آفپرا ګوري او معلومه وي چې ستاسې په دوسیه کې ورکړل شوي ټول معلومات په لاندې اسنادو کې یو له بل سره سمون او مطابقت لري او کنه:

• د پناه غوښتنې فورمه
• په افپرا (Ofpra) کې مرکه
• د سیندیا محکمې (CNDA) احتمالي پریکړه
• د کورنۍ د معلوماتو ورکولو فورمه
• لیږدول شوي اسناد (پاسپورټ، د هویت اسناد، د مدني حالت اسناد، او نور)

که ستاسې په دوسیه کې ځیني معلومات نه وې ورکړل شوي، اوفپرا به له تاسې څخه د اضافي معلوماتو غوښتنه وکړئ او د دوسېې د ځنډیدو یا بلاک کیدو خطر هم شتون لري.

1 پاڼه: په فرانسه کې ستاسې هویت او پته

• ستاسې مدنې حالت : د خپل هویت په اړه ټولې برخې په دقیق ډول بشپړ کړئ. د ټولوغوښتل شویو نیټو د لیکلو په وخت تاسې باید ورځ، میاشت او کال ولیکئ، که تاسوته معلوم وي.
• پته او اړیکه : خپله بشپړه پته په ګوته کړئ ترڅو ډاډ ترلاسه کړئ، چې د آفپرا ادارې څخه لیکونه ترلاسه کړئ. مهرباني وکړئ په یاد ولرئ، که تاسو خپل پته، د تلیفون شمیره یا بریښنالیک بدل کړئ، نو تاسې باید د آفپرا ویب پاڼه کې د خپلې اړیکې توضیحات او معلومات تغییر کړئ او نوي معلومات ثبت کړئ ( د دې پاڼې په پای کې "که ستاسې شخصي وضعیت بدل شي" “Si votre situation personnelle change” برخه وګورئ ).

2 پاڼه: ستاسو د کورنۍ اوسنی وضعیت

دا ستاسې په وضعیت پورې اړه لري، ولې څومره چې ممکنه وي بشپړ یې کړئ:

• مجرد: که تاسو اوس مهال مجرد یاست، تاسو کولی شئ بلې پاڼې ته لاړ شئ.
• یوځای ژوند کول: که تاسو د یو چا سره یوځای ژوند کوئ، پرته لدې چې تاسې یو له بل سره په رسمي ډول واده کړی وي، نو د "ستاسو میرمن " برخه او احمتالا " د اړوند ګډ ژوند په پایله کې ماشومان " برخه بشپړه کړئ.
• متزوج یا واده کړی: که تاسو د خپل میړه یا میرمنې سره ژوند کوئ او په رسمي توګه مو واده یا ازدواج کړی وي، د " الف - که تاسو واده کړی وي " " ستاسو خاوند یا میرمن " او احتمالا " د اړوند واده په پایله کې ماشومان " برخه بشپړه کړئ.
• طلاق شوی یا مطلقه : که تاسو په رسمي ډول واده کړی وي، مګر تاسو نور د هغه کس سره اړیکه نه لرئ یا ګډ ژوند نه کوئ او ستاسې طلاق په رسمي ډول ثبت شوی وي، نو " الف - که تاسو واده کړی وي" " که تاسو طلاق شوي یاست" " ستاسې میړه یا میرمن " او احتمالا " د اړوند واده په پایله کې ماشومان " برخه بشپړه کړئ.
• کونډ یا کونډه: که ستاسې میړه یا میرمن مړه شوې وي، نو " الف - که تاسو واده کړی وي " "ب - که تاسو کونډه یا کونډ یاست " " ستاسو میړه یا میرمن " او احتمالا "د اړوند واده په پایله کې ماشومان " برخه بشپړه کړئ.

3 پاڼه: ستاسې د پخوانۍ واده په اړه معلومات

د 2 مې پاڼې په ډول د 3 مې پاڼې بشپړول.

که تاسې مخکې هم څوځلي واده کړی وي، پاڼه کاپي کړئ ترڅو دا په ساده کاغذ کې بشپړ کړئ (یوه جلا سپینه پاڼه) د کورنۍ د معلوماتو رسمي پاڼې سره یې یو ځاي اوفپرا ته واستوئ.

4 پاڼه: نیټه او لاسلیک

د نیټې او لاسلیک لیکل مه هیروئ.

خپل ځان مطمیین کړئ چې دوسیه په سمه توګه بشپړشوي سره دلاندې اسنادو سره:

• د کورنۍ حوالي یا معلوماتو فورمې 4 پاڼې
• که تاسو دا کار نه وي کړی، ستاسو د پاسپورټ، هویت کارت او د زیږون سند اصلي نسخې چې ستاسو د اصلي هیواد لخوا صادر شوي، کوم چې تاسو باید نور ونه کاروئ.
• هغه اضافي معلومات چې تاسو یې غواړئ اوفپرا ته واستوئ په ساده کاغذ ولیکئ.

بیا تاسې کولی شئ خپله بشپړه دوسیه د پوست له لارې په لاندې پته واستوئ:

OFFICE FRANÇAIS DE PROTECTION DES REFUGIES ET APATRIDES

201, RUE CARNOT

94136 FONTENAY-SOUS-BOIS CEDEX

تاسو باید سمدستي آفپرا ته خبر ورکړئ:

• که تاسې له خپل اوسني ځای څخه کډه کوئ : په ویب پاڼه کې د بدلون لپاره پته

> دا معلوماتي فایل هم ولولئ: د Réfugiés.info پاڼه کې "د اړیکو د جزیاتو د بدلون په اړه OFPRA ته خبر ورکول ".

• که ستاسي کورنۍ یا مدني وضعیت بدل شوی وي (واده، جلا کړون، وفات کیدل، او نور): د پوست له لارې ملاتړ کونکي اسناد او ثبتونه واستوئ.