تاسو به په دې Réfugiés.info پاڼه کې ټول هغه معلومات ومومئ چې تاسو ورته اړتیا لرئ، ترڅو تاسې وکولی شئ د فرانس تخوی France Travail سره ځان ثبت او راجستر کړئ.

کله چې ستاسو نوم لیکنه بشپړه شي، فرانس تخوی France Travail به تاسو ته ستاسې د ټاکل شوي مشاور نوم او بریښنالیک آدرس درواستوي.

ستاسو مشاور ستاسې د وضعیت په اړه معلومات لري او ستاسو پوښتنو ته د ځواب ویلو لپاره شتون لري، ستاسې په لټون کې له تاسې سره مرسته کوي او ستاسې د مسلکي اهدافو پراساس روزنه وړاندیز کوي.

د فرانس تخوی ویب پاڼې کې د راجستر کولو وروسته، تاسو کولی شئ خپله سي وي CV ( د کوریکولم ویټا) په خپل شخصي ځای کې "زما د مهارتونو پروفایل او زما سي وي CV" کې جوړه کړئ.

فرانس تخوی France Travail تاسو ته وړیا ویډیو وړاندیز کوي ترڅو ستاسو د سي وي CV په جوړولو کې مرسته وکړي. تاسو کولی شئ دا دلته وګورئ، خپل شخصي ځای سره د وصل کیدو له لاري.

تاسو کولی شئ د هغه دندې لپاره چې تاسو یې په لټه کې یاست د موټویشن یا پوښښ لیک هم ولیکئ. په دې لیک کې تاسو باید خپله کارې سابقه، مهارتونه، تجربه او د کار کولو لپاره ستاسو علاقمندې تشریح کړي.

یوځل چې آنلاین ستاسو CV او پوښ لیک ثبت شي نو هغه شرکتونو چې د ګمارلو په لټه کې وي هغوی ته به ښکاره شي. همدارنګه کله چې تاسو د کومې دندې لپاره تقاضا کوئ، نو ستاسو سې وي او لیک به په ویب پانه کې همیشه ثبت وي.

د فرانس تخوی France Travail ویبپا ڼه یا ستاسو شخصي ځای کې ("زما دندې لټون" "Ma recherche d'offres" برخې) څخه په استفادې، تاسې د خپلو ټاکلو مشخصاتو اوعلاقې وړ بخشونو کې چې ستاسې لپاره مهم دي د دندې شته فرصتونه په لاندې ډول موندلای شئ :

• ښار،
• ستاسو د زده کړې کچه،
• د تړون نوعیت (انتریم، نیم وخت، بشپړه وخت تړونونه)،
• د فعالیت ساحه،
• د دندې یا شغل نوم.

یوځل چې تاسو یو وړاندیز ومومئ چې ستاسو سره مناسب او د علاقې وړمو وي، نو د تقاضا کولو لپاره تاسې 2 امکانات لری چې خپله غوښتنه وکړئ:

• خپله سي وي او پوښښ یا انګیزه لیک ورکړ شوې بریښنالیک ته واستوئ
• یا هم خپله CV او پوښښ لیک د هغه چا سره چې د پولي امپولا د استخدام په صفحه کې یې د دندې وړاندیز نشر ته سپارلی شریک کړئ.

سپارښتنه کیږي چې د هر وړاندیز لپاره خپل پوښښ یا انګیزه لیک په جداګانه ډول تنظیم کړئ، په داسې شکل چې د دندې له نوعیت سره سم خپل مهارتونه چې د ورکړشوې پوست لپار لازمي وي په سر کې ذکر کړئ.

کله چې تاسوغوښتنلیک یا دندې لپاره تقاضا وکړئ ، تاسو کولی شئ د خپل کاندید په ساحه کې د هغې پرمختګ تعقیب کړئ، ترڅو معلومه کړئ چې شرکت یا اړونده اداري تاسې ته ځواب درکړئ.

شرکتونه کولی شي له تاسو سره مستقیم د بریښنالیک یا تلیفون له لارې اړیکه ونیسي.

که چیرې یو ګمارونکی تاسو ته د مرکې وړاندیز وکړي، تاسو کولی شئ په فرانس تخوی France Travail کې له خپل مشاور سره اړیکه ونیسئ ترڅو د مرکې لپاره هغه تاسې چمتو اوپه دې اړه له تاسو سره مرسته وکړي او یا هم د مرکې لپاره د ځان چمتو کولو لپاره آنلاین مشورې دلته ومومئ، که ورته اړتیا لرئ.

په یاد ولرئ چې تاسې باید د هرې نوې تجربې ترلاسه کولو ورسته (کار، رضاکارانه، روزنه، او نور)، نوي معلومات په خپل کاغذي سي وي CV او ستاسې د فرانس تخوی France Travail شخصي ځای یا حساب کې تازه کړئ.