د واده کولو لپاره د دودیز(coutume) سند ترلاسه کول
دا څه شی دی؟
دودیز(coutume) سرتفکیت یو سند دی چې دا تثبتوي چې یو څوک چې بهر زیږیدلی وي په فرانسه کې د واده کولو وړتیا لري (مجرد، د اصلي هیواد د قانون سره سم بالغ یا قانوني عمر ولري او د تړون کولو وړ وي).
دا سند په ګوته کوي چې تاسو د " فرانسې د شخصي قانون " تابع یاست، دا په دې معنی ده چې تاسو باید د واده کولو په اړه د فرانسې قانون ته درناوی وکړئ.
د دودیز سرتفکیت په نوم سند د افپرا OFPRA لخوا صادریږي او مهاجرینو، د فرعي محافظت څخه ګټه اخیستونکو او بې تابعیته اشخاصو ته لیږل کیږي چې غواړي په فرانسه کې واده وکړي.
د لوستلو لپاره: Refugees.info پاڼه "په فرانسه کې واده کول" هم ولولئ.
دودیز سند د نورو اداري پروسیجرونو لپاره اړین دی، لکه مدني شراکت (se pacser) ترسره کولو یا د یو بل ماشوم اډپت کولو په برخه کې.
د لوستلو لپاره: Refugees.info پاڼه "په فرانسه کې Se Pacser" هم ولولئ.
یادونه: دودیز سند د اعتبار موده نلري، دا په دې معنی چې دا سند ستاسو د ټول ژوند لپاره همیشه د اعتبار وړ دی.
دا د چا لپاره دی؟
ټوله فرانسه
ټوله فرانسه
څنګه وکړو؟
د دودیز سند غوښتنې فورمه ډکه کړئ
د سند ترلاسه کولو لپاره تاسو باید لومړی د OFPRA له ویب پا ڼې څخه "د دودیز سند غوښتنې فورمه" ډاونلوډ کړئ.
یادونه: فورمه د ویب پاڼې په لاندې برخه کې په پاخه ګلابي رنګ کې د "ډاونلوډ کولو" برخې کې موقعیت لري.
کنه نو تاسو کولی شئ دلته مستقیم د فورمې ډاونلوډ کولو لپاره هم کلیک وکړئ.
یوځل چې د فورمې ډاونلوډ تکمیل شي، هغه به چاپ (پرنټ) او بیا بشپړ کړئ.
د دودیز سند غوښتنې فورمه واستوئ
کله چې فورمه ډکه کړئ، باید د پوست خانې له لارې یې اندې پتې ته واستوئ:
OFPRA
Pôle Protection
201 rue Carnot
94 136 Fontenay-sous-Bois Cedex
یادونه: تاسو ته سپارښتنه کیږي چې د فورمې یوه کاپي واخلۍ او د راجستر او ثبت شوی پوست له لارې یې ولیږئ.
او وروسته؟
د سند د ورکیدو په صورت کې تاسو کولی شئ د خپل سند یوه کاپې یا نقل غوښتنه وکړئ
د "دودیز سند یا سرتفیکیټ" “certificat de coutume” د صادریدو یا جوړیدو موده یوه میاشت کې وخت نیسي. دا سند د اعتبار موده نلري.
د ورکیدو په وخت کې تاسو کولای شي د خپل سند د نقل یعنې ( د سند رسمي کاپي) له OFPRA څخه د پوست له لارې غوښتنه وکړئ (2 مرحله وګورئ).
یادونه: هره اړیکه او پوست چې د افپرا ادارې ته استوی د خپلې افپرا دوسې شمیره لیکل مه هیروئ.