تاسو کولی شئ د قراردادي استاد یا څېړونکي (contractuel) په توګه غوښتنه وکړئ که:

• په خپل تخصصي ډګر کې لوړه او نړیواله پېژندل شوې کچه ولرئ. په دې حالت کې تاسو کولی شئ یو قرارداد ترلاسه کړئ چې موده یې د څېړنیزې پروژې یا د تدریس د اړتیا له مخې ټاکل کېږي
• دوکتورا (Doctorat – Bac+8) کوونکی یاست، یا د دوکتورا د پای مرحلې زده‌کوونکی یاست (او د غوښتنلیک د پای نېټې پورې به ډیپلوم ترلاسه کوئ)، یا پوسټ‌دوکتورا (post-doctorat) لرئ، یا بهرنی استاد-څېړونکی یاست چې لږ تر لږه 2 کاله تجربه لری.

په وروستي حالت کې دې ته دATER (د تدریس او څیړنې لنډمهاله مرستیال) دنده ویل کېږي، یعنې د تدریس او څېړنې موقتي همکار.

قراردادي پوستونه د کال په اوږدو کې په لاندې ډول نشر ته سپارل کیږي :

• د قراردادي پوستونو لپاره د پوهنتون ویب پاڼې
• د تدریس او څیړنې مرستیالانو لپاره د ګیلیکسي ویب پاڼه

تاسو باید خپل شبکه هم فعاله کړئ : له څېړونکو سره خبرې وکړئ، په پروژو کې برخه واخلئ، خپلو مهارتونه خلکو ته ور وپیژنئ: ویب پاڼه جوړه کړئ، په ټولنیزو شبکو کې اړیکه ونیسئ...

تاسو باید تل خپل دوسیه په ښه توګه چمتو کړئ:

• د اعتبار وړ پېژندپاڼه: د هویت کارت، پاسپورټ، د استوګنې کارت یا د استوګنې د اجازې د نوي کولو رسید (récépissé)
• د بانکي حساب معلومات (RIB)
• سي ويCV (کاري ژوندلیک)
• د دوکتورا د ډیپلوم کاپي یا د بریالیتوب تصدیق
• د ATER قراردادونو کاپيانې (که لرئ)
• د انګېزې لیک
• د علمي خپرونو لېست
• د تدریس او څېړنې تجربې
• د سپارښتنې لیکونه.

هره دنده ځانګړې اړتیاوې لري، نو باید خپله دوسیه د هماغې دندې له شرایطو سره سمه برابره کړئ. همدارنګه، ستاسو د زده‌کړو کچه باید د غوښتل شوې دندې له کچې سره برابره وي.

که تاسو د دوکتورا زده‌کوونکی یاست، باید ثابته کړئ چې کولی شئ خپله رساله (thèse) په ۱ یا ۲ کلونو کې بشپړه کړئ.

ښه ده چې پوه شئ:

هر ډول قرارداد ته چې تاسو تقاضا کوی، تاسو به همیشه یوه مرکه ترسره کړئ. ځینې وختونه لومړی له یوه کس سره مرکه کېږي، او وروسته له یوې کمېسیون یا د ټاکنې له پلاوي سره.

تاسو باید د مرکې لپاره ښه چمتووالی ونیسئ، ترڅو کمېسیون ته وښایئ چې اړین مهارتونه، تجربه او هڅونه لرئ.

• تاسو به یو ثابتې مودې قرارداد (CDD) لاسلیک کړئ چې د نوي کیدو وړ دی.
• په ځینو مواردو کې، تاسو کولی شئ د 6 کلونو وروسته دایمي قرارداد (CDI) ولرئ
• شرایط (موده، معاش، دندې) ډیری وخت د پوهنتون سره پرې خبرې اترې کیدلای شي.

ځانګړې قضیه : ATER

• د دوکتورا زده کونکي یا دوکتورا: یو کلن قرارداد، یو ځل د نوي کیدو وړ
• بهرنيان چې دوه کاله تجربه لري: قرارداد تر درې کلونو پورې او د یو کال لپاره د نوي کیدو وړ