د اوبو ساتونکي یا نجات ورکونکي بخش کې روزنه

د «سپلاش» دا روزنیز پروګرام د هغو کسانو لپاره ده چې د اوبو ساتونکې یا نجات ورکونکې مسلک غواړې زده کړي. د «سپلاش» "Splash" یو وړیا روزنیز پروګرام دی چې په 3 مرحلو کې تنظیم شوی:

1. جولای - اګست 2022: په اونۍ کې یو ځل د لامبو زده کولو کورس د یوه استاذ په شوتون کې چې تمرین وکړئ او په برنامه کې د داخلیدو ازموینې لپاره چمتوالی ونیسئ.

2. سپتمبر 2022: په برنامه کې د ادغام لپاره د ازموینې مرحلې (لامبو وهل او فرانسوي ژبه).

3. اکتوبر 2022 - فبروري 2023: د بشپړ وخت پروګرام پیل (په اونۍ کې 35 ساعته)، وړیا او د کار مندنې مرکز Pôle Emploi لخوا تمویل کیږي (د نومبر څخه).

زده کونکي به د BNSSA ډیپلوم سره فاریغیږي (د خوندیتوب او اوبو ژغورنې ملي بریوټ) دغه ډیپلوم تاسو ته اجازه درکوي چې د عامه یا خصوصي ساحلونه، د لامبو حوضونه، او د عامه لامبو حوضونو په څارنه کې د ژوند ساتونکو یا نجات ورکونکو مسلکي کسانوسره مرسته وکړی.

د فرانسوي ژبې مسلکي کورسونه او همدارنګه ټولنیزمسلکي، انفرادي او ډله ایز ملاتړ د سپلاش پروګرام برخه ده.

د "سپلاش" پروګرام د کبوبوKabubu، ایکول توټ l'École Thot او UCPA لخوا په شریکه رامینځته شوی چې د کارمندني یا Pôle Emploi او Afdas لخوا تمویل او مالي ملاتړ ورسره کیږي.