کار او کور ته لاسرسی

د PRIR 15 ټیم په ټولنیز ملاتړ، هستوګنې، کارموندنې او روزنې ته د لاسرسي به برخو کې له متخصصینو او مسلکي کسانو څخه جوړدی، چې د کډوالو عامه ملاتړ کې تخصص لري او د اړتیا په صورت کې ژباړونکي هم استخدامه وي ترڅو د خبرو اترو په افهام او تفهیم او اجراآتو کې اسانۍ رامینځته کړي.

د پرپ (PRIR 15) اساسي همکارو اړخونو څخه ادارې بنسټیز شریکان، د مهاجرینو په پاملرنې کې متخصص او مسلکي شریکان او ټول هغه سیکتورونه او مسلکي فعلان چې د کار قانون، روزنې او هستوګنې په برخو کې کار کوي له دې پروګرام سره همکار دي.

پرپ (PRIR 15) له کډوالو سره د خپل لومړي خپلواک استوګنځي ته د لاسرسی موندلو کې مرسته کوي:

• د هستوګنځي موندلو او لټون کې ملاتړ: په فرانسه کې د هستوګنې په اړه د مشکلاتو او شرایطو لپاره (انفرادي او ډله ایز) ځانګړی چمتووالی او د کرایه دار حقونو او دندو په اړه معلومات.
• انفرادي ملاتړ کله چې نوي هستوګنې کې میشته کیږئ.
• په کور کې د پاتې کیدو یا ساتني په موخه ملاتړ.

په ورته وخت کې نورې لنډمهاله حل لارې لټول کیږي او پلي کیږي. د مثال په توګه ( ټولنیز استوګنځی، ځوانانو استوګنځی، د کرایې منځګړیتوب، کرایه، د کور لنډمهاله تخصیص یا مالي ملاتړ، ګډ استوګنځی او داسي نور)

د ګمارنې په لور ملاتړ: ارزونه، د مسلکي پروژې جوړول، د دندې لټون په اړه تخنیکونه، د مرکو لپاره چمتو کول، له کار ګمارونکو سره ناستې او داسي نور.

د ژبې زده کړه او یا مسلکي روزنې په برخه کې ملاتړ: د روزنې مسیر او لارښود رامینځته کول، د کاري ځای یا مسلک له غوښتنو سره سمه روزنه، د ځانګړي روزنې کورسونو رامینځته کولو لپاره ملاتړ چې د عامه حقونو لخوا تر پوښښ او تمویل لاندي نه راځي او داسې نور.

د دندې ساتلو او پاته کیدو لپاره ملاتړ: د مثال په توګه، د قرارداد یا روزنې پرمهال د ګمارونکي یا روزنې سازمان سره په ګډه د اړونده شخص ملاتړ او مرسته کول.

• د حقوقو پرانیستل او ساتنه،
• د نړیوال محافظت پورې اړوند ځانګړې اجراآت او کړني (OFPRA ، OFII ، پریفیکتور، CAF او داسي نور).

زموږ پته:

18 rue Paul Doumer 15000 Aurillac

یوزاي د ملاقات وخت په لرلو سره کولای شئ له مونږ سره وګورئ

د PRIR د مرستي او ملاتړ پروګرام په اړه د هرډول معلوماتو لپاره تاسو کولی شئ موږ ته په لاندې ادرس یو بریښنالیک ولیکئ:

prir15@forumrefugies.org