په فرانسه کې د طلاق اخیستلو پروسه
دا څه شی دی؟
دا معلومات دهغو کسانو لپاره دي چې په فرانسه کې د کډوالۍ محافظت یا مهاجرت اسناد لري او غواړي چې په فرانسه کې طلاق ترلاسه کړي. په فرانسه کې د طلاق څلور قسمونه شتون لري:
- " بې تناقضه او اختلافه" طلاق، دا پدې معنی ده چې د طلاق قضیه محکمي یا قاضي ته راجع نه شي، او دواړه اړخونه په طلاق اخیستو رضایت ولري.
- "متناقض" طلاقونه، دا پدې معنی ده چې د طلاق قضیه محکمي او قاضي ته راجع شي: د خطا یا تقصیر په اساس طلاق، د ازدواجي اړیکو د دایمي تغییر په اساس طلاق او د پریکړون د مبدا قبلولو په اساس طلاق.
لومړی اړین ګام د وکیل استخدام کول دي چې هغه ټول اړین ګامونه او اجراآت ترسره کړي. د وکیل پرته طلاق اخیستل امکان نلري، حتی په هغه صورت کې هم چي دواړه اړخونه رضایت ولري د طلاق په هکله.
دواړه خاوند او میرمن باید خپل وکیل ولري، پشمول د دوه اړخیز رضایت سره د طلاق په حالت کې.
د یوه وکیل دموندني لپاره تاسو کولی شئ په فرانسه کې د مدافع وکیلانو لارښود ته مراجعه وکړي چې د ملي بار کونسل په ویب پا ڼه کې یې موندلی شئ. تاسو کولای شئ د قانوني مرستې یا د وکیل د مصارفوغوښتنه هم وکړئ.
ښه پوهیدل: په Réfugiés.info کې د قانوني مرستي په اړه لاندي سرلیک کلیکولو سره نور معلومات هم ولولئ: "حقوقي مرستې ته لاسرسی"
پاملرنه، که چیرته طلاق له فرانسې نه بهر اخیستل شوی او پروسه یې هلته ترسره شوې وي: دغه ډول طلاقونه په افپرا (OFPRA) هغه وخت ثبت او راجسټر کیدایشي چې کله یې محکمه له څیړني ورسته تثبت او تایید کړي. د دې کار ترسره کولو لپاره، تاسو باید له لاندې مرجع سره اړیکه ونیسئ:
Monsieur le Procureur de la République près le tribunal judiciaire de Paris
Parvis du tribunal
Section AC1 – État civil
75859 PARIS CEDEX 17
دا د چا لپاره دی؟
ټوله فرانسه
ټوله فرانسه
څنګه وکړو؟
د طرفینو په رضایت سره د طلاق اخیستني حالت
شرایط : که خاوند او میرمن د طلاق او د هغه ټولواړونده شرایطو سره موافق وي لکه (د ملکیت یا مال ویش، د مور او پلار واک، د اولاد نفقه، او مصارف یا د مصارف تعوض).
طرفین اړتیا نلري قاضي ته پیش شي. د طلاق تړون د وکیل او طرفینو لخوا ترتیب او ترسره کیږي. دا کافي ده چې د طلاق تړون د عدلي کارمند (notaire) ته تسلیم کړئ او هغه به تاسو ته د تسلیمۍ یو ثبوت درکړي.
د جدای یا انفصال د اصل منلو په اساس د طلاق قضیه
شرایط : که دواړه لوري خاوند او میرمن له طلاق سره موافقه وکړي، مګر د طلاق په پایلو (د ملکیت یا مال تقسیم، د والدینو واک، او داسي نور) سره موافق نه وي.
نو دواړه لوري باید د کورنیوچارو ادارې قاضي یا د محکمې قاضي ته مراجعه وکړي. د طلاق دوسیه د خاوند یا میرمن د وکیل لخوا ثبت کيږي. قاضي کولی شي د طلاق د حکم نه مخکي د لنډمهاله اقداماتو امر وکړي یا غوښتنه رد کړي.
ښه پوهیدل: د پروسې په جریان کې هر وخت طرفین کولی شي د دوه اړخیز رضایت سره د طلاق غوښتنه وکړي که چیرې دوی ګډې موافقې ته رسیدلي وي.
د خطا یا تقصیر مرتکب کیدو په اساس د طلاق غوښتنه
شرایط : طرفین کولی شي د طلاق غوښتنه وکړي که چیرې خاوند یا میرمن یې له واده سره د تړلي دندو او مسؤلیتونوڅخه جدي سرغړونه کړې وي ( د مثال په توګه: زنا، ظلم زیاتۍ ، سپکاوی، د واده شریک کور پریښودل، او داسې نور ).
طرفین باید د کورنیو چاروادارې قاضي یا د محکمې قاضي ته مراجعه وکړي. د طلاق دوسیه د طرفینو څخه دیوه وکیل له ثبت کيږې. قاضي کولی شي د طلاق د حکم څخه مخکي د لنډمهاله اقداماتو امر وکړي یا غوښتنه رد کړي.
ښه پوهیدل: د پروسې په جریان کې هر وخت طرفین کولی شي د دوه اړخیز رضایت (که دوی یوې موافقې ته رسیدلي وي) یا د ازدواجي اړیکې دایمي تغیر لپاره یا د قطع کیدو اصول منلو لپاره غوښتنه وکړي.
د ازدواجي اړيکې د دايمي تغير لپاره د طلاق قضيه
شرایط : کله چې دواړه خاوند او میرمن لږترلږه د یو کال لپاره جلا ژوند کوي.
طرفین باید د کورنیوچارو قاضي یا قضایي محکمې ته مراجعه وکړي. د د طلاق دوسیه او غوښتنه د خاوند یا میرمن د وکیل لخوا ثبت کیږي. قاضي کولی شي د طلاق وحکم دمخه لنډمهاله اقداماتو امر وکړي یا غوښتنه رد کړي.
ښه پوهیدل: د پروسې په جریان کې هر وخت طرفین کولی شي د دوه اړخیز رضایت (که دوی یوې ګډې موافقې ته رسیدلي وي) یا د جلا یا قطع رابطي کیدو اصول منلو سره د طلاق غوښتنه وکړي.
او وروسته؟
افپرا OFPRA ستاسو طلاق ثبت وي
مدافع وکیل لازمي پروسیژرونه او اجراآت ترسره کوي، په ځانګړي توګه د قاضي په وړاندې د اختلافي طلاق په شرایطو کې.
یوځل چې د طلاق حکم د قاضي لخوا اعلان شي او په محکمې کي تصدیق او ثبت شي، له هغي ورسته به په افپرا کې ثبت شي او پدې سره به د طلاق اخیري مرحله سرته ورسیږي او د طلاق تصدیق به وشی.
olga b.
houssam kokach
omar kokach
rohullah expert
carowittmann
hicham
noor
marianneukraine
anastasia
a mugnier
Comité de la Démarche Accessible