مهم معلومات
د.........لخوا وړاندیز شوي
په نښه شوي خلک
شرایط
دا چېرته دی ؟
د متخصص ډاکټرانو یا متخصصو فارمسستانو سره د کار کولو لپاره روزنه ترسره کول
دا څه دي ؟
ایا تاسې یو داسې ډیپلوم لرئ چې تاسو ته اجازه درکوي چې تاسې د اروپایی اتحادیې څخه بهر په کوم هیواد کې د متخصص ډاکټر یا متخصص فارمسست په توګه کار وکړئ یا تاسې له دې دوه سکتورونو څخه په یوه کې خپل تخصص پیل کړی وي؟
تاسو کولی شئ د ځانګړي طبي روزنې ډیپلوم ( DFMS ) یا د پرمختللي ځانګړي طبي روزنې ډیپلوم ( DFMSA ) لپاره غوښتنه وکړئ. دا ډیپلومونه تاسې ته اجازه درکوي چې نظري زده کړې او عملې کار روزنې کورسونه تعقیب کړئ.
- د تخصصي طبي روزنې ډیپلوم (DFMS) یو ډیپلوم ده چې د بهرنیو کاندیدانو (د اروپایی اتحادیې څخه بهر کسانو) لپاره خلاص دی چې د طب په برخه کې د ډاکټر یا فارمسي ډیپلوم لري چې په اصلي هیواد کې د کار کولو اجازه ورکوي او څوک چې د تخصص په مرحله کې دي. روزنه د 2 څخه تر 6 سمسترونو پورې دوام کوي، د عملي روزنې د سمسترونو شمیر په دې پورې اړه لري چې په اصلي هیواد کې یې باید بشپړ کړې وای.
- د پرمختللي تخصصي طبي روزنې ډیپلوم (DFMSA) د بهرنیو نوماندانو (د اروپایی اتحادیې څخه بهر کسانو) لپاره خلاص ډیپلوم دی چې دمخه یې د متخصص ډاکټر یا متخصص فارمسسټ ډیپلوم لري. روزنه 2 سمسترونه دوام کوي.
د انټرن کارکوونکي (FFI) وضعیت لرل د خپلو زده کړو د تصدیق کولو د ازموینې د چمتوالي لپاره یوه ښه لار ده، چې په راتلونکي کې په خپل مسلک کې د کار کولو لپاره د اجازې غوښتلو لپاره اړین دی. دا تاسو ته اجازه درکوي چې د فرانسوي روغتیايي سیسټم سره آشنا شئ او د کار کولو اجازې ترلاسه کولو پروسې لپاره د روغتون ادارې سره اړیکه ونیسئ.
مهرباني وکړئ په یاد ولرئ، دا اړینه ده چې لږترلږه د فرانسوي ژبې B2 کچه ولرئ.
څنګه یې وکړو ؟
دا دوسیه (N°1) د هر کال د اکتوبر له نیمایي څخه د جنوري تر 15 پورې ډاونلوډ کیدی شي، د سټراسبورګ د طب پوهنځي ویب پاڼه کې ، چې د ټولې فرانسې څخه ترلاسه شویو دوسيو د ارزونې مسؤولیت پر غاړه لري.
دلته په کلیک کولو سره به تاسې د غوښتل شویو اسنادو لیست او د دوسیې لیږلو پته ومومئ.
تاسې باید خپله دوسیه د پوست له لارې لاندې پتې ته واستوئ:
Faculté de Médecine - Bureau des DFMS/A
4 rue Kirschleger
67085 STRASBOURG cedex
که چیرې ستاسې لومړي دوسیه (N°1) ومنل شي، نو تاسې باید دوهمه دوسیه (N°2) چمتو کړئ او د اپریل 15 څخه مخکې یې په مستقیم ډول هغو پوهنتونونو ته واستوئ چې ستاسې اړوند تخصص پکې ترسره کیږي او هغه پوهنتون چیرې تاسې غواړئ غوښتنه وکړئ. تاسې باید د هر پوهنتون ته یوه دوسیه ولیږئ. تاسو به دلته په کلیک کولو سره د دوهمې دوسیې د چمتوالي لپاره د غوښتل شویو اسنادو لیست ومومئ.
که چیرې تاسې د اپریل 15مې نیټې څخه دمخه د یو روغتون سره د عملې کار کولو تړون یا موافقه ترلاسه کړئ نو تاسې باید لاندې کارونه ترسره کړئ:
- تاسې باید سټراسبورګ ته د 1B ضمیمې یوه کاپي واستوئ چې په 2 نمبر دوسیه کې کتلای شئ.
- د سټراسبورګ لخوا د تایید وروسته به تاسې اړتیا ولرئ چې یوازې یوه دوسیه بشپړه کړئ چې د یاد روغتون سره تړلې پوهنځی ته وسپارئ او له همدې امله به د "همکارۍ" په نامه کړنلارې یا پورسیجر څخه ګټه پورته کړئ (درېیم ګام وګورئ).
- په ورته وخت کې، تاسې باید یوه بله مختصره دوسیه چې د دهمې دوسیې 1 او 2 مه پاڼو او د فرانسوي ژبې د B2 کچې ثبوت سره د لاندې بریښنالیک له لارې د 2023 کال د اپریل میاشتې له 5 مې نیټې مخکې واستوئ: med-dossier2-2023-2024@unistra.fr.
- دلته په کلیک کولو سره تاسې به د غوښتل شویو اسنادو لیست ومومئ.
ستاسې د دوسیو ارزونه د پوهنتون د اړوند بخش د متخصصو مسؤولینو لخوا چې تاسې پکې د شمولیت غوښتنه کړي ترسره کیږي. ستاسو غوښتنلیک به د پوهنتونونو لخوا درجه بندي شي ترڅو تاسو د نورو کاندیدانو څخه جلا کړئ. د دې درجه بندې او ستاسو د غوره توب ترتیب پورې اړه لري، تاسې به د ممکنه پوستونو په محدوده کې یوې پوهنځي ته معرفي شئ.
په هرصورت، د کاندیدانو دوسیې چې د "همکارۍ" په نوم د پروسې څخه ګټه پورته کوي په مستقیم ډول روغتون ته سپارل کیږي چې د دوی د هرکلۍ یا منلو سره یې موافقه کړې وي.
مبارک شه! تاسو اوس کولی شئ خپل روزنه پیل کړئ. تاسې اړتیا لرئ چې د اکتوبر د 31 مې نیټې دمخه د اړوند پوهنځي سره نوم لیکنه یا راجستریشن وکړئ او د نومبر په اوله خپلې دندې یا فعالیت پیل کړئ.
تاسو به د زده کونکي حالت ولرئ چې د انټرن یا عملي کار زده کونکي (FFI) په توګه کار کوي کوم چې تاسې ته اجازه درکوي په روغتون کې بشپړ وخت کار وکړئ او معاش ترلاسه کړئ.
او ورپسې څه وکړو؟
په فرانسه کې د خپل مسلک په برخه کې کار کولو لپاره، تاسو باید د کار لپاره د اجازې غوښتنې دمخه د پوهې تصدیق ازموینې (EVC) اخیستلو پروسه پیل کړئ.
ایا تاسو دا معلوماتي فایل ګټوروموندل ؟
د مرسته کونکو څخه مننه وکړئ چې ستاسو لپاره یې معلومات لیکلي او ژباړلي!
اړوند موضوعات
13 مرسته کونکي فعالیت کوي