په بهر کې واده کول

د.........لخوا وړاندیز شوي Ofpra ...میاشي کیږي چې نوي شوي il y a un mois

کله چې یو شخص چې د فرانسې هیواد لخوا محافظت یا خوندیتوب ترلاسه کړی وي او د (کډوال، فرعي محافظت څخه ګټه اخیستونکي، بې وطنه افرادو) په توګه پیژندل شوي وي کولای شي چې په یو بهرنې هیواد کې واده یا د ازدواج مراسم ترسره کړي.

دا سپارښتنه کیږي چې ټول اړین اجراآت او چارې څو میاشتې مخکې ترسره کړئ، ځکه چې د ځانګړو اسنادو ترلاسه کول وخت نیسي.

واده باید د فرانسې د قانون مطابق وشي، دا پدې مانا ده چې باید هغه شرایط چې په فرانسه کې د واده کولو لپاره دې پوره شي، نور شرایط ممکن د اړوند هیواد پورې اړه ولري.

مهمه یادونه: تاسو کولی شئ په فرانسه کې د واده شرایطو، حقونو او دندو په اړه د نورو معلوماتو لپاره زموږ " په فرانسه کې واده کول " پاڼه وګورئ.

کله چې ستاسې د ازدواج او نکاح مراسم له فرانسې څخه بهر ترسره شي، نو ددې لپاره چې ستاسې ازدواج په فرانسه کې رسمیت غوره کړي او ثبت شي، تاسې باید یو شمیر کړني او اجراآت ترسره کړئ.

مهمه یادونه: د یو جنس کسانو (د ښځیې له ښخې یا سړي له سړي سره) واده کول په فرانسه کې قانوني بڼه لري، ولي دا کار په ځینو هېوادونو کې ممکنه ده.

څنګه یې وکړو ؟

یوځل چې تاسو پریکړه وکړه چې خپل واده په بهر کې ولمانځئ، نو اړینه ده چې ژر تر ژره په ټاکل شوي هیواد کې له فرانسوي چارواکو سره (د فرانسې سفارت یا کونسلګیرۍ سره) اړیکه ونیسئ، ددې لپاره چې د اړوند هیواد د ځانګړو طرزالعملونو او قوانینو په اړه ځان خبر کړئ، ترڅو وکولای شئ چې د واده مراسم په قانوني توګه ولمانځئ او رسمي بڼه غوره کړي.

تاسو همدارنګه کولای شئ چې پدې اړه د یو وکیل څخه هم مالومات ترلاسه کړئ.

مهه یادونه: همدارنګه په یاد ولرئ چې د ځایي چارواکو سره اړیکه ونیسئ ترڅو د واده د طرزالعملونو او پروسې د مودې مطابق د استوګنې جواز ترلاسه کړي، لکه (د کډوالو لپاره د سفر کولو سند یا پاسپورټ (TVR) او د اړتیا په صورت کې ویزه).
د ریفوجي.انفو Refugees.info په صفحه کې "د سفر سند ترلاسه کول" مالوماتي فایل هم ولولئ.

تاسو باید د ملاقات وخت ونیسئ یا په نوموړي هیواد کې د فرانسې سفارت یا قونسلګرۍ ته بریښنالیک واستوئ چیرې چې واده کول غواړئ.

ورتسه به دواړه واده کونکي (ناوي او زوم) د مرکې لپاره بلل کیږي.

تاسو باید لاندې اسناد له ځان سره راوړئ:

پېژندپاڼه (د عکس سره) : د استوګنې معتبر جواز ("کډوال" د استوګنې کارت، د څو کلنې استوګنې اجازه چې د فرعي محافظت څخه ګټه پورته کوي)، د هویت کارت / پاسپورټ؛
د استوګنې ثبوت : د کرایې رسید، د بریښنا بیل، د تلیفون بیل، او نور.
د معلوماتو پاڼه (د سفارت یا قونسلګرۍ لخوا ورکړل شوې) بشپړه شوې؛
د راتلونکې واده کونکي جوړې میرمن او خاوند د زیږون سند کاپي، چې د 3 میاشتو څخه کم نیټه (6 میاشتې که سند بهر ترلاسه شوی وي، د ژباړې او قانوني حیثت سره)؛

تاسو کولی شئ دا سند د OFPRA په ویب پاڼه کې ترلاسه کړئ.

مهمه یادونه: > د Refugees.info مالوماتي پاڼو لوستلو لپاره: "د زیږون د سند غوښتنه کول" او "د سند رسمي ژباړه ترلاسه کول".

ستاسو د وضعیت په پام کې نیولو سره، کیدای شي چې د نورو اسنادو غوښتنه هم وشي.

دا یو رسمي سند دی چې ستاسو ازدواج یا واده له لاندې معلوماتو سره اعلانوي :

د راتلونکي جوړې د خاوند او میرمنې لومړني نومونه، تخلصونه، مسلکونه، استوګنځی یا د اوسیدو ځای؛
هغه ځای چیرې چې واده ترسره شوی.

د واده د اعلان سند خپرول اجباري دي (غیر له کومي استثنی) د څو ورځو لپاره په بهرني هیواد کې د فرانسې په سفارت یا قونسلګرۍ کې، یا په فرانسه کې د ښاروالۍ په تالار کې.

د مرکې او د واده د اعلان سند د خپریدو له دورې وروسته، د " د واده کولو وړتیا سند " صادریږي، که چیرې د فرانسې د قانون لمخې چمتو شوي شرایط تایید شي.

دا په هغه هیواد پورې اړه لري چیرې چې تاسو واده کوئ، د واده یا نکاح مراسم کیدای شي چې د لاندې چارواکو څخه د یوه لخوا ترسره شي:

د مدني حالت یو مسؤول
بهرنۍ قونسل؛

د مراسمو وروسته، تاسو ته یو نکاح خط در کول کیږي.

مهمه یادونه: دا سپارښتنه کیږي چې د خپل نکاح خط څو فتوکاپیاني واخلئ.

د کډوالو لپاره د واده هیڅ سند نشته. په هرصورت، تاسو اړتیا لرئ چې د اوفپرا څخه د خپل زیږون سند تازه کولو غوښتنه وکړئ (بل برخه وګورئ).

او ورپسې څه وکړو؟

هرڅومره ژر چې تاسو فرانسې ته راستانه شئ، تاسو کولی شئ د افپرا له ادراې سره د خپل واده ثبتولو غوښتنه وکړئ.

مهمه یادونه: تاسو به اړتیا ولرئ چې د خپلې افپرا (OFPRA) دوسې شمیره له ځان سره ولرئ. دا د XX-XX-XXXXXX ډوله 9 عددي شمیره ده چې د افپرا (OFPRA) لخوا تاسو ته د لیږل شوي هر لیک په پورتنۍ کیڼ اړخ کې لیکل شوي.

تاسو باید دلته په کلیک کولو سره شته فورمه ډکه کړئ او لاندې اسناد ورسره یوځای کړئ:

د واده کولو وړتیا سند یا د واده کولو د اعلان، یا امر خپرولو سند (publication des bans)،
د واده مراسمو لمانځلو هیواد ته د ننوتلو او وتلو ټاپو سره د پاسپورت فوټوکاپي او د الوتکې یا اورګاډي ټکټ کاپي،
د بهرني نکاح خط اصلي نسخې یو فوتوکاپي او د هغه ژباړه چې د یوه رسمي ژباړونکي لخوا ترسره شوي وي، او همدارنګه د اصلي سند او ژباړې دواړه مخونو (recto-verso) فوټوکاپي.

>> په ریفوجي.انفو Refugees.info پاڼه کې "د سند رسمي ژباړې ترلاسه کول" هم ولولئ.

تاسو باید خپل دوسیه د پوست له لارې لاندې ادرس ته واستوئ:

OFPRA

201 rue Carnot

94136 Fontenay-sous-Bois Cedex

دا مشوره ورکول کیږي چې د فورمې یوه کاپي واخلئ او د رسید تصدیق سره یې د پوست له لارې واستوئ.

مهمه یادونه: که چیرې واده د نړیوال خوندیتوب ترلاسه کولو وروسته په بهر کې ترسره شي، افپرا OFPRA یا د فرانسې ښاروالۍ نشي کولی د کورنۍ ریکارډ یا کتابچه (livret de famille) ورکړي. د دې اسنادو ترلاسه کولو لپاره تاسو باید د هغه هیواد چارواکو سره مستقیم تماس ونیسئ چیرې چې د واده یا نکاح مراسم لمانځل شوې وي.