واکسين شوي کسان د واکسین کیدو سرټفکیټ په توسط کولای شي د روغیتا دایمي پاس (اجازت سند یا جواز) ترلاسه کړي. دا سرټفکیټ هغه وخت ورکول کیږي کله چې د واکسین ډوزونه بشپړ شي.

یادونه: دا هم ولولئ: زموږ په رسمي ویب پاڼه ریفیوجي.انفو کې لاندې اړونده معلوماتي فایل هم ولولئ:

"د COVID-19 پر وړاندې واکسین کول"

د دې لپاره چې سند د اعتبار وړ وي، تاسو باید:

• د واکسین دوهم انجیکشن یا پیچکاري مو لږترلږه له 7 ورځو کمه موده کې ترسره کړی يي (فایزر، آسټرازینیکا، ماډرنه)،
• د جانسن / جانسن او جانسن واکسین واحد انجیکشن مو لږترلږه د 4 اونیو موده کې ترلاسه کړی.
• هغو کسانو چې د کرونا ناروغي تیره کړې وي او له 7 ورځو نه کمه موده کې یې خپل یوازینۍ انجیکشن ترسره کړی وي.

یادونه: تاسو کولی شئ دا سند د کاغذ په شکل کې (د خپل واکسین سند سره) له ځان سره ولری او یا ډیجیټل ډول یعني په خپل موبایل تلیفون کې د TousAntiCovid اپلیکیشن له لارې ولری.

د ډیجیټل فارمټ یا شکل کې د خپل واکسین کید سند ترلاسه کولو لپاره تاسو کولی شئ د صحي روغتیا بیمې ویب پاڼې ته لاړ شئ (l'Assurance Maladie). دې صفحي ته تاسو کولی شئ د فرانس کنیکټ (France Connect) یا د خپل آمیلي (Ameli) حساب له لارې داخل شئ. بیا تاسو کولی شئ سند په پی ډی ایف شکل کې ډاونلوډ کړئ.

همدارنګه ستاسو شخصی ډاکټر یا فارماسست هم کولای شي چې دا سند تاسو ته د کاغذ په بڼه چمتو او تاسو ته درکړي.

یادونه : ددې لپاره چې ستاسو د واکسین سرټفکیټ د صحي جواز (پاس سانيتیر) لپاره د اعتبار وړ وي، تاسو باید دریم یا اضافي ډوز د واکسین وکړئ ( د "Et après?" برخې دوهمه مرحله وګورئ)

که تاسو د 6 میاشتو دمخه COVID-19 درلودله، نو تاسو به په اتوماتيک ډول د روغتیا پاس یا جواز ترلاسه کړئ.

بیا تاسو باید د خپل مثبت PCR ازموینې QR کوډ وړاندې کړئ، کوم چې باید د 11 ورځو څخه د زیاتي مودې وي (کله چې تاسو په ویروس اخته نه یاست) او د 6 میاشتو څخه کمه موده ولرئ.

ښه پوهیدل: د انټيجن مثبته ازموینه د اعتبار وړ نده. تاسو د پي سي آر (PCR) ازموینې ته اړتیا لرئ.

یادونه: ټولې پخوانۍ PCR ازموینې د QR کوډ نلري. که تاسو د 2021 کال د اپریل میاشتي یا له دې نه مخکې په کورنا ناروغۍ اخته شوي یاست، نوتاسو باید له هغه لابراتوار سره اړیکه ونیسئ چیرې چې تاسو ازموینه ترسره کړې وه، ترڅو هغوی د آزموینې پایله بیا د QR کوډ سره تدوین کړئ.

بیا تاسو کولی شئ د TousAntiCovid اپلیکیشن کې خپله د PCR مثبته ازموینه وارده کړئ.

تاسو باید په کرونا ناروغۍ له اخته کیدو څخه شپږ میاشتې وروسته واکسین شوي یاست او یا وروستی منفي ازموینه ولری ترڅو خپل روغتیا پاس یا جواز ولری.

که تاسو COVID-19 ناروغۍ نه لرئ او واکسین شوي هم نه یاست، نو تاسو کولی شئ خپل روغتیا پاس یا جواز د PCR او یا انټيجن منفي ازموینې په لرلو سره ترلاسه کړئ.

یادونه : د پي سي آر (PCR) ازموینه باید په فرانسه کې ادارو ته د لاسرسي لپاره له 24 ساعتونو څخه کمه او د سرحداتو څخه د تیریدو لپاره له 72 ساعتونو څخه کمه موده کې شوی وي. او د انټیجن ازموینه باید 48 ساعته مخکي ترسره شي کله چې تاسو غواړی په اروپا کې او یا اوتخ میر (outre-mer) ته سفر وکړی.

یادونه: د اکتوبر د میاشتي له 15 څخه د پي سي آر او انټیجن ازمویني د بالغو نا واکسین شویو کسانو لپاره وړیا نه دي، یوازي د طبي اړتیاو په صورت کې. همدارنګه په خپله د خپل ځان د کورنا ټسټ یا ازموینه کولو اجازه نشته.

یو کاغذې سند چې دا ثابتوي چې تاسو منفي یاست تاسو ته درکول کیږي کله چې ستاسو د ازموینې پایله معلومه شي. دا د انټيجن آزموینې لپاره یو څو دقیقې وخت نیسي، د بیلګې په توګه په درملتون کې او په لابراتوار کې د PCR ازموینه څو ساعته وخت نیسي.

تاسو به یو اس ایم اس یا یو ایمیل د مربوطه لنک سره ترلاسه کړئ ترڅو تاسو وکولای شئ د SI - DEP پورټل (sur le portail SI-DEP) کې په آنلاین بڼه د خپلې ازموینې سند ترلاسه کړئ. بیا تاسو کولی شئ خپل سند د TousAntiCovid اپلیکیشن ته وارد کړئ.

د واکسین تصدیق نامه یا سند (په ameli.fr کې شتون لري) او د ازموینې پایلي په(si-dep.gouv) شتون لري او اوس مهال دغه سیستم په د اروپا په سطحه همغږي شوي دي. ستاسو د روغتیا پاس له همدې امله د اروپایي اتحادیې په ټولو هیوادونو کې د اعتبار وړ دی او تاسو ته اجازه درکوي په آزاده توګه سفر وکړئ.

یادونه : دا ستاسو د واکسین کولو وروسته 14 ورځې وخت نیسي (او نه لکه په کې چې 7 ورځې ده) ترڅو دوه ډوزه واکسین کول (فایزر، آسترازینیکا، مودرنا) تکمیل شي اود هغو کسانو لپاره چې دمخه یې کوویډ - 19 درلودل.

تاسو کولی شئ خپل صحي پاس په کاغذې بڼه یا ډیجیټل بنه د TousAntiCovid اپلیکیشن له لارې له ځان سره ولری.

ښه پوهیدل: موږ تاسو ته مشوره درکوو چې د خپل منزل مقصود یا هغه هیواد ته چې تاسو سفر کول غواړئ د فرانسي څخه هغه هیواد ته د سفر قوانین او په هغه هیواد کې مقررات او نافذه قوانینو په اړه په لاندې پاڼه لازم معلومات وګورئ :

diplomatie.gouv.fr

ستاسو د وروستي انجیکشن څخه څو میاشتې وروسته، د واکسین اغیزمنتوب کمیږي. له همدې امله، د بوسټر دوز اوس سپارښتنه کیږي. د نومبر له 27 راهیسې، د واکسین بوسټر د وروستي انجیکشن یا د COVID-19 وروستي انفیکشن څخه پنځه میاشتې وروسته د 18 کالو او تر هغه پورته عمر ټولو خلکو لپاره خلاص دی.

د واکسین کولو دا بوسټر ستاسو د روغتیا پاسپورت اعتبار باندې پایلې لري:

• د 2021 دسمبر له 15 څخه ، د 65 څخه پورته خلکو لپاره روغتیایی پاس به نور فعال نه وي که چیرې بوسټر د انفیکشن په اوو میاشتو کې یا د وروستي انجیکشن وروسته نه وي جوړ شوی.
• د 2022 کال د جنوري له 15 څخه، روغتیایی پاس به د وروستي انجیکشن څخه اوه میاشتې وروسته د 18 کالو څخه پورته ټولو خلکو لپاره د بوسټر دوز په نشتوالي کې باطل شي.
• د 2022 فبروري له 15 تاریخ څخه ورسته که چیرې تاسو دریم یا اضافي واکسین نه وې کړئ نو د واکسین سرټفکيټ د اعتبار موده به 4 میاشتي وي په ځای د 7 میاشتو.