دبیمې کارت (کارت ویتال carte Vitale) ترلاسه کړئ

دبیمې کارت (کارت ویتال carte Vitale) ترلاسه کړئ

دا څه شی دی؟

د ویتال کارت (La carte Vitale) ډاکټر ته د وړاندې کولو لپاره یو کارت دی، ترڅو ددې کارت په واسطه تاسو د روغتیا لګښتونو ورنه کړئ او یا په اوتومات ډول د روغتیا لګښتونو جبران (عوض) ترلاسه کړئ.

د ویتال کارت هر هغه چا ته وړیا صادریږي چې د روغتیا بیمې څخه ګټه پورته کوي. دا ستاسو د ټولنیز امنیت دایمې شمیرې پورې تړاو لري (د 13-ګڼې شمیره چې د نارینه وو لپاره په "1" سره پیل کیږي او د ښځو لپاره په "2" سره).

ښه پوهیدل: د ټولنیز امنیت موقتي شمیرې سره تاسو نشئ کولای د ویتال کارت لپاره غوښتنه وکړئ. تاسو باید انتظار اوباسئ تر څو خپله دایمې د ټولنیز امنیت شمیره ترلاسه کړئ.

د ویتال کارت (La carte Vitale) یو شخصي کارت دی . تاسو کولی شئ په لاندې حالتونو کې یې ترلاسه کړئ:

  • که تاسو 16 کلن یاست یا ډیر عمر لرئ: تاسو کولی شئ خپل شخصي ویتال کارت ولرئ.
  • تاسو د 16 کالو څخه کم عمر لرونکی ماشوم لرئ: تاسو کولی شئ هغه د خپل ټولنیز امنیت شمیرې سره ثبت کړئ او همدارنګه د مور د ټولنیز امنیت شمیرې سره هم ترڅو ستاسو ماشوم وکولای شې ددواړو له کارتونو او حقونو څخه ګټه پورته کړي (دا ستاسو د "حق لرل" “ayant-droit” قانون په نوم یایدیږي) . تاسو کولی شئ د خپلو ماشومانو لپاره د ډاکټر دفتر کې د ویتال کارت وکاروئ.
  • تاسو د 12 او 16 کلونو تر مینځ یو ماشوم لرئ: د 12 کلن ماشوم لپاره تاسو کولی شئ تقاضا وکړئ چې هغه خپل ویتال کارت ولري. له همدې امله تاسو انتخاب لرئ چې خپل ماشوم په خپل ویتال کارت کې ولرئ یا د هغه لپاره د ځانګړې ویټال کارت غوښتنه وکړئ.

دا د چا لپاره دی؟

موقع

ټوله فرانسه

پرته له دې ناممکن دی
په فرانسه کې د اوسیدو سند
پرته له دې ناممکن دی
دافپرا لخوا دزیږون سند
موقع

ټوله فرانسه

پرته له دې ناممکن دی
په فرانسه کې د اوسیدو سند
پرته له دې ناممکن دی
دافپرا لخوا دزیږون سند

څنګه وکړو؟

1

1 اختیار - د پوسټ له لارې د ویټال کارت لپاره تقاضا کول

کله چې تاسو خپله دایمې د ټولنیز امنیت شمیره ترلاسه کړئ (کوم چې د نارینه وو لپاره "1" سره پیل کیږي، د ښځو لپاره "2") ، د "زما نوی ویتال کارت" « Ma nouvelle carte Vitale » فورمه به تاسو ته واستول شي.

د پوست له لارې ویتال کارت تر لاسه کولو لپاره په مربوطه فورمه کې باید تاسو لاندې ټکې په پام کې ونیسئ:

  • په فورمه کې ښودل شوي معلومات چیک کړئ. که کومه تېروتنه یا څه پاته شوې وي، نو تاسو باید خپل د لومړني روغتیا بیمې مرکز (CPAM) سره رابطه وکړئ ترڅو هغوی معلومات اصلاح کړي.
  • که معلومات سم وي ، فورمه لاسلیک کړئ.
  • په ورکړل شوي ځای کې د پاسپورټ سایز یورنګه عکس ولګوئ.
  • د خپل ایډی (ID) کارت یوه فتو کاپي ورسره ضمیمه کړئ (ستاسو ID باید عکس ولري)
  • فورمه او د خپل هویت پاڼې (ایډی کارت) یوه فتو کاپي په هغه پاکټ کې چې له فرمې سره وو، واستوئ (دا دمخه ډک شوی د پوست لیږلو لفافه ده چې تاسو د فورمې سره ترلاسه کړي). په اخیر کې، تاسو باید په لفافه باندی یو ټکټ (سټمپ) ولګوئ او پوسټ یې کړئ.

تاسو به د نږدې دری اونیو په جریان کې خپل ویتال کارت ترلاسه کړئ.

ښه پوهیدل: که تاسو خپل د ټولنیز امنیت دایمې شمیره ولرئ (کوم چې د 1 نارینه وو لپاره په 1 شمیره پیل کیږي او د ښځو لپاره په 2) ، موږ تاسو ته مشوره درکوو چې آنلاین توګه د انټرنټ له لارې د خپل ویتال کارت لپاره غوښتنه وکړئ. دا ګړندی دی (راتلونکي ګامونه وګورئ).

2

اختیار 2 - د ویټال کارت لپاره په آنلاین بڼه غوښتنه وکړئ

د خپل ویټال کارت ترلاسه کولو لپاره، تاسو باید د ټولنیز امنیت یوه ثابته او دایمې شمیر ولرئ (کوم چې د نارینه وو لپارهپه یو "1" سره پیل کیږي ، د ښځو لپاره په دوه "2" او نورولپاره په "7" یا "8").

ښه پوهیدل: د ټولنیز امنیت وروستی او دایمې شمیره ترلاسه کول ډیر وخت نیولی شي. ددې لپاره تاسو باید د مدني حالت اسنادو کاپي چمتو کړئ چې د OFPRA لخوا صادر شوي وي، ترڅو وکولای شئ خپله ثابته او دایمې شمیره تر لاسه کړئ.

کله چې ستاسو د ټولنیز امنیت دایمې او ثابته شمیره ترلاسه کړئ، تاسو کولی شئ خپل د امیلي (Ameli) حساب (ټولنیز امنیت شمیره او شخصي شفر) جوړ کړئ، چیرې چې تاسو کولی شئ د ویتال کارت لپاره غوښتنه وکړئ.

  • دلته کلیک کولو سره تاسو د روغتیا بیمې (le site de l’Assurance Maladie)(امیلي) ویب پاڼه کې خپل حساب ته ننوتلی شئ.
  • د "زما کړنلارې" ("Mes démarches") برخې ته لاړشئ ،
  • بیا "زما د ویتال کارت" "Ma carte Vitale" ،
  • بیا د "ویتال کارت غوښتنه وکړئ" "Commander ma carte Vitale" .
3

اړونده بیمه کونکی کس وټاکئ

د چا لپاره چې تاسو غواړئ د ویتال کارت ترلاسه کړئ هغه کس انتخاب او نوم یې ورکړئ.

وګورئ چې ورکړشوې معلومات سم دي لکه (مدنې حالت، د پوستې پته، بریښنالیک پته، د تلیفون شمیره، او نور).

4

اړین اسناد ورکړئ

تاسو باید د ډیجیټل (سکین شوي) سندونه ورسره ضمیمه کړئ ترڅو ستاسو غوښتنه ومنل شي لکه:

  • ستاسو د پاسپورټ سایز عکس
  • ستاسو پیژندپاڼه (ایډي کارډ)
5

معلومات یوځل بیا وګورئ او خپله غوښتنه تایید کړئ

که ستاسو معلومات سم وي، نو خپله غوښتنه تایید او ولیږې.

ښه پوهیدل: ستاسو د غوښتنې په پای کې د معلوماتو لنډیز په اسڪرين ښودل کیږې. په یاد ولرئ چې دغه معلومات په خپل موبایل یا کمپیوټړ کې وساتئ، په غوښتنه کې د ستونزې په صورت ورنه استفاده کولای شئ.

تاسو به د نږدې 2 اونیو په جریان کې د پوسټ له لارې خپل ویتال کارت ترلاسه کړئ.

ښه پوهیدل: ستاسو د ویټال کارت به ستاسو د شخصي معلوماتو په لرلو سره د یوې ورقې (هارډ کاپي) په شکل تاسو ته راولیږل شي. دا سند وساتئ، که تاسو خپل کارت ویتال له لاسه ورکړئ یا که تاسو اړتیا لرئ خپل حقونه ثابت کړئ، ددې سند په لرلو سره کولای شي بیرته یې ترلاسه کړئ.

او وروسته؟

په کال کې یو ځل خپل د ویتال کارت تازه کړئ

دا اړینه ده چې خپل د ویټال کارت په کال کې یو ځل یا د هر بدلون په حالت کې تازه کړئ لکه (د C2S نوي کول، د پته بدلول، ازدواجی حالت او داسې نورو حالاتو کې).

دا په درملتونونو، روغتیا بیمې سازمانونو یا ځینې روغتیایی تاسیساتو کې ترسره کیدی شي.

د خپل کارت له لاسه ورکولو یا غلا کیدو راپور ورکړئ

د ویټال کارت له لاسه ورکولو یا غلا کیدو په صورت کې، تاسو باید خپل د لومړني روغتیا بیمې مرکزته په انټرنیټ د خپل املي حسابله لارې، د تلیفون له لارې، د لیک له لارې خبر ورکړئ او یا هم په خپله د مرکز ریسپشن ته لاړ شئ.

تاسو کولی شئ د نوي ویتال کارت وړیا غوښتنه وکړئ.

ایا تاسو ګټوراو مفید معلومات وموندل؟
له هغو مرسته کونکو څخه مننه وکړی چاچی د معلوماتو په اضافه کولو، ژباړه او لیکول که ونډه اخستي
119 🙏
متحرک او فعال وڼده اخستونکي کسان
11دا صفحه اپډیټ وساتئ او خپلې پوښتنې ځواب کړئ
Proposé par
Comité de la Démarche Accessible

Comité de la Démarche Accessible