"خوندي سفر" "sauf-conduit" (دا هغه سند دی چې تاسو ته خپل اصلي هیواد ته د سفر کولو اجازه درکوي) په خورا نادرو او ځانګړیو مواردو کې ورکول کیږي.

نو تاسې بايد يو جدې او قانع کونکی دليل ولری تر څو ستاسو غوښتنه ومنل شي.

مثالونه: د کورنۍ د غړي جنازه، د کورنۍ ناروغه غړی، د اداري پروسیجرونو او اجراآتو ترسره کول، لکه (طلاق، میراث، او داسې نور).

د خوندي سفراجازت لیک sauf-conduit سند غوښتنه باید د خپل اوسیدو ځای پریفکتور ته وکړئ. تاسو باید لومړی د پریفکتور د خدماتو څانګي سره اړیکه ونیسئ ترڅو د اړونده اجراآتو په اړه ځان خبرکړئ، لکه د تعقیب پروسې ومومئ (استقبال، د ملاقات وخت اخیستل، د اسنادو لیست چمتو کول او داسې نور).

کوم اسناد باید پریفکتور ته واستول شي:

که تاسو له 18 نه زیات عمر لری نو تاسو باید لاندې اسناد چمتو کړئ:

- یو پوښښ لیک چې د سفر سند یا اجازت لیک غوښتنه او د پلان شوي سفر دلایل مشخص کوي. تاسو کولی شئ د سفر توجیه کولو لپاره لازم اسناد ضمیمه کړئ (د مړینې سند، د روغتون تصدیق لیکونه، او نور) ، ستاسو د الوتکې ټکټونو کاپي، د استوګنې ځایونه، او نور. تاسو کولی شئ ټرانزیټ هیوادونه مشخص کړئ چې دکمو څخه به تاسو د سفر په اوږدو کې تیریږئ.

- ستاسو د اوسیدو صلاحیت لرونکي جواز یا تتخ دی سیجور

- د کډوالو لپاره د سفر سند یا پاسپورټ.

- د پتې ثبوت (EDF رسيد، د ګرځنده تليفون بل، او داسې نور) يا د استوګنې سند چې د اسنادو له ختميدو دمخه د 3 مياشتو لپاره اعتبار لري.

- یو شخصي اقرار لیک په کوم کې چې به تاسو ددې اقرار کوی چې پریفکتور تاسو ته د خپل اصلي هیواد ته د بیرته ستنیدو په صورت کې د پیښودونکو خطرونو ارزونه کړي او خبرداری درکړی.

- 3 عدد د پیژندنې عکسونه (مخ او سر)

- د سند اخیستو لپاره د فیس ټکت Les timbres fiscaux .

که تاسو کوچنی یا زیریسن یاست، تاسو اړتیا لرئ چې لاندي اسناد چمتو کړئ:

- یو پوښښ لیک چې د سفرسند او جازت لیک غوښتنه او پلان شوي سفر دلایل مشخص کوي. تاسو کولی شئ د سفر توجیه کولو لپاره لازم اسناد باید ضمیمه کړئ (د مړینې سند، د روغتون تصدیق لیکونه ، او نور) ، ستاسو د الوتکې ټکټونو کاپي، د استوګنې ځایونه، او نور. تاسو کولی شئ د سفر په جریان کې ټرانزیټ هیوادونه مشخص کړئ.

- د دواړو والدینو د اوسیدو کارتونه یا تتخ دی سیجور.

- د ماشوم د کډوالی سفر سند یا پاسپورټ.

- د هویت کارتسند (TIR) یا د خوځښت سند (DCEM) که يې ولري.

- د پتې ثبوت (EDF رسيد، د ګرځنده تليفون بل، او داسې نور) يا د استوګنې سند چې د اسنادو له ختميدو دمخه د 3 مياشتو لپاره اعتبار لري.

- یو شخصي اقرار لیک په کوم کې چې به تاسو ددې اقرار کوی چې پریفکتور تاسو ته د خپل اصلي هیواد ته د بیرته ستنیدو په صورت کې د پیښودونکو خطرونو ارزونه کړي او خبرداری درکړی.

- د ماشوم وروستی د زیږون بشپړ سند.

- د آفپرا OFPRA اداري سند.

- 3 عدد د پیژندنې عکسونه (مخ او سر)

- د سند اخیستو لپاره د فیس ټکت Les timbres fiscaux .

ستاسو د اسنادو د سپارلو وروسته (د پوښښ لیک، د سفرکولو دلایلو په اړه اسناد، اقرار لیک، د سند اخیستنې فیس او د پیژندنې عکسونه). د پریفکتور لومړني خدماتو څانګه د اسنادو د ارزونې او څیړنې لپاره لیږ تر لیږه یوه میاشت وخت اخلي.

که ستاسو غوښتنه تایید او منل شي، نو تاسو به وکولی شئ د خوندي سفر سند ترلاسه کولو لپاره د استوګنې کارت یا تتخ دی سیجور، TIR / DCEM او د سفر اسناد تبادله کړئ.

د دې کار ترسره کولو لپاره تاسو باید په شخصي ډول (کوچنی یا زیرسین باید له د دواړو والدینو سره یوځای) پریفکتور ته لاړشئ. نور توضیحات به تاسو ته د پریفکتور لخوا درکړل شي.

فرانسې ته ستاسو د راستنیدو په وخت، تاسو کولی شئ د خپل خوندي سفر کولو اجازت نامي (sauf-conduit) کاپي سره پریفکټور ته لاړ شئ ترڅوخپل د استوګنې جواز یا تتخ دی سیجور او نور تسلیم کړي اسناد بیرته ترلاسه کړئ.