د ژباړونکي کیدو لپاره هیڅ تصدیق لیک یا اتستاسیون ته اړتیا نشته، ولې دا مهمه او غوره ده چې په هغه ژبه چې تاسو یې ژباړئ برلاسی او مهارت ولرئ. که چیرې دا ستاسو مورنۍ ژبه نه وي، نو زموږ سپارښتنه داده چې یا خو تاسې د یادې ژبې زده کونکی اوسئ یا دمخه د ژباړې په برخه کې تجربه ولری. دا اړینه ده چې په فرانسوي ژبه کې د لوستلو او لیکلو وړتیا ولرئ ترڅو په اصلي متن پوه شي او د متن پیغام، مفهوم یا ژباړه تحریف نشي.

تاسې د خپل سرعت سره سم ژباړه کوی او له تاسو څخه د مشخص شمیر فایلونو د ژباړي غوښتنه نه کیږي. که تاسو له 10,000 زره زیاتي کلمې وژباړی (د 20 او 30 فایلونو ترمنځ)، موږ کولی شو ستاسې د هڅوني او پرمختګ په موخه د پیوستون یا سولیدیر ژباړې سرتفکیټ درکړو او ستاسې تعهد او ژمنې ته وده ورکړو.

په اوسط ډول یو فایل 300 کلمې لري. زموږ د اټکل لمخې د وړاندیزشوي کمپیوټري یا اتوماتیکي ژباړې اصلاح کول د 15 څخه تر 30 دقیقو پورې وخت نیسي. لاندې ټکو ته پام وکړئ: ساده جملې وکاروئ او د لهجې یا ډیالیکټ کارولو څخه ډډه وکړئ. په فرانسوي کلتور او ادارو کې کاریدونکي ځانګړي اصطلاحات تشریح کړئ (تصدیق لیک، نوي کول...) ولې هغه مهم اصطلاحات چې ستاسې په ژبه کې یې ژباړه شتون نلري، نو فرانسوي کلمات او اصطلاحات وکاروئ. د ټکي په ټکي ژباړې څخه ډډه وکړئ، کوښښ وکړئ چې په اتوماتیک ډول شوي ژباړه اصلاح کړئ. تاسې کولی شئ د فایل د ژباړې په جریان کې هر وخت چې وغواړئ ژباړه ودروئ. کومه ژباړه چې تاسې ترسره کړې وي هغه په اتوماتیک ډول ثبتیږي، او دا هم ستاسې لخوا د ژباړې په برخه کې لویه او مهمه مرسته ګڼل کیږي!

هغه خلک چې ویب پاڼه او اپلیکیشن کاروي، اوسمهال کولی شي معلومات په خپله ژبه ومومي، دا ستاسو د ارزښتناکو مرستو او زحمتونو پایله ده. همدا ډول، دا ستاسو لپاره هم یوه بډایه، ښه تجربه او لاسته راوړنه ده، تاسو د یوې نوې وسيلې یا پروګرام کارول زده کوی، په فرانسوي ژبه کې پرمختګ کوی، او د یوې ملي پروژې سره مرسته او همکاري کوی.

د ریفوجي.انفو (Réfugiés.info) پلیټفارم کې شته معلومات په یوه بله یا نوې ژبه ژباړل ممکن دي. ولې ددې لپاره پریکړه پدې اساس کیدای شي چې په اړونده ژبه د معلوماتو ژباړل په اوسني شرایطو کې څومره اړین دي او په څومره تعداد کې خلک غواړي او علاقه لري چې په نوې ژبه معلومات وژباړل شي. که تاسې په یو بله ژبه خبرې کوی او غواړی مواد یا معلومات وژباړی، ترڅوهغه ستاسو ټولنې یا د یادې ژبې وګړو ته د لاسرسي وړ وګرځي، نو دا فورمه بشپړه کړئ.