ኣብ ፈረንሳን ናይ ቀረባ ፈታዊ ተሓላቂ ሰብ (ትኽ-ትንፋስ ) ንምርካብ

ንስኻ ሓደ ወለንተኛ ክፉት ኣተሓሳስባ ዘለካን ሰብ ኴንከ ፣ ንሓደ ስደተኛ ኣብ ፈረንሳ ክትሕግዝ ድሉው ዲኻ? መንግስቲ ፈረንሳን ሚኒስተር ውሽጣዊ ጉዳያትን ብምትሕብባር፤ ነዚ ናይ ግብረ ሰናይ፥ ተግባር ኣብ ግብሪ ምውዓል፤ ዝከኣለሉ፥ ብግህዶ ጭቡጥ ዝኾነሉ ጉዳይ ኣጣጢሑ ኣሎ::

ኣብዚ መደብ ምሕገዝ ንስደተኛታት እምበኣር, ብቐዳምነት ምስ ሓደሽቲ ሰባት ብምልላይን ኣብ ናይ ትርፊ ጊዜኦም ዘሕልፍዎ ምዝንጋዕ ዘጠቓለለ ኾይኑ፤ ሲነማ ሙዚቃ ምዝንጋዕ ካልእን እዚ እትወስድዎ ስጉምቲ ድማ ኣብ ሂወት ሓደ ስደተኛ፤ ዓቢ ኣስተዋጻኦ ንኽትገብሩ ዓቢ ኣፍደገ የርሑ ።

ስለዚ ንስኻ ብወለንታኡ ናይ ግብረ ሰናይ ሓጋዚ ደኣ እምበር ኣብ ቦታ ወይ ሞያ ናይ ሓደ ተሓጋጋዚ ናይ ማሕበራዊ ሂወት ማለት( ትራቫዮር ወይ ኣሲስታንት ሶሺያል travailleur social) ክትትክእ ዘገድደካ ዝኾነ ይኹን ሓሳብ ይኹን ሓይሊ ከምዘየሎ ክትፈልጥ ይግበኣካ።

እቲ ተደልዩ ዘሎ ሸቶ ነዚ ክትሕግዞ ደሊኻዮ ዘለኻ ስደተኛ፤ ኣብ መንጎኻን ኣብ መንጎኡን ማሕበራዊ ዝኾነ ምትእስሳርን ምትሕልላይን፥ ዝመለኦ ዝምድና ምፍጣርን እቲ ናይ ምትሕግጋዝ መንፈስ ድማ፥ ምምዕባሉን እዩ።