اوفپرا Ofpra به تاسو ته په اوتومات ډول د کورنۍ دثبت کتابچه واستوي که تاسو د خپل محافظت څخه دمخه واده کړی وي او اوفپرا ستاسو د واده سند جوړ کړی او صادر کړی وي.

د کورنۍ د ثبت یا ریکارډ په کتابچه کې لاندې نومونه لیکل کیږي:

• ستاسو نوم
• د هغه چا نوم چې تاسو ورسره واده کړی
• د یادې نکاح یا واده څخه د زیږیدلو ماشومانو نومونه چې په فرانسه کې شتون ولري

که چیرې یو ماشوم په فرانسه کې زیږیدلی وي، نو د یاد ماشوم د زیږون ثبت نام په هغه ښاروالی کې ترسره کیږي چیرې چې ماشوم دنیا ته راغلی وي، د زیږون ځای ښاروالی د زیږون سند صادروي.

که تاسو په بهر کې زیږیدلي ماشومان لرئ چې ستاسو په څیر یې په ورته وخت کې پناه اخیستې وي، آفپرا به تاسو ته د مجرد مور او پلار یا شریک ژوند کوونکو والدینو لپاره د کورنۍ د ثبت کتابچه واستوي.

لاندې نومونه به په کتابچه کې ولیکل شي:

• ستاسو نوم
• د بل پلار یا مور نوم که چیرې هغه د افپرا Ofpra لخوا خونديتوب یا کډوالی اسناد ترلاسه کړي وي
• د یاد واده څخه د زیږیدلو ماشومانو نومونه چې په فرانسه کې شتون ولري.

که چیرې یو ماشوم په فرانسه کې زیږیدلی وي، نو د یاد ماشوم د زیږون ثبت نام په هغه ښاروالی کې ترسره کیږي چیرې چې ماشوم دنیا ته راغلی وي، د زیږون ځای ښاروالی د زیږون سند صادروي.

که ستاسو ماشومان ستاسو د خوندیتوب یا اسنادو ترلاسه کولو وروسته فرانسې ته راشي، تاسو کولی شئ د خپلو ماشومانو د زیږون سندونو او په فرانسه کې یې د شتون تثبتولو اسنادو په لیږلو سره د آفرا څخه د کورنۍ د ثبت کتابچې غوښتنه وکړئ.

که تاسو دمخه د آفپرا د کورنۍ دثبت کتابچه لرئ، تاسو کولی شئ به هغې کې د خپلو ماشومانو د نومونو د ثبتولو غوښتنه وکړئ.

دا اسناد باید د پوست له لارې افپرا ته د دې لپاره چمتو شوي فورمې سره یوځای واستول شي:

په بهر کې زیږیدلي ماشوم لپاره د زیږون سند د OFPRA لخوا رامینځته شوی د کورنۍ د ثبت کتابچه کې د راجسټریشن لپاره د غوښتنې فورمې ترلاسه کولو لپاره دلته کلیک وکړئ.

که تاسو په فرانسه کې واده وکړئ وي او تاسو لا تر اوسه د کورنۍ ریکارډ کتاب (livret de famille) نه لرئ، دا د یادې ښاروالۍ مسؤولیت دی چیرې چې واده ولمانځل شي چې تاسو ته به دا کتابچه د واده په ورځ درکړي.

که تاسو دمخه د شریک ژوند کوونکي مور او پلار په توګه د کورنۍ د ثبت کتابچه ترلاسه کړي وي، نو ښاروالۍ به د واده سند له لارې د کورنۍ د ثبت کتابچه بشپړه کړي.

که تاسو واده نه وي کړی او ستاسو ماشوم په فرانسه کې زیږیدلی وي، په هغه صورت کې د ښاروالۍ مرکز چیرې چې ستاسو لومړی ماشوم په فرانسه کې زیږیدلی وي، تاسو ته به ستاسو د کورنۍ ثبت کتابچه درکړي.

که یوازې ستاسو ماشوم خونديتوب یا د کډوالی اسناد ولري او دواړه مور او پلار یې قبولي یا اسناد ونه لري، نه آفپرا او نه ښاروالۍ کولای شي چې د کورنۍ دثبت یا ریکارډ کتابچه تاسې ته درکړي.

داسې قضیې یا حالات شتون لري چیرې چې تاسو د کورنۍ د ثبت یا ریکارډ کتابچه نه ترلاسه کوئ.

پدې حالتونو کې د آفپرا یا په فرانسه کې د یوې ښاروالی څخه د کورنۍ د ثبت یا ریکارډ کتابچې غوښتنې کولو ته اړتیا نشته:

• که تاسو مجرد یاست او اولاد نلرئ
• که تاسو واده نه وي کړئ او ستاسو ماشومان په فرانسه کې شتون نلري
• که ستاسو واده د آفپرا لخوا نه وي پیژندل شوی او تاسو ماشومان نلرئ یا هغوی په فرانسه کې شتون نلري
• که تاسو د خپل کډوالی اسنادو ترلاسه کولو وروسته بهر واده کړی وي او هغه هیواد چې تاسو پکې واده کړی د کورنۍ د ثتب یا ریکارډ کتابچه نه ورکوي.

دا ممکنه ده چې د کورنۍ د ثبت یا ریکارډ کتابچه ترلاسه کړئ، ولې ستاسو ټوله کورنۍ په دې کې ثبت نشئ.

ددې لپاره زیات شرایط شتون لري چې دا تشریح کوي:

• ستاسو ماشومان په فرانسه کې شتون نلري
• که تاسو څو میرمنې لرئ (په فرانسه کې څو واده جواز نلري او یوازې لومړۍ میرمن به ستاسو میرمن وګڼل شي)
• که ستاسو یو ماشوم د کډوالی اسنادو اخیستو څخه دمخه مړ شوی وي
• که تاسو د یو څخه زیاتو کسانو سره ماشومان دنیا ته راوړي وي، تاسو به د یو نه زیات د کورنۍ دثتب کتابچه ترلاسه کړئ.

که تاسو خپل د کورنۍ د ثبت کتابچه له لاسه ورکړي وي یا که تاسو د کورنۍ دوهمې د ثبت کتابچې ته اړتیا لرئ (د مثال په توګه د جلا کیدو په صورت کې)، دا ممکنه ده چې د استوګنې ځای د ښاروالۍ څخه د نقل غوښتنه وکړئ.

دا به د باصلاحیته ادارې سره د تماس نیولو مسؤلیت ولري.

• که چیرې اوفپرا تاسو ته د یو شریک ژوند کوونکي جوړې په توګه د کورنۍ دثبت کتابچه در کړې وي او تاسو پریکړه وکړئ چې واده وکړئ، د واده ځای ښاروالۍ به تاسو ته د کورنۍ د ثبت نوی کتابچه درکړي یا به د کورنۍ د ثبت کتابچه بشپړه کړي چې مخکې د آفپرا لخوا صادره شوي وي.
• که افپرا Ofpra تاسو ته د کورنۍ دثبت کتابچه او د واده سند درکړي او تاسو د طلاق پریکړه وکړی، آفپرا به ستاسو د کورنۍ د ثبت یا ریکارډ کتابچه نوي کړي.
• که تاسو د کورنۍ د ثبت یا ریکارډ کتابچه لرئ چې د ښاروالۍ لخوا صادر شوي وي او تاسو پریکړه وکړئ چې واده وکړئ، نو هغه ښاروالۍ چیرې چې تاسو واده کړی وي تاسو ته به د کورنۍ د ثبت یا ریکارډ نوي کتابچه درکړي.
• که تاسو د طلاق پریکړه وکړئ، دا د ښاروالۍ مسؤولیت دی چې تاسو ته یې د واده سند درکړی چې ستاسو د کورنۍ د ثبت کتابچه نوي کړي.