسیر، ډیری وختونه خورا پیچلي، د رواني او یا فزیکي صدماتو او ټراوماتیزم سرچینه کیدی شي.

تاسې ممکن د نوي چاپریال یا ورځني ژوند د رامینځته کولو په موخه خبرو کولو، شریکولو، ملګرتیا او ملاتړ کیدو اړتیا احساس کړئ. د ESSOR 63 مرکز ټیم تاسې ته ښه راغلاست وايي او تاسو ته غوږ نیسي، ترڅو تاسې ته ستاسو د اړتیاوو سره سم د مرستې وړاندیز وکړي. د پاملرنې پدې پروسه کې تاسې یو طرف یاست او اساسي رول لرئ، او ارواپوهان ستاسې سره تر هغه وخته پورې چې تاسو یې وغواړئ مرسته او ملاتړکوي.

که ستاسې د فرانسوي ژبې کچه تاسو ته اجازه نه درکوي چې خپل نظرونه او احساسات په ارامۍ او اسانۍ سره بیان کړئ، موږ ستاسې په ژبه کې یوه مسلکي ژباړونکي ته بلنه ورکوو.

هغه کولی شي ستاسې د لیدنې پرمهال د ډاکټر او یا ارواپوه سره په حضوری ډول شتون ولري یاد تلیفون له لارې شتون ولري ترڅو ستاسو تر منځ خبرې اترې اسانه او ژباړه وکړي.

د ESSOR 63 پاملرنې مرکز د جنس، عمر یا تابعیت په پام کې نیولو پرته د ټولو نویو راغلو کسانو لپاره وړیا انفرادي او کورنۍ مشورې وړاندې کوي .

دا کیدای شي د روغتیا متخصص، ټولنیز کارمند، د زده کړې متخصص، یا رضاکار وي.

دا کس د اورینټیشن یا معرفي کیدو فرمه ډکوي، او د ESSOR 63 مرکز ټیم ته یې د لاندې بریښنالیک له لارې لیږي: centressor63@forumrefugees.org .

د ESSOR 63 مرکز ټیم د مسلکي کس او یا مستقیم له تاسې سره په تماس کې کیدو له لارې د لارښوونې یا معرفي کیدو غوښتنې ته ځواب ورکوي.

تاسې همدارنګه کولی شئ د ESSOR 63 مرکز ته هم لاړ شئ، غوره دا ده چې د لاندې شمیروله لارې د تماس نیولو ورسته لاړ شئ: 0463468980 یا 0614967166

د ESSOR 63 مرکز موقعیت او پته:

5 Rue du Torpilleur Sirocco
63100 CLERMONT-FERRAND

دا د ټرام A او بس لاین 22 له لارې د لاسرسي وړ دی، د " Croix de Neyrat " تم ځای یا سټاپ.

د ESSOR 63 مرکز کاري وختونه په لاندې ډول دي:
- سشنبه، د سهار له 9:30 بجو څخه تر 12:30 بجو پورې او د ماسپښین له 1:30 څخه تر 5 بجو پورې ،
- چهارشنبه ، د سهار له 9:30 بجو څخه تر 12:30 بجو پورې او د ماسپښین له 1:30 څخه تر 6 بجو پورې (په جوړه اونیو کې د ماښام 7 بجې)
- پنجشنبه ، د سهار له 8:30 بجو څخه تر 12:30 بجو پورې او د ماسپښین له 1:30 څخه تر 5 بجو پورې.

د یو مسلکي کس لخوا د لارښونې وروسته، یا کله چې ستاسې د لیدنې وروسته تاسې ته د ملاقات وخت درکړل شي، تاسې به د هرکلي لومړۍ مرکې څخه ګټه پورته کړئ.

تاسې به د یو ارواپوه او احتمالا د یو عمومي ډاکټر سره لیدنه ترسره کړئ، ترڅو ستاسې وضعیت او اړتیاوې وڅیړي.

ستاسې د هرکلي لومړۍ لیدنې یا مرکې وروسته، دوی به ستاسې له اړتیا سره سم مناسبي تعقیبي روغتیايي مرستې وړاندیز وکړي. تاسې اختیار لرئ چې دا ومنئ یا نه.

که د ESSOR 63 مرکز ستاسې د اړتیاوو د پوره کولو لپاره مناسب ځای نه وي، نو متخصصین کولی شي تاسې ته د نور بدیلونه یا امکاناتو وړاندیز وکړي او تاسې ته د نورو سیسټمونو په لور لارښوونه وکړي چې له تاسې سره مرسته او ملاتړ وکړي.

تاسې د دې فرصت هم لری چې پریکړه وکړئ چې د تعقیب یا مرستي د پیل کولو دمخه غواړئ انتظار وکړئ. په دې حالت کې، تاسې کولی شئ هرکله چې وغواړئ له مرکزه سره اړیکه ونیسئ کله چې احساس وکړئ چې د مرستې ترلاسه کولو لپاره چمتو یاست، نو مرکز به تاسې ته وخت درکړي.